অস্ত্ৰ ত্যাগৰ বাবে সাজু হামাছ, দ্বিতীয় ৰাউণ্ডৰ আলোচনাৰ পূৰ্বে দিলে ডাঙৰ সংকেত…

গাজাত চলি থকা যুদ্ধবিৰতি চুক্তিৰ দ্বিতীয় পৰ্যায়ৰ পূৰ্বে এক বৃহৎ বিবৃতি প্ৰকাশ কৰিছে হামাছে। দেওবাৰে হামাছৰ এজন জ্যেষ্ঠ বিষয়াই কয় যে ইজৰাইলৰ সৈতে হোৱা যুদ্ধবিৰতি চুক্তিৰ অংশ হিচাপে নিজৰ অস্ত্ৰ-শস্ত্ৰ ফ্ৰীজ বা মজুত কৰাৰ প্ৰস্তাৱৰ বিষয়ে আলোচনা কৰিবলৈ সাজু হৈছে উগ্ৰপন্থী সংগঠনটোৱে। এই পদক্ষেপে আমেৰিকাৰ দালালি কৰা চুক্তিখনৰ সৈতে জড়িত অন্যতম জটিল সমস্যা সমাধানত সহায়ক হিচাপে প্ৰমাণিত হ’ব পাৰে।

হামাছৰ সিদ্ধান্ত গ্ৰহণকাৰী ৰাজনৈতিক ব্যুৰোৰ সদস্য বাছেম নাইমে এই মন্তব্য কৰে যেতিয়া দুয়োপক্ষই চুক্তিখনৰ দ্বিতীয় আৰু অধিক জটিল পৰ্যায়ত প্ৰৱেশৰ বাবে সাজু হৈছে। কাটাৰৰ ৰাজধানী ডোহাত এছ’চিয়েটেড প্ৰেছৰ সৈতে হোৱা এক সাক্ষাৎকাৰত নয়মে কয়, “আমি এক ব্যাপক পন্থা গ্ৰহণ কৰিবলৈ সাজু হৈছো যাতে পুনৰ উত্তেজনা বৃদ্ধি নহয় বা কোনো ধৰণৰ সংঘৰ্ষ বা বিস্ফোৰণৰ পৰা হাত সাৰিব পাৰো”।

চুক্তিখনৰ পৰৱৰ্তী আৰু আটাইতকৈ জটিল পৰ্যায়

হামাছৰ ৰাজনৈতিক ব্যুৰোৰ জ্যেষ্ঠ নেতা বাছাম নইমে কাটাৰৰ ডোহাত কয় যে, হামাছে সংঘাত বৃদ্ধি ৰোধ কৰিবলৈ যিকোনো ব্যাপক সমাধানৰ বিষয়ে আলোচনা কৰিবলৈ সাজু। আমেৰিকাৰ দালালিত চুক্তিৰ পৰৱৰ্তী আৰু জটিল পৰ্যায় আৰম্ভ হ’বলৈ ওলোৱাৰ সময়তে এই বক্তব্য প্ৰকাশ পাইছে।

৭০ হাজাৰৰো অধিক পেলেষ্টাইনী নিহত

এই যুদ্ধবিৰতি কাৰ্যকৰী কৰা হৈছিল এই যুদ্ধবিৰতি দুবছৰতকৈ অধিক সময়ৰ ইজৰাইলৰ সামৰিক অভিযান বন্ধ কৰি কাৰ্যকৰী কৰা হয়। ২০২৩ চনৰ ৭ অক্টোবৰত হামাছৰ আক্ৰমণৰ পিছত আৰম্ভ কৰা হৈছিল। য’ত নিহত হয় ১২০০ৰো অধিক লোক আৰু ২৫০ জনতকৈ অধিক লোকক পণবন্দী কৰি ৰখা হৈছিল। ইয়াৰ প্ৰতিক্ৰিয়া স্বৰূপে ইজৰাইলৰ আক্ৰমণত ৭০ হাজাৰৰো অধিক পেলেষ্টাইনী লোকৰ মৃত্যু হয় আৰু গাজাৰ বৃহৎ অংশ ধ্বংস হয়। প্ৰথম পৰ্যায়ত দুয়োপক্ষই পণবন্দী আৰু বন্দী বিনিময় কৰে। এতিয়া গাজাত মাত্ৰ এজন ইজৰাইলী আৰক্ষীৰ অৱশিষ্টহে বাকী আছে।

দ্বিতীয় পৰ্যায় আৰু কঠিন বিষয়?

দ্বিতীয় পৰ্যায়ৰ যুদ্ধবিৰতি আলোচনাক আটাইতকৈ কঠিন বুলি বিবেচিত হৈছে। ইয়াৰ বাবে কেইবাটাও গুৰুত্বপূৰ্ণ বিষয়ত সহমতৰ প্ৰয়োজন হ’ব। যেনে গাজাত আন্তঃৰাষ্ট্ৰীয় নিৰাপত্তা বাহিনী নিয়োগ কৰা, গাজা পৰিচালনাৰ বাবে কাৰিকৰী সমিতি গঠন কৰা, গাজাৰ পৰা ইজৰাইলী বাহিনী প্ৰত্যাহাৰ কৰা, হামাছৰ নিৰস্ত্ৰকৰণ। এই সকলোবোৰ পইণ্ট আমেৰিকাৰ ৰাষ্ট্ৰপতি ট্ৰাম্পৰ অধ্যক্ষতাত আন্তঃৰাষ্ট্ৰীয় ব’ৰ্ডে নিৰীক্ষণ কৰিব।

অস্ত্ৰ সমৰ্পণৰ ওপৰত হামাছৰ স্থিতি

এই বিষয়ত ইজৰাইলৰ প্ৰধান চৰ্ত হ’ল হামাছে নিজৰ অস্ত্ৰ-শস্ত্ৰ সম্পূৰ্ণৰূপে আত্মসমৰ্পণ কৰা। এইটোৱেই আটাইতকৈ বিতৰ্কিত বিষয়। এই বিষয়ত নৈমে কয় যে, হামাছে “প্ৰতিৰোধৰ অধিকাৰ” সংৰক্ষিত ৰাখিছে, কিন্তু যদিহে প্ৰকৃত দীৰ্ঘম্যাদী (৫-১০ বছৰীয়া) শান্তি প্ৰক্ৰিয়া আৰম্ভ হয়, তেন্তে অস্ত্ৰ-শস্ত্ৰ ফ্ৰীজ কৰা, সংৰক্ষণ কৰা বা জমা কৰা সম্ভৱ। নৈমে লগতে কয় যে ইয়াৰ বাবে পেলেষ্টাইনৰ নিশ্চয়তা আৰু সন্মতিৰ অধীনত হ’ব।