গৌৰৱ গগৈ (Gaurav Gogoi)

গৌৰৱ গগৈ এগৰাকী ভাৰতীয় ৰাজনীতিক আৰু বৰ্তমান লোকসভাৰ সাংসদ। তেওঁ ভাৰতীয় জাতীয় কংগ্ৰেছ দলৰ সদস্য আৰু লোকসভাত অসমৰ কলিয়াবৰ লোকসভা সমষ্টিক প্ৰতিনিধিত্ব কৰে। তেওঁ অসমৰ প্ৰাক্তন মুখ্যমন্ত্ৰী তৰুণ গগৈৰ পুত্ৰ।

গৌৰৱ গগৈৰ জন্ম হয় ১৯৮২ চনৰ ৪ ছেপ্তেম্বৰত দিল্লীত। তেওঁৰ পিতৃ তৰুণ গগৈয়ে ২০০১ চনৰ পৰা ২০১৬ চনলৈ অসমৰ মুখ্যমন্ত্ৰী ৰূপে শাসনত আছিল। গগৈয়ে দিল্লীৰ ছেন্ট কলম্বাছ স্কুলৰ পৰা স্কুলীয়া শিক্ষা গ্ৰহণ কৰি ইন্দ্ৰপ্ৰস্থ বিশ্ববিদ্যালয়ৰ পৰা বি টেক ডিগ্ৰী লাভ কৰিছিল। তাৰ পিছত তেওঁ আমেৰিকা যুক্তৰাষ্ট্ৰৰ নিউয়ৰ্ক বিশ্ববিদ্যালয়ৰ পৰা প্ৰশাসনিক শিক্ষা গ্ৰহণ কৰে।

গগৈ ২০১৪ চনৰ মাৰ্চত চনত কংগ্ৰেছ দলৰ পৰা মনোনীত হয় কলিয়াবৰ (লোকসভা সমষ্টি)ৰ বাবে। তাৰ পিছত তেওঁ লোকসভা নিৰ্বাচনত সৰ্বমুঠ ৪,৪৩,৩১৫ ভোট লাভ কৰি বিজয়ী হয় আৰু কলিয়াবৰ লোকসভা সমষ্টিৰ পৰা সাংসদ হিচাপে নিৰ্বাচিত হয়।

গৌৰৱ গগৈৰ পত্নীৰ নাম এলিজাবেথ। এতিয়া দুই পুত্ৰ-কন্যাৰ পিতৃ-মাতৃ গৌৰৱ গগৈ আৰু এলিজাবেথ।