Pakistan Serial Bomb Blast Drone Attack LIVE: পাকিস্তানত ভাৰতৰ এটাৰ পাছত আনটো আক্ৰমণ…

এখনৰ পাছত আনখন বৈঠক

পিএমঅ’ত এখনৰ পাছত আনখন উচ্চ পৰ্যায়ৰ বৈঠক চলি আছে। কিছু সময়ৰ পূৰ্বে বিশ্ব বেংক গোটৰ সভাপতি অজয় ​​বাংগাই পিএমঅ’ত প্ৰধানমন্ত্ৰী মোদীক সাক্ষাৎ কৰে।

কাশ্মীৰৰ বহু অঞ্চলৰ স্কুল বন্ধ

ভাৰতৰ আক্ৰমণৰ পাছতে পাকিস্তানে অহৰহ যুদ্ধবিৰতি উলংঘা কৰি আছে। এনে পৰিস্থিতিৰ প্ৰতি লক্ষ্য ৰাখি দ্যালয় শিক্ষা সঞ্চালক কাশ্মীৰে বাৰামুল্লা, কুপৱাৰা, শ্ৰীনগৰৰ সকলো চৰকাৰী আৰু বেচৰকাৰী বিদ্যালয় আৰু আৱন্তীপোৰা বিমানবন্দৰৰ সমীপৱৰ্তী বিদ্যালয়সমূহ অহা ৯ আৰু ১০ মে’ত বন্ধ কৰাৰ সিদ্ধান্ত গ্ৰহণ কৰিছে।

পাকিস্তানে জন্মৰ পৰাই মিছা কথা কৈ আহিছে…

সংবাদমেলত টিভি৯ৰ সংবাদদাতা মনীষ ঝাই বৈদেশিক সচিবক প্ৰশ্ন কৰে, ‘পাকিস্তানৰ প্ৰধানমন্ত্ৰী আৰু প্ৰতিৰক্ষা মন্ত্ৰীয়ে সকলো ধৰণৰ অপপ্ৰচাৰ কৰি আছে…এই সন্দৰ্ভত আপুনি কি ক’ব?’ ইয়াৰ প্ৰত্যুত্তৰত বিক্ৰম মিশ্ৰীয়ে কয় যে পাকিস্তানে জন্মৰ পৰাই মিছা কথা কৈ আহিছে। কাশ্মীৰ সন্দৰ্ভত প্ৰথম মিছা কথা কোৱা হৈছিল ৰাষ্ট্ৰসংঘত। সেয়েহে আজি তেওঁ কোৱা কথাবোৰত কোনো আচৰিত কথা নাই।

গুৰুদ্বাৰত আক্ৰমণ

বৈদেশিক সচিব বিক্ৰম মিশ্ৰীয়ে সংবাদমেলত কয় যে, কালি পাকিস্তানে জম্মু-কাশ্মীৰৰ শিখ সম্প্ৰদায়ক আক্ৰমণ কৰে। পুঞ্চত এটা গুৰুদ্বাৰত আক্ৰমণ।  এই সময়চোৱাত শিখ সম্প্ৰদায়ৰ লোকক লক্ষ্য কৰি লয়।

লাদেনত কোনে শ্বহীদ কৈছিল…

বৈদেশিক সচিব বিক্ৰম মিশ্ৰীয়ে কয়, পৃথিৱীত পাকিস্তানৰ পৰিচয় কি… এয়া মনত পেলাই দিয়াৰ প্ৰয়োজন নাই। ক’ত পোৱা গৈছিল ওছামা বিন লাডেনক আৰু কোনে তেওঁক শ্বহীদ বুলি কৈছিল? পাকিস্তানত ৰাষ্ট্ৰসংঘৰ নিৰ্ধাৰিত বৃহৎ সংখ্যক সন্ত্ৰাসবাদী আৰু কেইবাখনো দেশৰ নিষিদ্ধ সন্ত্ৰাসবাদীও আছে। যোৱা কেইদিনমানৰ পৰা পাকিস্তানৰ প্ৰতিৰক্ষা মন্ত্ৰী আৰু প্ৰাক্তন বৈদেশিক মন্ত্ৰীয়ে সন্ত্ৰাসবাদী সংগঠনৰ সৈতে নিজৰ দেশৰ সম্পৰ্ক স্বীকাৰ কৰিছে।

বৈদেশিক সচিব বিক্ৰম মিশ্ৰীয়ে কি ক’লে…

বৈদেশিক সচিব বিক্ৰম মিশ্ৰীয়ে কয়, পাকিস্তান সন্ত্ৰাসবাদৰ কেন্দ্ৰবিন্দু। বিশ্বৰ বহু সন্ত্ৰাসবাদী আক্ৰমণত পাকিস্তানৰ হাত আছে। পাকিস্তানৰ প্ৰতিৰক্ষা মন্ত্ৰী আৰু প্ৰাক্তন বৈদেশিক মন্ত্ৰীয়ে স্বীকাৰ কৰিছে সন্ত্ৰাসবাদৰ সৈতে পাকিস্তানৰ সম্পৰ্ক।

আৰু কি কয়…

কৰ্ণেল ছফিয়া কুৰেশ্বীয়ে কয় যে ,৭-৮ মে’ৰ নিশা পাকিস্তানে অৱন্তিপুৰা, শ্ৰীনগৰ, জম্মু, পাঠানকোট, অমৃতসৰ, কাপুৰথালা, জলন্ধৰ, লুধিয়ানা, আদমপুৰ, বাথিণ্ডা, চণ্ডীগড়, নল, ফালোদী, উত্তৰলাই আৰু ভূজকে ধৰি উত্তৰ আৰু পশ্চিম ভাৰতৰ কেইবাটাও সামৰিক ঘাটি ড্ৰ’ন আৰু মিছাইলেৰে লক্ষ্য কৰি ল’বলৈ চেষ্টা কৰিছিল। ইতিমধ্যে এইবোৰ বিফল হৈছে আৰু ইয়াত ধ্বংসাৱশেষ উদ্ধাৰ হৈছে।   যিয়ে পাকিস্তানৰ আক্ৰমণৰ প্ৰমাণ দিয়ে।

ছফিয়া কুৰেশ্বীয়ে কি কয়…

সন্ত্ৰাসবাদৰ বিৰুদ্ধে ভাৰতৰ অপাৰেশ্যন সেন্দূৰ সন্দৰ্ভত কৰ্ণেল ছফিয়া কুৰেশ্বীয়ে কয় যে আমি কৈছিলো যে আমি পাকিস্তানৰ সামৰিক ঘাটি লক্ষ্য কৰি লোৱা নাই। কিন্তু পাকিস্তানে ভাৰতৰ কেইবাটাও সামৰিক ঘাটিত ড্ৰ’ন আৰু মিছাইলেৰে আক্ৰমণৰ চেষ্টা চলাইছিল। ইয়াৰ ধ্বংসাৱশেষ উদ্ধাৰ কৰা হৈছে।

সংবাদ মাধ্যম, অ’টিটি প্লেটফৰ্মলৈ নিৰ্দেশনা…

ভাৰত-পাকিস্তানৰ মাজত অব্যাহত আছে উত্তেজনা। অপাৰেশ্যন সেন্দূৰৰ পাছতে পাকিস্তানৰ বৰ্তমানৰ স্থিতিৰ প্ৰতি লক্ষ্য ৰাখি চৰকাৰে দেশৰ সকলো অ’টিটি প্লেটফৰ্ম, মিডিয়া ষ্ট্ৰীমিং প্লেটফৰ্ম আদিক ৰাষ্ট্ৰীয় নিৰাপত্তাৰ স্বাৰ্থত বিশেষ পৰামৰ্শ জাৰি কৰিছে। চৰকাৰে কয় যে পাকিস্তানত নিৰ্মিত ৱেব-ছিৰিজ, চিনেমা, গীত, প’ডকাষ্ট আৰু অন্যান্য ষ্ট্ৰীমিং মিডিয়াৰ কন্টেন্ট (পাকিস্তানৰ সূত্ৰ) তাৎক্ষণিকভাৱে কাৰ্যকৰী হোৱাকৈ বন্ধ কৰিব লাগে।

কিছুসময়ৰ পাছতে বৈদেশিক মন্ত্ৰালয়ৰ সংবাদমেল

সন্ত্ৰাসবাদৰ বিৰুদ্ধে ভাৰতৰ অপাৰেশ্যন সেন্দূৰক লৈ কিছুসময়ৰ বৈদেশিক পৰিক্ৰমা মন্ত্ৰালয়ৰ সংবাদমেল অনুষ্ঠিত হ’ব। ইয়াত বৈদেশিক সচিব বিক্ৰম মিশ্ৰী, কৰ্ণেল ছফিয়া কুৰেশ্বী, উইং কমাণ্ডাৰ ব্যোমিকা সিং আৰু বৈদেশিক মন্ত্ৰালয়ৰ মুখপাত্ৰ ৰন্ধীৰ জয়ছৱালে তথ্য প্ৰকাশ কৰিব।

জম্মু-কাশ্মীৰলৈ প্ৰেৰণ কৰা হ’ব অৰ্ধসামৰিক বাহিনীৰ অতিৰিক্ত কোম্পানী

সাম্প্ৰতিক পৰিস্থিতিৰ প্ৰতি লক্ষ্য ৰাখি সকলো অৰ্ধসামৰিক বাহিনীৰ অতিৰিক্ত কোম্পানী জম্মু-কাশ্মীৰৰ  প্ৰেৰণ কৰা হ’ব। ইয়াৰ ভিতৰত চিআৰপিএফ, বিএছএফ, আইটিবিপি আৰু এছএছবি অন্তৰ্ভুক্ত। তেওঁলোকৰ মূল কৰ্তব্য হ’ব গুৰুত্বপূৰ্ণ সংস্থাসমূহক সুৰক্ষা প্ৰদান কৰা আৰু সীমান্তত বসবাস কৰা লোকসকলক নিৰাপদ স্থানলৈ লৈ যোৱা।

আমাৰ ধৈৰ্য্যৰ সুবিধা ল’বলৈ চেষ্টা নকৰিব : ৰাজনাথ সিং

প্ৰতিৰক্ষা মন্ত্ৰী ৰাজনাথ সিঙে  লগতে কয়, ভাৰতে সদায় এটা দায়িত্বশীল ৰাষ্ট্ৰৰ ভূমিকা পালন কৰি আহিছে। আমি সদায় আলোচনাৰ জৰিয়তে সমস্যা সমাধানৰ পক্ষত আছো। কিন্তু ইয়াৰ অৰ্থ এইটো নহয় যে আমাৰ ধৈৰ্য্যৰ অনুচিত সুবিধা কোনেও ল’ব লাগে। যদি কোনোবাই এই কাম কৰে তেন্তে কালিৰ দৰে একচনৰ সন্মুখীন হ’বলৈ সাজু হ’ব লাগিব। ভৱিষ্যতেও এনে দায়িত্বশীল পদক্ষেপৰ বাবে আমি সাজু।

ৰাজনাথ সিঙে কি কয়…

অপাৰেশ্যন সেন্দূৰ সন্দৰ্ভত প্ৰতিৰক্ষা মন্ত্ৰী ৰাজনাথ সিঙে কয় যে, বৰ্তমান এই অভিযান চলি আছে। যোৱা নিশাও সেনাই এক নিখুঁত আক্ৰমণ চলায়। দেশৰ নিৰাপত্তাৰ প্ৰয়োজনীয়তাৰ বাবে অৰ্ডানেন্স ফেক্টৰীয়ে গুৰুত্বপূৰ্ণ ভূমিকা পালন কৰিছে।

ৰাজনাথে সিঙৰ প্ৰতিক্ৰিয়া

অপাৰেশ্যন সেন্দূৰ সন্দৰ্ভত প্ৰতিক্ৰিয়া ব্যক্তি কৰি প্ৰতিৰক্ষা মন্ত্ৰী ৰাজনাথে সিঙে কয় যে,সশস্ত্ৰ বাহিনীক প্ৰদৰ্শন কৰা সাহস আৰু বীৰত্বৰ বাবে মই অভিনন্দন জনাইছো। সন্ত্ৰাসবাদী শিবিৰ ধ্বংস কৰাৰ বাবে অভিনন্দন।

কান্দি উঠিল পাকিস্তানী সাংসদ

ভাৰতৰ প্রতিশোধমূলক কার্যৰ বাবে পাকিস্তানত আতংকৰ সৃষ্টি হৈছ। ইয়াৰ প্ৰভাৱ পাকিস্তানৰ সংসদতো দেখা গৈছে। সংসদ চলি থকা বিতৰ্কৰ সময়ত সাংসদ তথা প্ৰাক্তন পাকিস্তানী মেজৰ তাহিৰ ইকবালে কান্দি উঠে। তেওঁ কয় যে, মই দোৱা কৰিছো আল্লাহে ৰক্ষা কৰক।

১৬ ভাৰতীয়ৰ মৃত্যু

পাকিস্তানে বৃদ্ধি কৰিছে গুলীচালনা। জম্মু-কাশ্মীৰৰ কুপৱাৰা, বাৰামুল্লা, উৰি, পুঞ্চ, মেন্ধৰ আৰু ৰাজৌৰী ছেক্টৰত মৰ্টাৰ আৰু গধুৰ কেলিবাৰ আৰ্টিলাৰী ব্যৱহাৰ কৰি এল অ’ চিৰ ওপৰেৰে গুলীচালনা কৰিছে পাকিস্তানে। ইয়াৰ ফলত বৰ্তমান পৰ্যন্ত ১৬ জন ভাৰতীয়ই প্ৰাণ হেৰুৱাইছে। ইয়াৰ ভিতৰত ৩ গৰাকী মহিলা আৰু ৫ টা শিশু আছে।

আৰু পঢ়কঃ বিস্ফোৰণত কঁপি উঠিল পাকিস্তান! ২৫ টাকৈ স্থানত ভাৰতৰ ড্ৰ’ন আক্ৰমণ, অথ’লে গ’ল বায়ু প্ৰতিৰক্ষা ব্যৱস্থা…

পাকিস্তানে উলংঘা কৰি গৈছে যুদ্ধ বিৰতি চুক্তি

পাকিস্তান অবিৰতভাৱে যুদ্ধ বিৰতি উলংঘা কৰি আছে। জম্মুৰ পুঞ্চস্থিত গুৰুদ্বাৰা পৰিচালনা সমিতিৰ সভাপতি নৰিন্দৰ সিঙে কয় যে কালি পুঞ্চত প্ৰচণ্ড গোলাবৰ্ষণ সংঘটিত হৈছে। ইয়াৰ ফলত গুৰুদ্বাৰাৰ ৰাগী ভাই অমৰিক সিঙৰ মৃত্যু হয়। সেই অঞ্চলটোত ইয়াৰোপৰি এটা হিন্দু শিশু, চাৰিজন শিখৰ মৃত্যু হৈছে। ইয়াৰোপৰি মুছলিম সম্প্ৰদায়ৰ লোকো আছে।

ইছলামাবাদত চাইৰেনৰ শব্দ

পাকিস্তানৰ ইছলামাবাদত চাইৰেনৰ শব্দ শুনিবলৈ পোৱা গৈছে। ইয়াৰ পাছতে পাকিস্তানত তীব্ৰ উত্তেজনাই বিৰাজ কৰিছে।

২৫ টা স্থানত ড্ৰ’ন আক্ৰমণ

প্ৰতিৰক্ষা মন্ত্ৰালয়ে জনোৱা মতে, ভাৰতীয় বায়ুসেনাই আজি পুৱা পাকিস্তানৰ একাধিক বায়ু প্ৰতিৰক্ষা ৰাডাৰ আৰু ব্যৱস্থাক লক্ষ্য কৰি নিৰ্ণায়ক পদক্ষেপ গ্ৰহণ কৰে। ৭-৮ মে’ৰ নিশা পাকিস্তানে ভাৰতৰ উত্তৰ আৰু পশ্চিম সামৰিক ঘাটিত ড্ৰ’ন আৰু মিছাইল আক্ৰমণৰ প্ৰতিক্ৰিয়া স্বৰূপে ভাৰতে এই ব্যৱস্থা গ্ৰহণ কৰে।

ভাৰতে কি ক’লে

প্ৰতিৰক্ষা মন্ত্ৰালয়ে কয় যে ভাৰতীয় সশস্ত্ৰ বাহিনীয়ে পাকিস্তানী সেনাৰ যিকোনো প্ৰৰোচনাৰ প্ৰতি কঠোৰ সঁহাৰি দিব বুলি সকীয়াই দিছে। পৰিস্থিতি অহৰহ নিৰীক্ষণ কৰা হৈছে, আৰু ভাৰতে শান্তি বজাই ৰখাৰ বাবে প্ৰতিশ্ৰুতিবদ্ধ।

আমেৰিকাৰ সতৰ্কবাণী

ভাৰত আৰু পাকিস্তানৰ মাজত অব্যাহত উত্তেজনাৰ মাজতে আমেৰিকাই লাহোৰ সন্দৰ্ভত নিজৰ নাগৰিকসকলক সতৰ্কবাণী জাৰি কৰিছে। লগতে আমেৰিকাৰ মানুহক তাৰ পৰা পলাবলৈ বা আন ঠাইত আশ্ৰয় লোৱাৰ নিৰ্দেশ প্ৰদান কৰিছে।