ড’নাল্ড ট্ৰাম্প

ড’নাল্ড ট্ৰাম্প এজন ৰাজনীতিবীদৰ লগতে সফল আমেৰিকান ব্যৱসায়ীও। ১৯৪৬ চনৰ ৪ জুনত নিউয়ৰ্কৰ কুইন্সত জন্মগ্ৰহণ কৰিছিল ড’নাল্ড ট্ৰাম্পে। তেওঁৰ পিতৃ আছিল এজন ৰিয়েল ইষ্টেট ব্যৱসায়ী। ১৩ বছৰ বয়সত ট্ৰাম্পে পঢ়া-শুনা কৰিবলৈ মিলিটাৰী স্কুললৈ যায়। পিছলৈ ১৯৬৪ চনত তেওঁ মিলিটাৰী একাডেমীৰ পৰা স্নাতক ডিগ্ৰী লাভ কৰে।

৭০ৰ দশকতে ট্ৰাম্পে লোকচান হোৱা ক’ম’ডৰ হোটেলখন ৭ কোটি ডলাৰত ক্ৰয় কৰিছিল আৰু ১৯৮০ চনত তেওঁ দ্য গ্ৰেণ্ড হায়াট নামেৰে এই হোটেলখন আৰম্ভ কৰিছিল। ১৯৮২ চনত ড’নাল্ড ট্ৰাম্পে নিউয়ৰ্কত ট্ৰাম্প টাৱাৰ নিৰ্মাণ কৰিছিল, যিটো নিউয়ৰ্কৰ অন্যতম বিখ্যাত অট্টালিকা।

১৯৯৯ চনতো ট্ৰাম্পে ৰাজনীতিত হাত দিছিল। তেওঁ ৰিফৰ্ম পাৰ্টি গঠন কৰে। কিন্তু তেতিয়া তেওঁ ৰাষ্ট্ৰপতি পদত উপনীত হ’ব নোৱাৰিলে। পিছলৈ তেওঁৰ সকলো বিতৰ্কৰ মাজতো ২০১৬ চনৰ ১৯ ​​জুলাইত ট্ৰাম্পক আমেৰিকাৰ গ্ৰেণ্ড অল্ড পাৰ্টি ৰিপাব্লিকান পাৰ্টিৰ ৰাষ্ট্ৰপতি পদৰ প্ৰাৰ্থী হিচাপে নিৰ্বাচিত কৰা হয়। আমেৰিকাৰ আটাইতকৈ পুৰণি ৰাষ্ট্ৰপতি হিচাপে পৰিগণিত হৈছে ট্ৰাম্প। নিৰ্বাচনৰ সময়ত তেওঁৰ বয়স আছিল ৭০ বছৰ। তেওঁ আছিল প্ৰথমজন ৰাষ্ট্ৰপতি যাৰ কোনো বিশেষ ৰাজনৈতিক পটভূমি নাছিল।