ঘৰৰ এই দিশত ৰোপণ কৰক কল গছ, বাঢ়িব ধন-সম্পত্তি; বাস্তু শাস্ত্ৰই দিছে বিধান
বাস্তু শাস্ত্ৰত বহু শুভ আৰু পবিত্ৰ উদ্ভিদৰ বিষয়ে উল্লেখ কৰা হৈছে। এনে উদ্ভিদৰ ভিতৰত কল গছ অন্যতম। ঘৰৰ চৌহদত কলগছৰ উপস্থিতি সুখ-সমৃদ্ধি, শান্তি তথা সৌভাগ্যৰ প্ৰতীক হিচাপে গণ্য কৰা হয়। ঘৰত কল গছ ৰোপণৰ কিছুমান নিয়ম আছে। জানো আহক এই বিষয়ে।
হিন্দু ধৰ্মীয় বিশ্বাস অনুসৰি কিছুমান উদ্ভিদক অত্যন্ত শুভ তথা পবিত্ৰ হিচাপে গণ্য কৰা হয়। বাস্তু শাস্ত্ৰতো এনে শুভ আৰু পবিত্ৰ উদ্ভিদৰ বিষয়ে উল্লেখ কৰা হৈছে। এনে উদ্ভিদৰ ভিতৰত কল গছ অন্যতম। ধৰ্মীয় বিশ্বাস অনুসৰি ভগৱান বিষ্ণু কলগছত বাস কৰে। ঘৰৰ চৌহদত কলগছৰ উপস্থিতি সুখ-সমৃদ্ধি, শান্তি তথা সৌভাগ্যৰ প্ৰতীক হিচাপে গণ্য কৰা হয়। ধৰ্মীয় ৰীতি অনুসৰি বৃহস্পতিবাৰে কলৰ পূজা কৰা হয়। কল গছৰ পূজা কৰাৰ বিশেষ তাৎপৰ্য আছে। সেইদৰে ঘৰত কল গছ ৰোপণৰ কিছুমান নিয়ম আছে।
ধৰ্মীয় অনুষ্ঠান আৰু ঘৰত কোনো শুভ ৰীতি-নীতিৰ সময়ত কলৰ গছেৰে সজোৱা হয়। শুভ অনুষ্ঠানত কলক মংগলৰ প্ৰতীক হিচাপে গণ্য কৰা হয়। কল গছক জীৱনৰ স্থিৰতাৰ প্ৰতীক হিচাপে গণ্য কৰা হয়। কল গছৰ শক্তিশালী কাণ্ড আৰু ডাঙৰ পাতবোৰে সংৰক্ষণ আৰু সম্প্ৰসাৰণৰ ধাৰণাক প্ৰতিনিধিত্ব কৰে।
উত্তৰ-পূব দিশত কল গছ ৰোপণ কৰক
বাস্তু শাস্ত্ৰই ঘৰৰ উত্তৰ-পূব কোণত কল গছ ৰোপণ কৰাৰ পৰামৰ্শ দিয়ে। ইয়াৰ ফলত ঘৰখনত ইতিবাচক শক্তি বৃদ্ধি পায় আৰু পাৰিবাৰিক জীৱন সুখী হয় বুলি কোৱা হয়। কল গছে ধন-সম্পত্তি আৰু সমৃদ্ধি কঢ়িয়াই আনে বুলি বিশ্বাস কৰা হয়। উত্তৰ-পূব দিশত কল গছ ৰোপণ কৰিলে ঘৰখনলৈ শান্তি, সফলতা, সৌভাগ্যৰ আগমন ঘটে।
ধৰ্মীয় বিশ্বাস
বাস্তু মতে উদ্ভিদৰ শক্তিয়ে ঘৰৰ বায়ুমণ্ডলত প্ৰত্যক্ষভাৱে প্ৰভাৱ পেলায়। এইক্ষেত্ৰত কল গছক অধিক শুভ বুলি গণ্য কৰা হয়। ধৰ্মীয় বিশ্বাস অনুসৰি কলৰ পূজা কৰিলে দেৱী লক্ষ্মী ঘৰৰ ভিতৰলৈ আহে। বৃহস্পতিবাৰে কল গছত পানী আগবঢ়াই হালধি আৰু সেন্দূৰ লগাই, চাকি জ্বলাই পূজা কৰিলে পৰিয়ালটোক ভগৱান বিষ্ণুৱে আশীৰ্বাদ প্ৰদান কৰে আৰু গ্ৰহৰ বাধা দূৰ কৰে।
বিশেষ দ্ৰষ্টব্যঃ এই লেখাত উল্লেখ কৰা মতামতসমূহ ধৰ্মীয় বিশ্বাস তথা লোক বিশ্বাসৰ ওপৰত আধাৰিত। TV9 Assam-এ এই সন্দৰ্ভত নিজা কোনো মত প্ৰকাশ কৰা নাই।
