শুক্ৰাণু কোনে আৰু কেনেকৈ দান কৰিব? ইয়াৰ বাবদ কিমান টকা পায় জানো আহক

শুক্ৰাণু দান আজিৰ তাৰিখত এক গুৰুত্বপূৰ্ণ পদ্ধতি আৰু সহায়ক প্ৰজনন প্ৰযুক্তি। এই পদ্ধতিয়ে বন্ধ্যাত্বৰ সৈতে যুঁজি থকা বা পৰিয়াল গঢ়িব বিচৰা কিন্তু নিজৰ শুক্ৰাণুৰ অভাৱ থকাসকলক সহায় কৰে। নিঃসন্তানৰ বাবে ই এক নতুন আশাৰ ৰশ্মি। অবিবাহিত মহিলা, সমলিংগ দম্পতী, বন্ধ্যাত্বৰ সৈতে যুঁজি থকা দম্পতীয়ে শুক্ৰাণুৰ জৰিয়তে পৰিয়াল গঢ়ি তোলাৰ সপোন বাস্তৱায়িত কৰিছে। শুক্ৰাণু দান কৰিবলৈ হ’লে এজন দাতাই প্ৰথমে কিছুমান যোগ্যতা আৰু স্বাস্থ্যৰ মানদণ্ড পূৰণ কৰিব লাগিব। দাতাৰ বয়স, শাৰীৰিক আৰু মানসিক স্বাস্থ্য, পাৰিবাৰিক ইতিহাস, জীৱনশৈলী আদি সকলোকে বিবেচনা কৰা হয়। এই লেখাটোত শুক্ৰাণু দানৰ বাবে যোগ্য বয়স আৰু ইয়াৰ খৰচৰ বিষয়ে জানো আহক…

শুক্ৰাণু দাতাৰ বয়স কিমান হ’ব লাগে?

সাধাৰণতে ১৮ৰ পৰা ৩৯ বছৰৰ ভিতৰৰ সুস্থ পুৰুষে শুক্ৰাণু দানৰ যোগ্য। বিশেষজ্ঞসকলে শুক্ৰাণু দান কৰিব বিচৰাসকলে সুস্থ জীৱনশৈলী কটাব লাগে আৰু ধূমপান, মদ বা ড্ৰাগছ সেৱন পৰিহাৰ কৰিব লাগে বুলি পৰামৰ্শ দিয়ে। শুক্ৰাণু দান প্ৰক্ৰিয়াৰ সময়ত দাতাসকলে চিকিৎসাৰ পৰামৰ্শ লাভ কৰে। চিকিৎসকে নিশ্চিত কৰে যে দাতাজন শাৰীৰিক আৰু মানসিকভাৱে এই পদ্ধতিৰ বাবে প্ৰস্তুত। ইয়াৰ পিছত শুক্ৰাণুৰ নমুনা সংগ্ৰহ কৰি পৰীক্ষা কৰা হয়। এই পৰীক্ষাত শুক্ৰাণুৰ সংখ্যা, গতিশীলতা, আকৃতি আৰু অন্যান্য জৈৱিক বৈশিষ্ট্যৰ মূল্যায়ন কৰা হয়। যদি নমুনাটোৱে সকলো মাপকাঠী পূৰণ কৰে তেন্তে ইয়াক সংৰক্ষণ কৰা হয়। দান কৰা শুক্ৰাণু তৰল নাইট্ৰজেনত সংৰক্ষণ কৰা হয়, যাৰ ফলত ইয়াৰ গুণগত মান দীৰ্ঘদিন ধৰি ৰখাটো নিশ্চিত হয়।

ভাৰতত শুক্ৰাণু দানৰ মূল্য পৰ্দান কৰা হয়। দাতাৰ প্ৰফাইল, আৰু শুক্ৰাণুৰ মানদণ্ডৰ ওপৰত নিৰ্ভৰ কৰি ভিন্ন হয়। সাধাৰণতে প্ৰতিটো দানৰ মূল্য ৫০০ৰ পৰা ২০০০ টকা, আৰু কিছুমান ডাঙৰ চহৰত ১৫,০০০ টকা পৰ্যন্ত হ’ব পাৰে। এই ধন পৰিশোধৰ দ্বাৰা দাতাৰ অসুবিধা আৰু চিকিৎসা পৰীক্ষাৰ খৰচ সামৰি লোৱা হয়।

এই সংৰক্ষিত শুক্ৰাণুৰ দাম কিমান?

শুক্ৰাণু বেংকৰ পৰা শুক্ৰাণু ক্ৰয় কৰাসকলৰ বাবে শুক্ৰাণুৰ শিশিৰ দাম ৮০০০ৰ পৰা ২০ হাজাৰ টকাৰ ভিতৰত। এই মূল্য দাতাৰ প্ৰফাইল, শিক্ষা, তেজৰ প্ৰকাৰ, আৰু অন্যান্য বৈশিষ্ট্যৰ ওপৰত নিৰ্ভৰ কৰে। শুক্ৰাণু দানৰ জৰিয়তে এজন ব্যক্তিয়ে কেৱল সমাজখনক সহায় কৰাই নহয় পৰিয়াললৈ সুখ কঢ়িয়াই আনে। দান দিয়াৰ আগতে স্বাস্থ্য আৰু আইনী দিশবোৰ বুজি পোৱাটো গুৰুত্বপূৰ্ণ। বিশেষজ্ঞসকলে কয় যে শুদ্ধ তথ্য আৰু দায়বদ্ধতাৰে কৰা অনুদান কেৱল নিৰাপদ নহয়, সমাজৰ বাবেও উপকাৰী।

ক’ত শুক্ৰাণু দান কৰিব পাৰি?

শুক্ৰাণু দান অনুজ্ঞাপত্ৰপ্ৰাপ্ত আৰু চৰকাৰী নিয়ন্ত্ৰিত শুক্ৰাণু বেংক বা এ আৰ টি (assisted reproductive technology) বেংকত কৰা হয়, যাক প্ৰজনন ক্লিনিক বুলিও কোৱা হয়। শুক্ৰাণু দান কৰিবলৈ দাতাই শুক্ৰাণু বেংক বা ক্লিনিকলৈ যাব লাগিব, কিয়নো ঘৰৰ পৰা অনা শুক্ৰাণু গ্ৰহণ কৰা নহয়।

(অস্বীকাৰ: এই ৱেবছাইটত আপোনাক প্ৰদান কৰা সকলো স্বাস্থ্য তথ্য আৰু চিকিৎসা পৰামৰ্শ কেৱল আপোনাৰ তথ্যৰ বাবে। আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো, কিন্তু সেইবোৰৰ ওপৰত কাম কৰাৰ আগতে আপুনি আপোনাৰ ব্যক্তিগত চিকিৎসকৰ পৰামৰ্শ ল’লে ভাল হ’ব।)