মোদী চৰকাৰৰ পূৰ্বে আনে পাকিস্তানক কেতিয়াও উচিত প্ৰত্যুত্তৰ দিয়া নাছিলঃ অমিত শ্বাহ

দিল্লীত BSF ৰ এক কাৰ্যসূচীত উপস্থিত হয় গৃহমন্ত্ৰী অমিত শ্বাহ। এই অনুষ্ঠানত অমিত শ্বাহে অপাৰেচন সেন্দূৰৰ কথা উল্লেখ কৰে। তেওঁ কয়, অপাৰেচন সেন্দূৰৰ বিষয়ে সমগ্ৰ বিশ্বতে চৰ্চা চলি আছে, আমি সন্ত্ৰাসবাদী ঘাটি ধ্বংস কৰিলোঁ। এতিয়ালৈকে আমি প্ৰত্যুত্তৰ দি আহিছো। মোদী চৰকাৰৰ আগত পাকিস্তানক কেতিয়াও সঠিক উত্তৰ দিয়া হোৱা নাছিল যদিও ২০১৪ চনৰ পিছত আমি পাকিস্তানক উপযুক্ত উত্তৰ দিলোঁ।

অমিত শ্বাহে কয়, প্ৰথমবাৰৰ বাবে আমি পাকিস্তানত প্ৰৱেশ কৰি সন্ত্ৰাসবাদী আক্ৰমণৰ প্ৰত্যুত্তৰ দিছোঁ। উৰিতকৈও বেছি কঠোৰ উত্তৰ ভিতৰত প্ৰৱেশ কৰি বালাকোটত দিয়া হ’ল। অপাৰেচন সেন্দূৰতো আমি তীব্ৰ সঁহাৰি জনাইছোঁ। ভাৰতে কেইবা দশক ধৰি পাক পৃষ্ঠপোষকতাত সন্ত্ৰাসবাদৰ সন্মুখীন হৈ আহিছে। দশক দশক ধৰি পাকিস্তানে বহু ঘটনা সংঘটিত কৰিছিল যদিও কোনো উচিত উত্তৰ দিয়া নহ’ল। ২০১৪ চনত নৰেন্দ্ৰ মোদী প্ৰধানমন্ত্ৰী হৈছিল আৰু বিজেপি নেতৃত্বাধীন চৰকাৰ গঠন হৈছিল। উৰিত সন্ত্ৰাসবাদী আক্ৰমণ সংঘটিত হোৱাৰ লগে লগে আমি প্ৰথমবাৰৰ বাবে উপযুক্ত উত্তৰ দিছিলোঁ, সন্ত্ৰাসবাদীৰ আত্মগোপন স্থানত প্ৰৱেশ কৰি চাৰ্জিকেল ষ্ট্ৰাইক কৰি।

অপাৰেচন সেন্দূৰৰ সফলতা গণনা কৰি

অপাৰেচন সেন্দূৰক সফল বুলি অভিহিত কৰি অমিত শ্বাহে কয় যে, যোৱা ৮ মে’ত দুটা ডাঙৰ সন্ত্ৰাসবাদী ঘাটি ধ্বংস হৈছিল। আমি সেনা বা বিমান ঘাটিকো স্পৰ্শ কৰা নাছিলো, আমি কেৱল সন্ত্ৰাসবাদী ঘাটিবোৰক আক্ৰমণ কৰিছিলো, কিন্তু পাকিস্তানে প্ৰমাণ কৰিলে যে সন্ত্ৰাসবাদীৰ ওপৰত কৰা আক্ৰমণ তেওঁলোকৰ সেনাবাহিনীৰ ওপৰত আক্ৰমণ। পাকিস্তানে আমাৰ বিৰুদ্ধে সন্ত্ৰাসবাদী কাৰ্যকলাপৰ বাবে সামৰিক ব্যৱস্থা লৈছিল আৰু আমি ৯ তাৰিখে তেওঁলোকৰ বিমান ঘাটি উৰুৱাই দিলোঁ।

অপাৰেচন সেন্দূৰৰ কথা কওঁতে অমিত শ্বাহে কয় যে অপাৰেচন সেন্দুৰ আমাৰ প্ৰধানমন্ত্ৰীৰ শক্তিশালী ৰাজনৈতিক ইচ্ছাশক্তিৰ ফল, আমাৰ চোৰাংচোৱা সংস্থাৰ পৰা পোৱা সঠিক তথ্য আৰু সেনাৰ অগ্নিশক্তিৰ আচৰিত প্ৰদৰ্শনৰ ফল। যেতিয়া এই তিনিওটা একেলগে লগ হয় তেতিয়া অপাৰেচন সেন্দূৰৰ গঠন হয়।

#WATCH | Delhi | On #OperationSindoor, Union Home Minister Amit Shah says, “We believed that we had attacked the terrorists but Pakistan proved that it sponsors terrorism…Pakistan, considering the attack on terrorists as an attack on itself…When the Pakistani army tried to… pic.twitter.com/ojQRfl3v8F

— ANI (@ANI) May 23, 2025

“পৃথিৱীত পাকৰ পৃষ্ঠপোষকতাত সন্ত্ৰাস”

গৃহমন্ত্ৰীগৰাকীয়ে কয়, পাকিস্তানে প্ৰমাণ কৰিছে যে বিশ্বত সন্ত্ৰাসবাদ পাকৰ পৃষ্ঠপোষকতাত। সন্ত্ৰাসবাদীৰ অন্ত্যেষ্টিক্ৰিয়াৰ শোভাযাত্ৰাত পাকিস্তান সেনাৰ বিষয়াসকলে যিদৰে অংশগ্ৰহণ কৰিছিল, সেইটোৱে স্পষ্ট কৰি দিছিল যে বিশ্বত সন্ত্ৰাসবাদ পাকিস্তানৰ পৃষ্ঠপোষকতাত। পাকিস্তানৰ ভিতৰত ১০০ কিলোমিটাৰ প্ৰৱেশ কৰি আমি যিদৰে সঁহাৰি জনাইছিলো তাৰ বাবে সমগ্ৰ দেশ ভাৰতীয় সেনাক লৈ গৌৰৱ অনুভৱ কৰিছে। যেতিয়ালৈকে বি এছ এফ আছে তেতিয়ালৈকে পাকিস্তান সেনাই এক ইঞ্চিও আগবাঢ়িব নোৱাৰে।

“পহলগামত সকলো সীমা অতিক্ৰম কৰিলে”

ইতিহাস স্মৰণ কৰি পুলৱামা আক্ৰমণৰ কথা উল্লেখ কৰে গৃহমন্ত্ৰীগৰাকীয়ে। তেওঁ কয়, এদিন পুলৱামাত আক্ৰমণ সংঘটিত হৈছিল। ভাৰতীয় সেনাই ইয়াৰ উত্তৰত বিমান আক্ৰমণ চলায়। ইয়াৰ পিছত তেওঁলোকে পহলগামত সকলো সীমা অতিক্ৰম কৰিলে। নিজৰ ধৰ্ম সুধি নিৰীহ লোকক হত্যা কৰা হ’ল। সেই সময়ত প্ৰধানমন্ত্ৰীয়ে কৈছিল যে উপযুক্ত উত্তৰ দিয়া হ’ব আৰু তাৰ উত্তৰ অপাৰেচন সেন্দূৰ। আজি সমগ্ৰ বিশ্বই আমাৰ সেনাৰ বীৰত্বৰ প্ৰশংসা কৰিছে।