Bangladesh Election: ইউনুছক চেলেঞ্জ হাছিনাৰ- “ভোট যুদ্ধত মুখামুখি হওক, দেখা যাব জয় কাৰ হয়”
বাংলাদেশত অহা ১২ ফেব্ৰুৱাৰীত ৰাষ্ট্ৰীয় নিৰ্বাচন অনুষ্ঠিত হোৱাৰ কথা। আৱামী লীগ চৰকাৰৰ পতনৰ ডেৰ বছৰতকৈও অধিক সময়ৰ পাছত নিৰ্বাচন অনুষ্ঠিত হ’বলৈ ওলাইছে পদ্মাৰ পাৰৰ দেশখনত। তাৰ মাজতেই ইউনুছক প্ৰত্যাহ্বান শ্বেখ হাছিনাৰ।
‘ক্ষমতা থাকিলে নিৰ্বাচনত যুঁজ দিয়ক।’ বাংলাদেশৰ প্ৰাক্তন প্ৰধানমন্ত্ৰী শ্বেখ হাচিনাই বৃহস্পতিবাৰে বাংলাদেশৰ মুখ্য উপদেষ্টা মহম্মদ ইউনুছক এক অডিঅ’ বাৰ্তাযোগে এই প্ৰত্যাহ্বান জনায়। হাছিনাই কয়, “মই ইউনুছক আহ্বান জনাইছো, মোৰ বিৰুদ্ধে আহি নিৰ্বাচনত প্ৰতিদ্বন্দ্বিতা কৰক। যিকোনো আসনৰ পৰা প্ৰতিদ্বন্দ্বিতা কৰক। চাওকচোন মানুহে কাক ভোট দিয়ে! আপুনি তেনেকুৱা কৰিব নোৱাৰে। তেওঁৰ সাহস নাই।”
বাংলাদেশত অহা ১২ ফেব্ৰুৱাৰীত ৰাষ্ট্ৰীয় নিৰ্বাচন অনুষ্ঠিত হোৱাৰ কথা। আৱামী লীগ চৰকাৰৰ পতনৰ ডেৰ বছৰতকৈও অধিক সময়ৰ পাছত নিৰ্বাচন অনুষ্ঠিত হ’বলৈ ওলাইছে পদ্মাৰ পাৰৰ দেশখনত। ইতিমধ্যে বাংলাদেশৰ নিৰ্বাচন আয়োগে নিকা নিৰ্বাচন অনুষ্ঠিত কৰাৰ প্ৰতিশ্ৰুতি দি লাখ লাখ জোৱান আৰু নিৰাপত্তাৰক্ষী নিয়োগ কৰাৰ কথা ঘোষণা কৰিছে। কিন্তু এই নিৰ্বাচনত উপস্থিত নাথাকিব আৱামি লীগ। ইউনুছৰ চৰকাৰে নিষেধাজ্ঞা আৰোপ কৰিছে আৱামী লীগৰ ওপৰত। এই ক্ষেত্ৰত শ্বেখ হাছিনাই তীব্ৰ আপত্তি কৰে।
এটা অডিঅ’ মেছেজত তেওঁ ইউনুছক নিৰ্বাচনৰ নামত প্ৰহসন বুলি অভিযোগ কৰে। “যেতিয়া আৱামী লীগে অংশ ল’ব নোৱাৰে তেতিয়া নিৰ্বাচন কেনেকৈ হ’ব? তেওঁলোকে আমাক আজি নিৰ্বাচনত অংশগ্ৰহণ কৰিবলৈ কিয় নিদিয়ে? বাংলাদেশৰ নিৰ্বাচনত বছৰ বছৰ ধৰি হাছিনাৰ দলটোৱে সংখ্যাগৰিষ্ঠতা লাভ কৰি আহিছে। যোৱা কেইটামান নিৰ্বাচনী পৰিসংখ্যা অনুসৰি বাংলাদেশত আৱামী লীগৰ ভোট বেংক মুঠ ভোটাৰৰ ৪০ৰ পৰা ৫০ শতাংশৰ ভিতৰত। কিন্তু সেই দলটো আজি আগন্তুক নিৰ্বাচনৰ পৰা সম্পূৰ্ণৰূপে ‘আউট’।” হাছিনাই কয়
আৱামী লীগ খেলপথাৰৰ পৰা বাদ পৰাৰ পাছত তাৰিক ৰহমান আৰু ছফিকুৰ ৰহমান অতি সক্ৰিয় হৈ পৰিছে। ভোটাৰক আকৰ্ষণৰ বাবে খেলপথাৰত নামিছে বিএনপি আৰু জামাত। আৱামী লীগৰ সমৰ্থকৰ হৃদয় জয় কৰিবলৈ তেওঁলোকে নিৰাপত্তাৰ আশ্বাস আৰু সুৰক্ষা প্ৰদান কৰিছে। এই প্ৰেক্ষাপটত এখন আসন অতি গুৰুত্বপূৰ্ণ। বাংলাদেশৰ আৱামী লীগৰ অন্যতম দুৰ্গ গোপালগঞ্জ। ইয়াত তিনিওখন আসনত আৱামী লীগে বিপুল ভোট লাভ কৰে। এই তিনিখন আসনৰ ভিতৰত এখন আসন হ’ল হাছিনাৰ পূৰ্বপুৰুষৰ ঘৰ টুংগীপাৰা বা গোপালগঞ্জ-৩।
গোপালগঞ্জ-২ সদৰ সমষ্টিৰ জামাতৰ প্ৰাৰ্থী আজমল হোছেইন চৰ্দাৰে বিবিচি বাংলাক কয়, ‘‘আমি আৱামী লীগৰ সমৰ্থকসকলৰ পাৰিবাৰিক আৰু সামাজিক সম্পৰ্কক ব্যৱহাৰ কৰিব বিচাৰো। আমি মানুহক কৈছো যে তেওঁলোকে আৱামী লীগক ভোট দিব পাৰে। কিন্তু যেতিয়ালৈকে সিহঁত নাহিব, আমি সেইবোৰ আমাক দিম।‘‘ আনহাতে, আৱামী লীগৰ নেতা-কৰ্মীসকল জড়িত থকা সকলো গোচৰৰ পৰা তেওঁলোকক নিৰাপত্তা প্ৰদান কৰি উদ্ধাৰ কৰাৰ প্ৰতিশ্ৰুতি পুনৰ বিএনপিৰ প্ৰাৰ্থীসকলে।
