Rail coach: ৰে’লৰ ডবাত কিয় লিখা থাকে ৫টা সংখ্যা? জানক সকলো…

যেতিয়াই ৰে’লত উঠিব তেতিয়াই ৰে’লৰ ডবাত পাঁচ অংকৰ নম্বৰ এটা দেখা পাব। কিছুমান ক্ষেত্ৰত ইয়াত বৰ্ণমালা থকাও দেখা যায়। কিন্তু  কেতিয়াবা আপুনি ভাবিছেনে এই সংখ্যাটো প্ৰকৃততে কি? আচলতে এই সংখ্যাটো ৰে’লৰ ডবাৰ আধাৰ নম্বৰৰ দৰেই। এই নম্বৰটো চাই আপুনি বুজিব পাৰিব যে ই কেতিয়া নিৰ্মাণ কৰা হৈছিল আৰু ই কি শ্ৰেণীৰ কোচ বা ডবা।

ডবা কেনেকৈ চিনাক্ত কৰিব

ডবাৰ পাঁচ অংকৰ সংখ্যা দুটা ভাগত ভাগ কৰা হয়। প্ৰথম দুটা সংখ্যাই নিৰ্মাণৰ বছৰটো সূচায়। উদাহৰণস্বৰূপে, যদি কোনো ডবা এটাৰ নম্বৰ ০৪৫২৪ হয়, তেন্তে ডবাটো ২০০৪ চনত নিৰ্মাণ কৰা হৈছিল। একেদৰে ‘৮৪’ মানে ১৯৮৪ চনত নিৰ্মাণ কৰা হৈছিল।

ইয়াৰোপৰি বহু ক্ষেত্ৰত ডবা নম্বৰৰ আগত এটা বৰ্ণমালা থাকে। ডবা নম্বৰৰ আগত যদি ‘L’ থাকে তেন্তে সেয়া নতুন প্ৰযুক্তিৰ এল এইচ বি কোচ। শেহতীয়াকৈ বেছিভাগ ৰে’লত এল এইচ বি ডবা লগোৱা হৈছে। লগতে ‘W’ সাধাৰণতে পুৰণি ডিজাইনৰ ICF কোচত দেখা যায়।

অৱশ্যে ভাৰতীয় ৰে’লৱেই ২০১৮ চনৰ পৰা নতুন ৬ অংকৰ ব্যৱস্থা আৰম্ভ কৰিছে। কিন্তু তাৰ পাছতো এতিয়াও পুৰণি ৫ অংকৰ ডবা আটাইতকৈ বেছি দেখা যায়। গতিকে, পৰৱৰ্তী ৰে’ল যাত্ৰাৰ সময়ত ডবা নম্বৰটো চাই আপুনিও জানিব পাৰিব যে সেই ডবাটোৰ বয়স কিমান বা কেতিয়া নিৰ্মাণ হৈছিল।

অন্য খবৰ পঢ়কঃ আপুনিও ফোন ১০০ % চাৰ্জ কৰে নেকি? তেন্তে সোনকালে হ’ব পাৰে বেয়া, জানক সকলো…