এতিয়াৰে পৰা WhatsAppৰ বাবেও ভৰিব লাগিব ধন! ক্ৰয় কৰিব লাগিব চাবস্ক্ৰিপচন…
WhatsApp Subscription: WhatsApp ব্যৱহাৰকাৰীৰ বাবে এটা ডাঙৰ খবৰ। শেহতীয়াকৈ আৱিষ্কাৰ কৰা হৈছে যে এপটোৰ সংস্কৰণ 2.26.3.9ৰ ক’ডত নতুন ষ্ট্ৰিং পোৱা গৈছে, যিয়ে এটা পেইড চাবস্ক্ৰিপচনৰ দিশলৈ আঙুলিয়াইছে। অৰ্থাৎ এপটো ব্যৱহাৰ কৰাটো আৰু বিনামূলীয়া নহ’ব।
যদি আপুনি WhatsApp ব্যৱহাৰ কৰে তেন্তে এই বিশেষ খবৰটো আপোনাৰ বাবে। শেহতীয়াকৈ এই কথা পোহৰলৈ আহিছে যে এপটো ব্যৱহাৰ কৰিবলৈ আপুনি হয়তো অতি সোনকালে ধন পৰিশোধ কৰিব লাগিব। কাৰণ কোম্পানীটোৱে চাবস্ক্ৰিপচন মডেলৰ কাম কৰি আছে। যোৱা বছৰ মেটাই হোৱাটছএপৰ ষ্টেটাছ আৰু চেনেল ছেকচনত বিজ্ঞাপনৰ পৰীক্ষা আৰম্ভ কৰিছিল। বহুতে এই সিদ্ধান্তৰ বিৰোধিতা কৰিছিল যদিও সমালোচনাৰ পিছতো কোম্পানীটোৱে পিছুৱাই যোৱাৰ কোনো লক্ষণ দেখা পোৱা নাই। ধন নিদিলে কি হয়, আৰু ধন দিলে কেনেধৰণৰ অভিজ্ঞতা পাব, জানি লওঁ আহক।
হোৱাটছএপ সংস্কৰণ 2.26.3.9 চালে এপটোৰ ক’ডত নতুন ষ্ট্ৰিং দেখা গৈছে যিয়ে ষ্টেটাছ আৰু চেনেলৰ পৰা বিজ্ঞাপন আঁতৰাবলৈ ডিজাইন কৰা চাবস্ক্ৰিপচনৰ ইংগিত দিয়ে। যদিও এতিয়াও কোনো আনুষ্ঠানিক ঘোষণা কৰা হোৱা নাই, প্ৰতিবেদনসমূহে স্পষ্টভাৱে ইংগিত দিয়ে যে কোম্পানীটোৱে ব্যৱহাৰকাৰীৰ বাবে বিজ্ঞাপনমুক্ত পৰিকল্পনাৰ ওপৰত কাম কৰি আছে।
ধন দিয়াসকলে কেনেধৰণৰ অভিজ্ঞতা লাভ কৰিব?
এটা কথা স্পষ্ট যে হোৱাটছএপ ব্যৱহাৰ কৰি বিজ্ঞাপন চাব নিবিচাৰিলে ধন দিব লাগিব, কিন্তু টকা নিদিলে বাৰে বাৰে বিজ্ঞাপন চাব লাগিব। অৱশ্যে পেইড চাবস্ক্ৰিপচন ক্ৰয় কৰাসকলে হোৱাটছএপত বিজ্ঞাপনমুক্ত অভিজ্ঞতা লাভ কৰিব।
বৰ্তমানলৈ, চাবস্ক্ৰিপচনৰ খৰচ কিমান হ’ব, বিজ্ঞাপন আঁতৰোৱাৰ বাহিৰে ইয়াত কি কি বৈশিষ্ট্য অন্তৰ্ভুক্ত কৰা হ’ব আৰু ইয়াক ব্যৱহাৰকাৰীসকলৰ বাবে কেতিয়া ৰোল আউট কৰা হ’ব, তাৰ কোনো ইংগিত পোৱা নাই। মিডিয়াৰ প্ৰতিবেদনে স্পষ্টভাৱে ইংগিত দিয়ে যে চাবস্ক্ৰিপচনে কেৱল ষ্টেটাছ আৰু চেনেলত দেখা দিয়া বিজ্ঞাপনসমূহৰ ওপৰত গুৰুত্ব আৰোপ কৰে। অৰ্থাৎ এই দুটা ঠাইৰ বাহিৰে আন ক’তো বিজ্ঞাপন দেখা নাপাব।
