আপুনি ৰীল বনাই ভাল পাই নেকি? তেন্তে লাভ কৰিব ১৫ হাজাৰ টকা, জানক…

আপুনিও ৰীল বনাই ভাল পাই নেকি? তেন্তে আপোনাৰ বাবে আছে এক ভাল খবৰ। কিয়নো ৰীল বনাই এতিয়া লাভ কৰিব টকা। ভাৰতৰ Ambitious Digital ইণ্ডিয়া অনুষ্ঠানৰ ১০ বছৰ সম্পূৰ্ণ। এই অনুষ্ঠানটোক বিশেষ কৰিবলৈ চৰকাৰে আৰম্ভ কৰিছে এ ডেকেড অৱ ডিজিটেল ইণ্ডিয়া-ৰিল কনটেষ্ট ( A Decade of Digital India-Reel Contest) নামৰ এক অনন্য প্ৰতিযোগিতা। ২০২৫ চনৰ ১ জুলাইৰ পৰা আৰম্ভ হোৱা এই প্ৰতিযোগিতাখন ২০২৫ চনৰ ১ আগষ্টলৈকে চলিব।

কি এই প্ৰতিযোগিতা?

যিসকল লোকে ডিজিটেল ইণ্ডিয়াৰ জৰিয়তে নিজৰ জীৱনত কোনো ডাঙৰ পৰিবৰ্তন কৰিব বিচাৰে সেইসকলৰ বাবে এই প্ৰতিযোগিতা। যদি অনলাইন সেৱা, ডিজিটেল শিক্ষা, স্বাস্থ্য সেৱা বা বিত্তীয় সঁজুলিৰ বাবে আপোনাৰ জীৱনত ইতিবাচক প্ৰভাৱ পৰিছে, তেন্তে ইয়াক আপুনি ক্ৰিয়েটিভ ৰীললৈ ৰূপান্তৰিত কৰাৰ সুযোগ লাভ কৰিছে।

বিজয়ীসকলে লাভ কৰিব পুৰস্কাৰ

এই প্ৰতিযোগিতাত অংশগ্ৰহণকাৰীসকলক চৰকাৰে নগদ ধনৰ পুৰস্কাৰ প্ৰদান কৰিব। শীৰ্ষ ১০ গৰাকী বিজয়ীয়ে ১৫ হাজাৰ, বাকী ২৫ গৰাকী অংশগ্ৰহণকাৰীয়ে ১০ হাজাৰ আৰু পৰৱৰ্তী ৫০ গৰাকী নিৰ্বাচিত ব্যক্তিয়ে ৫ হাজাৰ টকাৰ পুৰস্কাৰ লাভ কৰিব।

প্ৰয়োজনীয় চৰ্ত

• ৰীলটো ১ মিনিট দীঘল হ’ব লাগিব।
• ভিডিঅ’টো অৰিজিনেল হ’ব লাগিব।
• আগতে কেতিয়াও পোষ্ট কৰা হ’ব নালাগিব।
• হিন্দী, ইংৰাজী বা যিকোনো ভাৰতীয় ভাষাত বনাব পাৰে।
• ৰীলটো প’ৰ্ট্ৰেইট মোডত আৰু MP4 ফৰ্মেটত হ’ব লাগে।
• ডিজিটেল ইণ্ডিয়াই আপোনাৰ জীৱন কেনেকৈ সলনি কৰিলে তাৰ ওপৰত ভিত্তি কৰি আপোনাৰ ভিডিঅ’টো হ’ব লাগে।

আপোনাৰ ৰীল ক’লৈ আৰু কেনেকৈ পঠাব?

এই প্ৰতিযোগিতাৰ সকলো তথ্য আৰু আপলোডৰ লিংকৰ বাবে ক্লিক কৰক-  https://www.mygov.in/task/decade-digital-india-reel-contest 

২০১৫ চনৰ পৰা আৰম্ভ হোৱা ডিজিটেল ইণ্ডিয়া কাৰ্যসূচীয়ে আজি গাঁৱৰ পৰা চহৰলৈ মানুহক প্ৰযুক্তিৰ দ্বাৰা সংযোগ কৰিছে। অনলাইনত মানুহ বেছি জড়িত হৈ পৰিছে। ডিজিটেল হেল্থ ৰেকৰ্ডৰ পৰা আৰম্ভ কৰি আধাৰ লিংকড সেৱা, ইউ পি আই লেনদেনৰ দৰে আদি সকলো ইয়াৰ অধীনত। এনে ক্ষেত্ৰত এতিয়া চৰকাৰে বিচাৰিছে যে মানুহে তেওঁলোকৰ কাহিনীৰ জৰিয়তে সফলতা উদযাপন কৰক। ডিজিটেল ইণ্ডিয়াৰ লগত জড়িত আপোনাৰো যদি কিবা কাহিনী আছে তেন্তে এই ৰীল প্ৰেৰণ কৰিব পাৰে।

অন্য খবৰ পঢ়কঃ এটা দিনত ৪.৪৩ কোটি! মাৰ্ক জুকাৰবাৰ্গে কাক দিলে ইমান টকা দৰমহা…