ভাৰত-পাকিস্তানৰ যুদ্ধৰ বাবে কৰ্তন হ’ব পাৰে ইণ্টাৰনেট সেৱা! এই কৌশলেৰে চলাব পাৰিব হোৱাটছএপ…

যদি কেতিয়াবা ভাৰত আৰু পাকিস্তানৰ মাজত যুদ্ধৰ পৰিস্থিতিৰ সৃষ্টি হয়, তেন্তে ইয়াৰ প্ৰথম প্ৰভাৱ হ’ব পাৰে ইণ্টাৰনেট আৰু মোবাইল নেটৱৰ্কত। এনে পৰিস্থিতিত চৰকাৰে প্ৰায়ে ইণ্টাৰনেট, ছ’চিয়েল মিডিয়া আৰু হোৱাটছএপ-ইনষ্টাগ্ৰামৰ দৰে মেছেজিং এপবোৰ বন্ধ কৰি দিয়ে যাতে উৰাবাতৰি বিয়পি নাযায়। কিন্তু যদি কেৱল ইণ্টাৰনেট বন্ধ হৈ থাকে, তেন্তে এনে পৰিস্থিতিত আপুনি WhatsApp ব্যৱহাৰ কৰিব পাৰিব। এটা বিশেষ বৈশিষ্ট্যই আপোনাক ইয়াত সহায় কৰিব পাৰে, যাৰ নাম Proxy Feature।

WhatsApp Proxy Feature কি?

ইণ্টাৰনেট ব্লক হৈ থাকিলেও হোৱাটছএপ ব্যৱহাৰ কৰিব পৰা এটা উপায় হ’ল প্ৰক্সি। যদি আপোনাৰ দেশ বা চহৰত হোৱাটছএপ বন্ধ কৰি দিয়া হয়, তেন্তে আপুনি Proxy Server ৰ জৰিয়তে সেই চাৰ্ভাৰৰ সৈতে সংযোগ স্থাপন কৰি হোৱাটছএপ ব্যৱহাৰ কৰিব পাৰিব। সহজ ভাষাত ক’বলৈ গ’লে প্ৰক্সি হৈছে এক গোপন উপায় যাৰ জৰিয়তে আকৌ এবাৰ হোৱাটছএপ চলাব পৰা যায়।

ইণ্টাৰনেট অবিহনে কিদৰে কাম কৰিব WhatsApp?

1. ইন্টাৰনেট অবিহনে হোৱাটছএপ ব্যৱহাৰ কৰিবলৈ এই নিয়মসমূহ অনুসৰণ কৰক। ইয়াৰ বাবে আপুনি Proxy Feature ব্যৱহাৰ কৰিব পাৰে। ইয়াৰ উপৰিও লেপটপ আৰু ডেস্কটপত ৱেব হোৱাটছএপ ব্যৱহাৰ কৰিব পাৰিব।
2. Proxy Feature পাবলৈ, প্ৰথমে আপোনাৰ স্মাৰ্টফোনত Proxy Feature সক্ৰিয় কৰক। এপটোক এটা প্ৰক্সি নেটৱৰ্কৰ সৈতে সংযোগ কৰক। কিন্তু মনত ৰাখিব যে ফোনটো ইণ্টাৰনেটৰ সৈতে সংযোগ কৰা উচিত নহয়।
3. Proxy Featureই গোপনীয়তা আৰু সুৰক্ষাত কোনো প্ৰভাৱ নেপেলায়। ইয়াত আপোনাৰ বাৰ্তাসমূহ এণ্ড টু এণ্ড এনক্ৰিপ্ট কৰা থাকে। কিন্তু যদি আপুনি তৃতীয় পক্ষৰ প্ৰক্সি ব্যৱহাৰ কৰে, আপোনাৰ IP এড্ৰেছ প্ৰদানকাৰীৰ সৈতে শ্বেয়াৰ হ’ব পাৰে।

Proxy Feature-এ কেনেকৈ কাম কৰে?

যেতিয়া আপোনাৰ ইণ্টাৰনেট বা হোৱাটছএপ চাৰ্ভাৰ বন্ধ হয়, তেতিয়া আপুনি আন দেশত চলি থকা প্ৰক্সি চাৰ্ভাৰ সংযোগ কৰিব পাৰে। ইয়াৰ দ্বাৰা আপোনাৰ হোৱাটছএপটো একেটা পথতে সংযোগ কৰা হয় আৰু তাৰ পিছত মেছেজিং আৰম্ভ হয়। কিন্তু, অন্য দেশৰ চাৰ্ভাৰৰ পৰা আপোনাৰ দেশৰ চাৰ্ভাৰৰ সৈতে সংযোগ কৰাটো বিপজ্জনক হ’ব পাৰে। গতিকে এই কাম কৰাত সাৱধান হ’ব।