মই কেতিয়াও জুবিন গাৰ্গ হ’ব নোৱাৰো: গুৱাহাটীত কণ্ঠশিল্পী পাপন

জুবিন গাৰ্গক অন্তিম শ্ৰদ্ধাঞ্জলি জনাবলৈ অসমলৈ আহিছে পাপন। বিমানবন্দৰৰ পৰা পোনে পোনে জুবিনৰ ওচৰলৈ ৰাওনা হয় পাপন। পত্নীসহ নিশাই বিমানবন্দৰত উপস্থিত হয় কণ্ঠশিল্পীগৰাকী।

Trishna Kalita | Updated On: 22 Sep 2025 07:45 AM

গুৱাহাটীত উপস্থিত হৈছে কণ্ঠশিল্পী অংগৰাগ পাপন মহন্ত। জুবিন গাৰ্গক অন্তিম শ্ৰদ্ধাঞ্জলি জনাবলৈ অসমলৈ আহিছে পাপন।

1 / 5

বিমানবন্দৰৰ পৰা পোনে পোনে জুবিনৰ ওচৰলৈ ৰাওনা হয় পাপন। পত্নীসহ নিশাই বিমানবন্দৰত উপস্থিত হৈছে পাপন। শোকাকুল পৰিৱেশত সৰুসজাইত গৰিমা গাৰ্গৰ কাষত বহি জুবিনৰ স্মৰণ কণ্ঠশিল্পীগৰাকীৰ।

2 / 5

তেওঁ কয়, "জুবিনৰ আগৰে পৰাই অসমৰ ৰাইজে ভাল পায়। তেওঁক কিমান ভাল পায় সেয়া আমি কালি দেখিছো। মই কেতিয়াও জুবিন গাৰ্গ হ’ব নোৱাৰো।"

3 / 5

ছ’চিয়েল মিডিয়াত চলি থকা চৰ্চাক লৈ পাপনে কয়, "মই মোবাইলে অফ কৰি থৈছিলো, মই বেয়া একেবাৰে পোৱা নাই। মানুহে যি কৈছে খং আৰু দুখত কৈছে, বিচাৰিছে যে মই থকাটো, মই নথকাত খং কৰিছে। মই সকলো সময়তে থকাটো সম্ভৱ নহয়।"

4 / 5

তেওঁ লগতে কয়, "অসমৰ বাবে যিখিনি কৰিছো গোটেইখিনি বাহিৰত থাকিও কৰিছোঁ। মোৰ বাদে কেইজনমান শিল্পীও আছে অসমৰ বাহিৰত। কিন্তু মোকেই খং কৰে কিয় মই সেইটো নাজানো। আমি দুয়োটা একে লগৰ কাৰণে চাগে খং কৰে। এটা ভায়েক গ’ল এটা ভায়েক থাকিল।"

5 / 5