সঘনাই হৈ থকা গাঁঠিৰ বিষ হ’ব পাৰে গুৰুতৰ ৰোগৰ লক্ষণ, জানক চিকিৎসকৰ পৰা…

প্ৰায়ভাগ মানুহে গাঁঠিৰ বিষৰ সমস্যাত ভোগা দেখা যায়। পুৱা সাৰ পোৱাৰ পাছত আঁঠু জঠৰ হোৱা, হাত-ভৰি বিষ হোৱা, বহু সময় বহি থকাৰ পাছত উঠিলে হোৱা বিষ সাধাৰণতে মানুহে আওকান কৰে। কিন্তু ই কেতিয়াবা গুৰুতৰ ৰোগৰ লক্ষণ হ’ব পাৰে। বহুতে ভাবে যে কেতিয়াবা কষ্টৰ বাবে বা বয়স বৃদ্ধি হোৱাৰ বাবে এনে হৈছে। কিন্তু সকলো সময়তে কাৰণ সাধাৰণ নহয়। ইয়াৰ আঁৰৰ কথা জনা দৰকাৰ।

গাঁঠিৰ বিষ মানুহে ঘৰুৱা উপায়ৰ দ্বাৰা ঠিক কৰিব বিচাৰে। কিন্তু দীৰ্ঘদিন ধৰি এই বিষ হৈ থাকিলে চিকিৎসকৰ সহায় ল’ব লাগে। এই সন্দৰ্ভত এইমছ দিল্লীৰ অধ্যাপক ডাঃ উমা কুমাৰে কয় যে গাঁঠিৰ বিষ বহু কাৰণত হ’ব পাৰে। আঘাত, অত্যধিক ৱৰ্কআউট, পুষ্টিৰ অভাৱ, শৰীৰত কেলচিয়াম-ভিটামিন ডিৰ মাত্ৰা কম আদিৰ ফলত এনে বিষ হ’ব পাৰে।

কিন্তু যেতিয়া বিষৰ লগতে ফুলা, ৰঙা পৰা, খোজকঢ়াত অসুবিধা আদি হয় তেতিয়া ই বিপদজনক হৈ পৰে। এই লক্ষণসমূহ কোনো সংক্ৰমণৰ প্ৰাৰম্ভিক পৰ্যায়, বাতবিষ বা অটোইম্যুন ৰোগ (যেনে বাতবিষ, লুপাছ) হ’ব পাৰে।

এইসমূহ লক্ষণ আওকান নকৰিব

• বিষৰ সৈতে জ্বৰ
• ভাগৰুৱা, ওজন কমি যোৱা
• ছালত ফোহা ওলায়
• বিষ হোৱা ঠাইত ফুলা আৰু ৰঙা পৰা
• উঠা বা খোজ কঢ়াৰ সময়ত তীব্ৰ বিষ

যদি বিষৰ লগতে ওপৰত উল্লেখ কৰা বিষসমূহ ৪-৬ সপ্তাহলৈ থাকে তেন্তে বিশেষজ্ঞৰ পৰামৰ্শ গ্ৰহণ কৰিব লাগে।

কি ৰোগ হব পাৰে

বাতবিষঃ এইটো এটা অটোইম্যুন ৰোগ। যেতিয়া ৰোগ প্ৰতিৰোধ ক্ষমতাই ভুলতে গাঁঠিক আক্ৰমণ কৰে তেতিয়া বিষ আৰম্ভ হয়। ফলত পুৱা গাঁঠিবোৰ ফুলা, বিষ, ৰঙা পৰা আৰু জঠৰ হোৱা দেখা যায়। সময়ত চিকিৎসা নকৰিলে হাড় আৰু গাঁঠিৰ স্থায়ী ক্ষতি হ’ব পাৰে।

 চ’ৰিয়াটিক আৰ্থাইটিছঃ ছালৰ সমস্যা থকাসকলৰ বিশেষকৈ এই ৰোগ বেছিকৈ হোৱা দেখা যায়। এই ৰোগত গাঁঠিৰ বিষ আৰু ফুলাৰ লগতে ছালত ৰঙা আৰু খোলাযুক্ত ফোহা গঠন হয়। হাত, ভৰি, আঁঠু আনকি মেৰুদণ্ডতো ইয়াৰ প্ৰভাৱ পৰিব পাৰে।

অষ্টিঅ’আৰ্থাইটিছঃ বয়স বৃদ্ধি বা গাঁঠিত অত্যধিক চাপ পৰিলে হাড়ৰ মাজত থকা কাৰ্টিলেজ (কোমল কুশ্বন) ক্ৰমান্বয়ে জীৰ্ণ হ’বলৈ আৰম্ভ কৰে। ইয়াৰ ফলত বিষ, ফুলা আৰু খোজ কঢ়াত অসুবিধা হয়।

প্ৰতিকাৰৰ উপায়

• নিয়মিতভাৱে ব্যায়াম কৰক
• ভজা আৰু পেকেটত ভজা খাদ্যৰ পৰা আঁতৰি থাকক
• আপোনাৰ খাদ্য তালিকাত ওমেগা-৩ খাদ্য অন্তৰ্ভুক্ত কৰক
• নিচাযুক্ত বস্তু পৰিহাৰ কৰক
• পৰ্যাপ্ত পৰিমাণে পানী খাব
• ওজন নিয়ন্ত্ৰণ কৰক
• পৰ্যাপ্ত পৰিমাণে কেলচিয়াম আৰু ভিটামিন ডি গ্ৰহণ কৰিব লাগে
• গাঁঠিত বেছি চাপ নিদিব
• চিকিৎসকৰ পৰামৰ্শ লওক।

অন্য খবৰ পঢ়কঃ ডেংগুৰ ৩টা সাধাৰণ লক্ষণ কি কি জানেনে? জানক বিশেষজ্ঞৰ পৰা…