পুৰুষে কিয় টাইট জিন্স পৰিহাৰ কৰিব লাগে? চাওক সমস্যা

বৰ্তমান সময়ত টাইট জিন্স ফেশ্বনৰ অংশ হৈ পৰিছে যদিও ই পুৰুষৰ স্বাস্থ্যৰ বাবে ক্ষতিকাৰক হ’ব পাৰে। জানো আহক এই বিষয়ে।

টাইট জিন্সে উৰুৰ উষ্ণতা বৃদ্ধি কৰে, ইয়াৰ ফলত শুক্ৰাণুৰ সংখ্যা হ্ৰাস পাব পাৰে। দীৰ্ঘদীন ধৰি এনে জিন্স পিন্ধিলে পুৰুষৰ বন্ধ্যাত্ব পৰ্যন্তও হ’ব পাৰে।

অত্যধিক টাইট জিন্সে স্নায়ুত হেঁচা প্ৰয়োগ কৰি তেজৰ সোঁত বন্ধ কৰিব পাৰে। ফলত ছালৰ খজুৱতি, ফোহা, ভেঁকুৰৰ সংক্ৰমণ আদিও হ’ব পাৰে।

দীৰ্ঘসময় ধৰি টাইট জিন্স পিন্ধিলে বহা-উঠাত অসুবিধা হ’ব পাৰে। ইয়াৰ ফলত ক্ৰমাৎ কঁকালৰ বিষ আৰু শ্লিপ ডিস্কৰ দৰে সমস্যা হ’ব পাৰে।

অণ্ডকোষৰ ওচৰত ৰক্ত সঞ্চালন বন্ধ হৈ গ’লে পুৰুষৰ গুৰুতৰ ক্ষতি হ’ব পাৰে। অধিক টান কাপোৰ পিন্ধিলে এই সংবেদনশীল অংশৰ ক্ষতি হ’ব পাৰে।

টাইট জিন্সে ঘাম বাষ্পীভৱন হোৱাত বাধা দিয়ে, ইয়াৰ ফলত সংক্ৰমণৰ সম্ভাৱনা বৃদ্ধি পায়। দীৰ্ঘ সময় ধৰি স্কিনি জিন্স পিন্ধিলে ছালত সংক্ৰমণ হ’ব পাৰে।

সেয়ে সদায় টাইট জিন্স পিন্ধাৰ পৰা বিৰত থাকক। ফেশ্বনৰ লগতে ছালৰ অনুকূল আৰু আৰামদায়ক কাপোৰ পৰিধানৰ ওপৰত গুৰুত্ব দিয়ক।