যকৃতৰ সমস্যা হ'লে দেখা দিয়ে লক্ষণ...

যকৃত আমাৰ শৰীৰৰ এক গুৰুত্বপূৰ্ণ অংগ। কিন্তু আজিকালি যকৃতৰ লগত জড়িত বিভিন্ন সমস্যা হোৱা দেখা যায়। গতিকে যকৃতৰ যত্ন লোৱা প্ৰয়োজন।

যদি ভালদৰে টোপনি যোৱাৰ পাছতো অনবৰত ভাগৰুৱা অনুভৱ হৈ থাকে তেন্তে এয়া যকৃতৰ সমস্যাৰ প্ৰাৰম্ভিক লক্ষণ হ'ব পাৰে। যকৃতে ভালদৰে কাম নকৰিলে শৰীৰৰ শক্তি কমি যায়।

পেটৰ সোঁফালে বিষ হোৱা যকৃতৰ সমস্যাৰ লক্ষণ হ'ব পাৰে। যকৃতত চৰ্বি বাঢ়ি যোৱাৰ ফলত এনে বিষ হয়। দীৰ্ঘদিন ধৰি এই বিষ হৈ থাকিলে বিশেষজ্ঞৰ পৰামৰ্শ গ্ৰহণ কৰিব লাগে।

যেতিয়া যকৃতে ভালদৰে কাম নকৰে তেতিয়া ভোক কম লাগিব পাৰে। ইয়াৰোপৰি ওজন দ্ৰুতগতিত হ্ৰাস পায়। কোনো কাৰণ নোহোৱাকৈ ওজন হ্ৰাস পোৱাতো চিন্তাৰ কাৰণ।