যৌনাংগত লিকুইড ৱাছ ব্যৱহাৰ ব্যৱহাৰ কৰে নেকি? তেন্তে বিপদত পৰিব পাৰে আপুনি!
আপুনি আপোনাৰ ব্যক্তিগত অংশত লিকুইড ৱাছ ব্যৱহাৰ কৰিছে নেকি? যদি কৰিছে তেন্তে আপুনি অজানিতে বিপদক নিমন্ত্ৰণ জনাইছে! স্ত্ৰীৰোগ বিশেষজ্ঞ Dr. Sherry A. Ross (MD, USA) কয়, "যোনিয়ে নিজকে পৰিষ্কাৰ কৰিব পাৰে। চাফাইৰ বাবে সুগন্ধিযুক্ত বা ৰাসায়নিক ভিত্তিক তৰল পদাৰ্থ ব্যৱহাৰ কৰিলে প্ৰাকৃতিক পি এইচ ভাৰসাম্য বিঘ্নিত হ'ব পাৰে আৰু সংক্ৰমণৰ সম্ভাৱনা বৃদ্ধি পাব পাৰে।"
মহিলাৰ পৰিষ্কাৰ-পৰিচ্ছন্নতাৰ প্ৰতি সজাগতা বৃদ্ধি পোৱাৰ লগে লগে বজাৰত বিভিন্ন ধৰণৰ গুপ্তাংগৰ তৰল ধোৱাৰ ব্যৱস্থা বৃদ্ধি পাইছে। বিজ্ঞাপনত কোৱা হৈছে যে এই ধোৱাৰ ব্যৱহাৰ কৰিলে যোনিৰ সংক্ৰমণ হ্ৰাস পায়, দুৰ্গন্ধ নাইকিয়া হয়, ব্যক্তিগত অংশ পৰিষ্কাৰ হৈ থাকে। সঁচাকৈয়ে লিকুইড ৱাছ ব্যৱহাৰ কৰা উচিত নে? চিকিৎসকে কি কয় জানো আহক…
চিকিৎসকৰ মতে, এনে সামগ্ৰীৰ অত্যধিক বা ভুল ব্যৱহাৰে স্বাস্থ্যজনিত বিপদৰ সৃষ্টি কৰিব পাৰে। চিকিৎসা বিজ্ঞানৰ মতে যোনি হৈছে স্বয়ং পৰিষ্কাৰ কৰা অংগ। ইয়াৰ স্বাভাৱিক পি এইচ ৩.৫ৰ পৰা ৪.৫, যিয়ে সংক্ৰমণৰ পৰা ৰক্ষা কৰে। স্ত্ৰীৰোগ বিশেষজ্ঞ ডাঃ শ্বেৰী এ ৰছে (এম ডি, আমেৰিকা) কৈছে, “যোনি নিজে পৰিষ্কাৰ কৰিব পাৰে।চাফাইৰ বাবে সুগন্ধিযুক্ত বা ৰাসায়নিক ভিত্তিক তৰল পদাৰ্থ ব্যৱহাৰ কৰিলে প্ৰাকৃতিক পি এইচ ভাৰসাম্য বিঘ্নিত হৈ সংক্ৰমণৰ সম্ভাৱনা বৃদ্ধি পাব পাৰে।”
লিকুইড ৱাছ ব্যৱহাৰ কৰিলে কি কি সমস্যা হ’ব পাৰে?
স্ত্ৰীৰোগ বিশেষজ্ঞসকলৰ মতে নিয়মিত বা অপ্ৰয়োজনীয়ভাৱে যৌনাংগ ধোৱা সামগ্ৰী ব্যৱহাৰে পি এইচৰ ভাৰসাম্য বিঘ্নিত কৰে, ভেঁকুৰৰ সংক্ৰমণ, বিৰক্তি, খজুৱতি, শুকানতা আদিৰ সৃষ্টি কৰিব পাৰে।
স্ত্ৰীৰোগ বিশেষজ্ঞ ডাঃ ৰেখা ভাস্কৰে (Consultant Obstetrician & Gynecologist) কৈছে, “সাধাৰণতে চাফ-চিকুণ কৰাৰ বাবে পানী যথেষ্ট। বিশেষ ক্ষেত্ৰতহে ধোৱাৰ প্ৰয়োজন হয়, যেনে অত্যধিক স্ৰাৱ বা সংক্ৰমণৰ চিকিৎসাৰ সময়ত, আৰু সেয়াও চিকিৎসকৰ পৰামৰ্শত।”
লগতে তেওঁ কয় যে বজাৰত পোৱা বহু সামগ্ৰীত সুগন্ধি আৰু কঠোৰ ৰাসায়নিক পদাৰ্থ থাকে, যিয়ে দীৰ্ঘম্যাদীভাৱে যোনিৰ মাইক্ৰ’বায়’মৰ ক্ষতি কৰিব পাৰে।
ইনটিমেট লিকুইড ৱাছ কেতিয়া ব্যৱহাৰ কৰিব লাগে?
চিকিৎসকৰ মতে, ভেঁকুৰ বা বেক্টেৰিয়াৰ সংক্ৰমণৰ চিকিৎসাৰ সময়ত, গৰ্ভাৱস্থাৰ পিছত বা অস্ত্ৰোপচাৰৰ পিছত ইয়াৰ প্ৰয়োজন। কিন্তু তেনে ক্ষেত্ৰত পি এইচ ভাৰসাম্যপূৰ্ণ, গন্ধহীন আৰু স্ত্ৰীৰোগ বিশেষজ্ঞৰ পৰামৰ্শ দিয়া সামগ্ৰী ব্যৱহাৰ কৰাটো প্ৰয়োজনীয়।
