বিহাৰৰ পাছত এইবাৰ অসমসহ এইসমূহ ৰাজ্যত হ’ব SIR প্ৰক্ৰিয়া, শেষবাৰ অসমত কেতিয়া হৈছিল SIR, কিমান আছিল মুঠ ভোটাৰ?

বিহাৰত নিৰ্বাচনী প্ৰচাৰ তীব্ৰতৰ হোৱাৰ মাজতে নিৰ্বাচন আয়োগে এতিয়া দেশজোৰা ভোটাৰ তালিকা (SIR) পুনৰীক্ষণৰ কাম আৰম্ভ কৰাৰ প্ৰস্তুতি চলাইছে। সোমবাৰে সন্ধিয়া আয়োগে এই সন্দৰ্ভত এক বৃহৎ ঘোষণা কৰাৰ সম্ভাৱনা আছে। যোৱা মাহত বিহাৰত SIR প্ৰক্ৰিয়া সম্পূৰ্ণ হৈছিল, আৰু এতিয়া দেশৰ অন্যান্য প্ৰান্তত ইয়াক কাৰ্যকৰী কৰাৰ পৰিকল্পনা চলি আছে।

কিন্তু নিৰ্বাচনৰ ঠিক পূৰ্বে বিহাৰত বিৰোধী দলসমূহে SIR ক সমালোচনা কৰিছিল, আনকি বিষয়টো উচ্চতম ন্যায়ালয়লৈও গৈছিল। বৰ্তমান কেইমাহমানৰ পিছত নিৰ্বাচন অনুষ্ঠিত হ’বলগীয়া ৰাজ্যসমূহত পৰৱৰ্তী SIR প্ৰক্ৰিয়া আৰম্ভ কৰা হ’ব।

কোৱা হৈছে যে এইবাৰ SIR প্ৰক্ৰিয়া দুটা পৰ্যায়ত চলিব পাৰে। প্ৰথম পৰ্যায়ত অহা বছৰ ২০২৬ চনত বিধানসভা নিৰ্বাচন অনুষ্ঠিত হ’বলগীয়া ৰাজ্যসমূহকে ধৰি ১০ৰ পৰা ১৫খন ৰাজ্য আৰু কেন্দ্ৰীয় শাসিত অঞ্চল সামৰি লোৱা হ’ব। অহা বছৰ অসম, তামিলনাডু, পশ্চিম বংগ, কেৰালা, আৰু পুডুচেৰী (কেন্দ্ৰীয় শাসিত অঞ্চল) পাঁচখন ৰাজ্যত বিধানসভা নিৰ্বাচন অনুষ্ঠিত হ’ব। দ্বিতীয় পৰ্যায়ত সেই ৰাজ্যসমূহ অন্তৰ্ভুক্ত হোৱাৰ সম্ভাৱনা আছে য’ত স্থানীয় নিগম-নিকায়সমূহৰ নিৰ্বাচন অনুষ্ঠিত হ’ব।

যোৱা SIR ত অসমত কিমান ভোটাৰ আছিল?

দেশৰ শেষৰটো SIR প্ৰক্ৰিয়া ২০০২ চনত আৰম্ভ কৰা হৈছিল, আৰু ২০০৪ চনত বিভিন্ন ৰাজ্যত বিভিন্ন সময়ত সম্পূৰ্ণ কৰা হৈছিল। আনহাতে ৰাজধানী দিল্লীত SIR ২০০৮ চনত অনুষ্ঠিত হৈছিল। অহা বছৰৰ মাৰ্চ-এপ্ৰিল মাহত অসমত বিধানসভা নিৰ্বাচন অনুষ্ঠিত হোৱাৰ সম্ভাৱনা আছে। অসমৰ শেষৰটো SIR প্ৰক্ৰিয়া ২০০৪ চনত কৰা হৈছিল।

সেই সময়ত এই উত্তৰ-পূবৰ ৰাজ্যখনত প্ৰায় ১ কোটি ৭০ লাখ ভোটাৰক অন্তৰ্ভুক্ত কৰা হৈছিল। বৰ্তমান ভোটাৰৰ সংখ্যা ২ কোটি ৬০ লাখ হৈছেগৈ। ভাৰতীয় জনতা পাৰ্টি নেতৃত্বাধীন NDA বিগত ১০ বছৰে ইয়াত ক্ষমতাত থকাৰ লগতে এইবাৰ বিজয়ৰ হেট্ৰিকৰ লক্ষ্য লৈছে। ৰাজ্যখনৰ মুখ্যমন্ত্ৰী হিমন্ত বিশ্ব শৰ্মাই ইতিমধ্যে ক্ষমতা অক্ষুণ্ণ ৰখাৰ প্ৰচেষ্টা আৰম্ভ কৰিছে।

তামিলনাডু আৰু পশ্চিম বংগতো হ’ব SIR

অহা বছৰৰ এপ্ৰিল-মে’ মাহত বিধানসভা নিৰ্বাচন অনুষ্ঠিত হ’বলগীয়া দক্ষিণৰ ৰাজ্য তামিলনাডুত শেষবাৰৰ বাবে ২২ বছৰ পূৰ্বে ২০০৩ চনত SIR অনুষ্ঠিত কৰিছিল। এই প্ৰক্ৰিয়াত ৪.৬ কোটি ভোটাৰক অন্তৰ্ভুক্ত কৰা হৈছিল, আৰু আজি এই সংখ্যা ৬ কোটি ৩ কোটি হৈছেগৈ। ইয়াত দ্ৰাবিড় মুনেত্ৰ কাঝাগম (ডি এম কে) নেতৃত্বাধীন মিত্ৰজোঁট ক্ষমতাত আছে।

চুবুৰীয়া কেন্দ্ৰীয় শাসিত অঞ্চল পুডুচেৰীতো প্ৰায় একে সময়তে এই প্ৰক্ৰিয়া চলাইছিল, ৭ লাখ ভোটাৰক অন্তৰ্ভুক্ত কৰিছিল, আৰু এতিয়া এই সংখ্যা ১০ লাখ হৈছেগৈ। এই কেন্দ্ৰীয় শাসিত অঞ্চলত NDA ৰ ক্ষমতা আছে।

বিহাৰৰ চুবুৰীয়া ৰাজ্য পশ্চিম বংগতো অহা বছৰৰ মাৰ্চ আৰু এপ্ৰিল মাহত বিধানসভা নিৰ্বাচন অনুষ্ঠিত হোৱাৰ কথা। ইতিমধ্যে ৰাজ্যখনত SIR সন্দৰ্ভত প্ৰতিবাদৰ সূত্ৰপাত হৈছে। অৱশ্যে তাতো এই প্ৰক্ৰিয়া আৰম্ভ হোৱাৰ সম্ভাৱনা আছে। পশ্চিম বংগত মমতা বেনাৰ্জী নেতৃত্বাধীন তৃণমূল কংগ্ৰেছ দীৰ্ঘদিন ধৰি ক্ষমতাত আছে। ২০০২ চনত অনুষ্ঠিত হোৱা শেষৰখন SIR ত ৫.৮ কোটি ভোটাৰ আছিল। এতিয়া ইয়াত ভোটাৰৰ সংখ্যা ৭.৪ কোটিলৈ বৃদ্ধি পাইছে।

দক্ষিণৰ আন এখন ৰাজ্য কেৰালাতো SIR ৰ বিৰোধিতা দেখা গৈছে যদিও SIR প্ৰক্ৰিয়া শীঘ্ৰে আৰম্ভ হোৱাৰ সম্ভাৱনা আছে। ২০০৩ চনত ইয়াত অনুষ্ঠিত হোৱা শেষৰ SIR ত ২.৩ কোটি ভোটাৰক অন্তৰ্ভুক্ত কৰা হৈছিল। বিগত ২২ বছৰত ৰাজ্যত ভোটাৰৰ সংখ্যা ২.৮ কোটিলৈ বৃদ্ধি পাইছে। কেৰালা বাওঁ মৰ্চাৰ পৰিচালিত হয়, পিনাৰাই বিজয়ন কেৰালাৰ মুখ্যমন্ত্ৰী।

SIR ৰ জৰিয়তে বিহাৰত কিমান নতুন ভোটাৰ অন্তৰ্ভুক্ত হ’ল?

বিহাৰ বিধানসভা নিৰ্বাচনৰ পূৰ্বে নিৰ্বাচন আয়োগে সমগ্ৰ ৰাজ্যতে SIR প্ৰক্ৰিয়া চলাইছিল। ২৪ জুনত SIRৰ পূৰ্বে ৰাজ্যত ৭.৮৯ কোটি ভোটাৰ আছিল। সমগ্ৰ প্ৰক্ৰিয়াৰ অন্তত ৬৫ লাখ ভোটাৰক খচৰা তালিকাৰ পৰা আঁতৰাই দিয়া হয়। ১ আগষ্টত প্ৰকাশ পোৱা খচৰা তালিকাত বিহাৰৰ ৭.২৪ কোটি ভোটাৰক অন্তৰ্ভুক্ত কৰা হৈছিল।

এই প্ৰক্ৰিয়াৰ সময়ত ৩.৬৬ লাখ অযোগ্য ভোটাৰক আঁতৰাই পেলোৱা হয়, আৰু ২১.৫৩ লাখ যোগ্য ভোটাৰক (ফৰ্ম ৬) খচৰা তালিকাত অন্তৰ্ভুক্ত কৰা হয়। এইদৰে ২০২৫ চনৰ ৩০ ছেপ্টেম্বৰত প্ৰকাশ পোৱা চূড়ান্ত তালিকাত বিহাৰত মুঠ ভোটাৰৰ সংখ্যা আছিল ৭.৪২ কোটি।

কিয় SIR চলোৱা হৈছে?

নিৰ্বাচন আয়োগৰ উদ্দেশ্য হৈছে ভোটাৰ তালিকা পুনৰীক্ষণ (SIR)ৰ জৰিয়তে ভোটাৰ তালিকা শুধৰোৱা। অন্য ৰাজ্যলৈ প্ৰব্ৰজন কৰা বা ডুপ্লিকেট ভোটাৰক আঁতৰোৱাৰ উপৰিও মৃত ভোটাৰক ভোটাৰ তালিকাৰ পৰা আঁতৰাই পেলোৱা হয়। লগতে দেশৰ ভোটাৰ ভাৰতীয় নাগৰিক হোৱাটোও নিশ্চিত কৰিব লাগিব।