Pahalgam Terrorist Attack LIVE: সন্ত্ৰাসবাদৰ বিৰুদ্ধে চৰকাৰৰ সকলো সিদ্ধান্তক সমৰ্থন কৰিব প্ৰতিটো দলে…

সন্ত্ৰাসবাদৰ বিৰুদ্ধে যুদ্ধত সকলো দল একেলগে আছে- কিৰেন ৰিজিজু

পহলগাম সন্ত্ৰাসবাদী আক্ৰমণ সন্দৰ্ভত সৰ্বদলীয় বৈঠকত সকলো দলে নিজৰ মতামত দাঙি ধৰে । এই বৈঠকৰ সন্দৰ্ভত সংসদীয় পৰিক্ৰমা মন্ত্ৰী কিৰেন ৰিজিজুৱে কয় যে সন্ত্ৰাসবাদৰ বিৰুদ্ধে যুদ্ধত সকলোৱে একেলগে আছে । সকলো দল চৰকাৰৰ লগত আছে।

সন্ত্ৰাসবাদৰ বিষয়ত আমি চৰকাৰৰ লগত আছো- ৰাহুল গান্ধী

ৰাহুল গান্ধীয়ে সন্ত্ৰাসবাদৰ বিষয়ত চৰকাৰৰ লগত আছে বুলি মন্তব্য কৰিছে । চৰকাৰৰ এই কাৰ্যক সমৰ্থন কৰা বুলিও কয়। সৰ্বদলীয় বৈঠকৰ পাছত এই মন্তব্য ৰাহুলৰ ।

সন্ত্ৰাসবাদৰ বিৰুদ্ধে যুঁজ দিবলৈ সকলো দল চৰকাৰৰ লগত আছে

বৈঠকৰ অন্তত কংগ্ৰেছৰ সভাপতি মল্লিকাৰ্জুন খাৰ্গে কয় যে সকলো দলে এই ঘটনাক গৰিহণা দিছে। কংগ্ৰেছ নেতা ৰাহুল গান্ধীয়ে কয় যে চৰকাৰৰ যিকোনো কাৰ্যক সমৰ্থন কৰিব। টিএমচিৰ সুদীপ বন্দোপাধ্যায়ে কয় যে নিৰাপত্তাজনিত ত্ৰুটিৰ বিষয়ে আলোচনা কৰা হৈছিল, সন্ত্ৰাসবাদৰ সৈতে মোকাবিলা কৰাত সকলো দল চৰকাৰৰ সৈতে আছে।

চৰকাৰৰ সিদ্ধান্তক কংগ্ৰেছে কৰিব সমৰ্থন

পহলগাম আক্ৰমণৰ ঘটনা সন্দৰ্ভত চলি আছে সৰ্বদলীয় বৈঠক। এই বৈঠকত কংগ্ৰেছে কয় যে, চৰকাৰৰ যিকোনো ধৰণৰ সিদ্ধান্তক কৰিব সমৰ্থন।

বাহুত ক’লা বেণ্ড বান্ধি নামাজ পঢ়াৰ আহ্বান

পহলগামত সংঘটিত সন্ত্ৰাসবাদী আক্ৰমণৰ ঘটনাত দুখ প্ৰকাশ কৰি এআইএমআইএমৰ মুৰব্বী আছাদুদ্দিন ওৱাইছিয়ে কয় যে, কাইলৈ যেতিয়া সকলোৱে নমাজ-ই-জুম্মা আগবঢ়াব তেতিয়া সকলোৱে বাহুত ক’লা বেণ্ড বান্ধি যাব । তেওঁ কয়, আমি বিদেশী শক্তিসমূহক ক’ব বিচাৰো যে ভাৰতৰ শান্তি কোনেও বিঘ্নিত কৰিব নোৱাৰে৷ শত্ৰুত জালত নপৰিবলৈ তেওঁৰ আহ্বান

২ মিনিট মৌন প্ৰাৰ্থনা

পহলগাম সন্ত্ৰাসবাদী আক্ৰমণত নিহত নিৰীহ লোকসকলক স্মৰণ কৰি বৃহস্পতিবাৰে ৰাষ্ট্ৰীয় ৰাজধানীত অনুষ্ঠিত সৰ্বদলীয় বৈঠকৰ সময়ত দুই মিনিটৰ মৌনতা অৱলম্বন কৰা হয়। জানিব পৰা মতে প্ৰতিৰক্ষা মন্ত্ৰী ৰাজনাথ সিঙে এই বৈঠকৰ সভাপতিত্ব কৰিছে।

BSF জোৱান আটক পাকিস্তানৰ

BSF জোৱান আটক পাকিস্তানৰ। বুধবাৰে পঞ্জাৱৰ ফিৰোজপুৰত ভাৰত-পাকিস্তান আন্তঃৰাষ্ট্ৰীয় সীমান্তৰ জিৰ লাইন পাৰ হৈ জোৱানজন ভুলবশতঃ পাকিস্তানত প্ৰৱেশ কৰিছিল। যাৰ বাবে পাকিস্তানী ৰেঞ্জাৰে তেওঁক আটক কৰি ৰাখিছে। ২৪ ঘন্টাৰ পাছতো জোৱানজনক মুকলি কৰা নাই ।

ভাৰতৰ জনসাধাৰণৰ লগত আছে ইজৰাইল: নেতানিয়াহু

পহলগাম সন্ত্ৰাসবাদী আক্ৰমণ সন্দৰ্ভত প্ৰধানমন্ত্ৰী মোদীৰ সৈতে বাৰ্তালাপ কৰিছে ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে। তেওঁ এই আক্ৰমণক তীব্ৰ গৰিহণা দিয়ে। প্ৰধানমন্ত্ৰী নেতানিয়াহুৱে কয়, “ইজৰাইল ভাৰতৰ জনসাধাৰণৰ সৈতে আছে “।

আৰব সাগৰত সমবেত পাকিস্তানৰ নৌসেনা!

বুধবাৰৰ পৰা ভাৰত আৰু পাকিস্তানৰ মাজত বৃদ্ধি পাইছে কূটনৈতিক হেঁচা। কাশ্মীৰৰ ঘটনাক লৈ দুয়োখন দেশৰ মাজত নতুন উত্তেজনাৰ সৃষ্টি হৈছে। ইফালে পাকিস্তানে কৰাচীৰ উপকূলত ক্ষেপণাস্ত্ৰ পৰীক্ষা কৰিবলৈ ওলাইছে বুলি প্ৰকাশ কৰিছে সংবাদ সংস্থা এএনআইয়ে । এই সন্দৰ্ভত এক বিবৃতি প্ৰকাশ কৰি কয় যে, বৃহস্পতিবাৰ আৰু শুকুৰবাৰে নৌসেনাৰ অনুশীলনৰ সময়ত এই ক্ষেপণাস্ত্ৰ পৰীক্ষা কৰা হ’ব।

Pakistan has issued a notification to carry out a surface-to-surface missile test off its Karachi coast along its coastline within its Exclusive Economic Zone on April 24-25. Indian agencies concerned are keeping a close watch on all the developments: Defence sources

— ANI (@ANI) April 24, 2025

পহলগাম সন্ত্ৰাসবাদী আক্ৰমণক লৈ সৰ্বদলীয় বৈঠক

পহলগাম সন্ত্ৰাসবাদী আক্ৰমণক লৈ অনুষ্ঠিত হৈছে সৰ্বদলীয় বৈঠক। এই বৈঠকৰ অধ্যক্ষতা কৰিছে প্ৰতিৰক্ষা মন্ত্ৰী ৰাজনাথ সিঙে। বৈঠকত উপস্থিত আছে বৈদেশিক মন্ত্ৰী এছ জয়শংকৰ, গৃহ সচিব, আই বি সঞ্চালককে ধৰি বহু নেতা আৰু বিষয়াসকল।

কাইলৈ ​​পহলগাম ভ্ৰমণ কৰিব সেনা প্ৰধানে

কাইলৈ ​​সেনা প্ৰধান জেনেৰেল উপেন্দ্ৰ দ্বিবেদীয়ে পহলগাম পৰিদৰ্শন কৰিব। পৰিদৰ্শন কৰিব সন্ত্ৰাসবাদীয়ে আক্ৰমণ কৰা স্থান। ইয়াৰ উপৰিও নিৰাপত্তা বৈঠকৰ পৰ্যালোচনা কৰিব সেনা প্ৰধানে।

আটাৰী সীমান্ত : বিটিং ৰিট্ৰিট পেৰেডৰ সময়ত খোলা নহ’ব গেট

আটাৰী সীমান্তত বিটিং ৰিট্ৰিট পেৰেডৰ সময়ত খোলা নহ’ব ভাৰতীয় পক্ষৰ গেট। নহ’ব পাকিস্তানী জোৱানৰ সৈতে হেণ্ডচেক অনুষ্ঠান।

ভাৰতে একপক্ষীয় পদক্ষেপ গ্ৰহণ কৰিছে- পাকিস্তান

পাকিস্তান চৰকাৰে সংবাদমেলযোগে কয়, “ভাৰতে পাকিস্তানৰ বিৰুদ্ধে একপক্ষীয় ব্যৱস্থা গ্ৰহণ কৰিছে। ভাৰতৰ এই কাৰ্য অবৈধ। ভাৰতে আমাৰ বিৰুদ্ধে লোৱা প্ৰতিটো পদক্ষেপৰ প্ৰতি আমি এটা এটাকৈ প্ৰত্যুত্তৰ জনাইছোঁ।”

ৰাষ্ট্ৰপতি দ্ৰৌপদী মূৰ্মুক সাক্ষাৎ এছ জয়শংকৰ আৰু গৃহমন্ত্ৰী অমিত শ্বাহৰ

ৰাষ্ট্ৰপতি দ্ৰৌপদী মূৰ্মুক সাক্ষাৎ কৰিবলৈ ৰাষ্ট্ৰপতি ভৱনত উপস্থিত হৈছে বৈদেশিক পৰিক্ৰমা মন্ত্ৰী এছ জয়শংকৰ আৰু গৃহমন্ত্ৰী অমিত শ্বাহ।

#WATCH | Delhi | Union Home Minister Amit Shah leaves from the North Block to meet the President Droupadi Murmu at the Rashtrapati Bhavan. pic.twitter.com/mcjrjmHz8x

— ANI (@ANI) April 24, 2025

শিমলা চুক্তিৰ পৰা আঁতৰি যোৱাৰ ভাবুকি পাকিস্তানৰ

পাকিস্তানে বাতিল কৰিছে ভাৰতীয়ৰ ভিছা। লগতে ৩০ এপ্ৰিলৰ ভিতৰত সকলো ভাৰতীয়ই ঘূৰি আহিব লাগে বুলি কৈছে পাকিস্তানে।ইয়াৰ উপৰিও পাকিস্তানেও শিমলা চুক্তিৰ পৰা আঁতৰি অহাৰ হুংকাৰ প্ৰদান কৰিছে। পাকিস্তানে ভাৰতৰ সৈতে হোৱা সকলো দ্বিপাক্ষিক চুক্তি স্থগিত ৰখাৰ কথা উল্লেখ কৰিছে। ভাৰতে একপক্ষীয় ব্যৱস্থা গ্ৰহণ কৰিছে। পাকিস্তানে ভাৰতৰ বাবে নিজৰ আকাশমাৰ্গ বন্ধ কৰি দিয়ে। ইয়াৰ উপৰিও তেওঁ ৱাগাহ সীমান্তও বন্ধ কৰি দিয়ে।

শংকিত পাকিস্তান, পহলগাম আক্ৰমণৰ বিষয়ে ২০খন দেশক অৱগত কৰিব ভাৰতে

পহলগাম সন্ত্ৰাসবাদী আক্ৰমণৰ পিছত শংকিত হৈ পৰিছে পাকিস্তান। ইফালে ২০খন দেশক পহলগাম আক্ৰমণৰ বিষয়ে অৱগত কৰিব ভাৰতে। বৈদেশিক পৰিক্ৰমা মন্ত্ৰালয়ত উপস্থিত হৈছে আটাইকেইখন দেশৰ কূটনীতিবিদসকল।

পাক এন এছ চিৰ বৈঠকত ডাঙৰ সিদ্ধান্ত

পহলগাম সন্ত্ৰাসবাদী আক্ৰমণৰ পিছত  ভাৰতৰ একচনক লৈ ডাঙৰ সিদ্ধান্ত গ্ৰহণ কৰিছে পাকিস্তান চৰকাৰে। এন এছ চিৰ বৈঠকত পাকিস্তানে ভাৰতীয় কূটনীতিবিদৰ সংখ্যা ৩০ জনলৈ হ্ৰাস কৰিছে। ৩০ এপ্ৰিলৰ ভিতৰত কূটনীতিবিদসকলক ভাৰতলৈ ঘূৰি অহাৰ নিৰ্দেশ পাকিস্তানৰ । হাই এলাৰ্টত ৰখা হৈছে পাকিস্তানী সেনাক। পাক NSCয়ে কয় যে  ভাৰতক প্ৰত্যুত্তৰ দিবলৈ সাজু হৈছে পাকিস্তান।

পহলগাম সন্ত্ৰাসবাদী আক্ৰমণক গৰিহণা কানাডাৰ প্ৰধানমন্ত্ৰীৰ

কানাডাৰ প্ৰধানমন্ত্ৰী মাৰ্ক কাৰ্নীয়ে জম্মু-কাশ্মীৰত সংঘটিত সন্ত্ৰাসবাদী আক্ৰমণক গৰিহণা দিয়ে। কাৰ্নীয়ে কয়, “জম্মু-কাশ্মীৰত সংঘটিত সন্ত্ৰাসবাদী আক্ৰমণত মই স্তম্ভিত হৈছো। এয়া এক অৰ্থহীন আৰু ভয়ানক হিংসাত্মক কাৰ্য য’ত নিৰীহ সাধাৰণ নাগৰিক আৰু পৰ্যটকৰ মৃত্যু আৰু আহত হৈছে। কানাডাই এই সন্ত্ৰাসবাদী আক্ৰমণক তীব্ৰ গৰিহণা দিছে। আমি নিহতসকলৰ লগতে তেওঁলোকৰ পৰিয়াললৈ সমবেদনা জ্ঞাপন কৰিছো।”

ভাৰত-পাকিস্তানক লৈ ৰাছিয়াৰ সংবাদ মাধ্যমৰ ডাঙৰ দাবী

পহলগাম আক্ৰমণৰ পিছত ৰাছিয়াৰ সংবাদ মাধ্যমে ভাৰত-পাকিস্তান সন্দৰ্ভত এক ডাঙৰ দাবী উত্থাপন কৰিছে। ৰাছিয়াৰ সংবাদ মাধ্যমৰ মতে দুখন পাৰমাণৱিক অস্ত্ৰধাৰী দেশৰ মাজত ডাঙৰ ঘটনা সংঘটিত হোৱা আশংকা ব্যক্ত কৰা হৈছে । ভাৰতীয় বিমানৰ বাবে ন’ ফ্লাই জ’ন ঘোষণা কৰিছে পাকিস্তানে ।

Pakistan orders ‘NO-FLY ZONE where India’s AIRCRAFT carrier heading’

‘Something coming down’ between the 2 nuclear states pic.twitter.com/uCKS0eH5oe

— RT (@RT_com) April 24, 2025

পাকিস্তানক কঠোৰ সতৰ্কবাণী প্ৰধানমন্ত্ৰী মোদীৰ

পহলগামত নিৰীহ পৰ্যটকক হত্যা কৰা সন্ত্ৰাসবাদীক নিৰ্মূল কৰাৰ দাবী উত্থাপন কৰাৰ লগতে নাম নোলোৱাকৈয়ে পাকিস্তানক কঠোৰ সতৰ্কবাণী জাৰি কৰিছে প্ৰধানমন্ত্ৰী মোদীয়ে। কেৱল হিন্দীতে নহয় ইংৰাজীতো এই কথা আওৰাইছে প্ৰধানমন্ত্ৰীগৰাকীয়ে। ইয়াৰ অৰ্থ হ’ল প্ৰধানমন্ত্ৰীয়ে বিহাৰৰ লগতে দেশৰ লগতে বিশ্ববাসীলৈও নিজৰ বাৰ্তা প্ৰেৰণ কৰিব বিচাৰিছে।

সন্ত্ৰাসবাদীৰ গছজোপা শিপাৰে সৈতে সম্পূৰ্ণৰূপে উভালি পেলাব লাগে: ওৱাইছি

পাহালগাম আক্ৰমণ সন্দৰ্ভত ওৱাইছিয়ে কয়, “সন্ত্ৰাসবাদী কেনেকৈ আহিল তাৰ ওপৰত দায়িত্ব নিৰ্ধাৰণ কৰিব লাগে। তেওঁ প্ৰশ্ন কৰে, “আক্ৰমণ সংঘটিত হোৱা ঠাইৰ পৰা চি আৰ পি এফক কিয় আঁতৰাই দিয়া হ’ল? ওৱাইচিয়ে স্পষ্টকৈ কয়, “সন্ত্ৰাসবাদীৰ গছজোপা শিপাৰে সৈতে সম্পূৰ্ণৰূপে উভালি পেলোৱা উচিত। এই ঘটনাৰ পাছতেই কঠোৰতম ব্যৱস্থা ল’ব লাগে প্ৰধানমন্ত্ৰীয়ে”।

ভাৰতত মুক্তি নাপাব ছবি আবিৰ গুলাল

তথ্য আৰু সম্প্ৰচাৰ মন্ত্ৰালয়ৰ সূত্ৰই জনোৱা মতে, পাকিস্তানী অভিনেতা ফাৱাদ খান অভিনীত আবিৰ গুলাল ছবিখন ভাৰতত মুক্তিৰ অনুমতি দিয়া নহ’ব।

পাকিস্তানত ৰাষ্ট্ৰীয় নিৰাপত্তা সমিতিৰ বৈঠক

প্ৰধানমন্ত্ৰী শ্বাহবাজ শ্বৰীফৰ অধ্যক্ষতাত পাকিস্তানৰ ইছলামবাগত অনুষ্ঠিত হৈছে ৰাষ্ট্ৰীয় নিৰাপত্তা সমিতিৰ বৈঠক । বৈঠকত উপস্থিত আছে বৈদেশিক মন্ত্ৰী, তথ্য মন্ত্ৰী, প্ৰতিৰক্ষা মন্ত্ৰী আৰু সশস্ত্ৰ বাহিনীৰ মুৰব্বীসকল। সন্ত্ৰাসবাদী আক্ৰমণৰ পিছত ভাৰতে গ্ৰহণ কৰা একপক্ষীয় পদক্ষেপ সন্দৰ্ভত গুৰুত্বপূৰ্ণ সিদ্ধান্ত লোৱাৰ সম্ভাৱনা।

পহলগাম আক্ৰমণৰ অভিযুক্তৰ ওপৰত ২০ লাখকৈ পুৰস্কাৰ

পহলগাম সন্ত্ৰাসবাদী আক্ৰমণৰ অভিযোগত অভিযুক্ত ৩ জন সন্ত্ৰাসবাদীৰ ওপৰত পুৰস্কাৰৰ ঘোষণা কৰিছে জম্মু-কাশ্মীৰ আৰক্ষীয়ে ।  যাৰ স্কেচ্চ ইতিমধ্যে প্ৰকাশ কৰা হৈছে। সন্ত্ৰাসবাদী তিনিজনৰ ওপৰত ২০ লাখ টকাকৈ পুৰস্কাৰ আৰোপ কৰা হৈছে।

দেশৰ শত্ৰুৱে ভাৰতৰ আত্মাক আক্ৰমণ কৰিছে: প্ৰধানমন্ত্ৰী মোদী

বিহাৰত প্ৰধানমন্ত্ৰী মোদীয়ে কয়, “পহলগামত সন্ত্ৰাসবাদীয়ে নিৰীহ লোকক যি বৰ্বৰতাৰে হত্যা কৰিছিল, তাক লৈ সমগ্ৰ দেশ মৰ্মাহত। সমগ্ৰ জাতিটোৱে সকলো ক্ষতিগ্ৰস্ত পৰিয়ালৰ সৈতে তেওঁলোকৰ শোকত থিয় দিছে। এই আক্ৰমণত কোনোবাই নিজৰ পুত্ৰ, ভাতৃ বা স্বামী হেৰুৱালে। দেশৰ শত্ৰুৱে ভাৰতৰ আত্মাক আক্ৰমণ কৰিবলৈ সাহস কৰিছে।

তেওঁ কয়, এই আক্ৰমণ সংঘটিত কৰা সন্ত্ৰাসবাদী, এই আক্ৰমণৰ ষড়যন্ত্ৰ কৰা সন্ত্ৰাসবাদীয়ে কল্পনাও কৰিব নোৱাৰাতকৈও ডাঙৰ শাস্তি পাব। সন্ত্ৰাসবাদ নিৰ্মূল কৰাৰ সময় আহি পৰিছে।” ভাৰতৰ আত্মাক সন্ত্ৰাসবাদে ভাঙিব নোৱাৰে বুলি মন্তব্য কৰে প্ৰধানমন্ত্ৰী মোদীয়ে। প্ৰধানমন্ত্ৰীয়ে কয়, “১৪০ কোটি ভাৰতীয়ৰ ইচ্ছাশক্তিয়ে সন্ত্ৰাসবাদীৰ আকাংশৰ বিনাশ কৰিব।”

পাকিস্তান উচ্চায়ুক্তৰ সন্মুখৰ পৰা আতৰোঁৱা হ’ল বেৰিকেড

পহলগাম আক্ৰমণৰ পিছত কোনো মূল্যৰ বিনিময়ত পাকিস্তানক ৰেহাই দিব নিবিচাৰে ভাৰত চৰকাৰে। বুধবাৰে অনুষ্ঠিত চিচিএছৰ বৈঠকত চৰকাৰে ৫ টা ডাঙৰ সিদ্ধান্ত লৈছিল, যাৰ প্ৰভাৱ এতিয়া দেখা গৈছে। দিল্লীৰ পাকিস্তান উচ্চায়ুক্তৰ সমীপত ৰখা বেৰিকেড আঁতৰালে আৰক্ষীয়ে।

#WATCH | Police remove barricades which were placed near the Pakistan High Commission in Delhi pic.twitter.com/IE4MkDcDXd

— ANI (@ANI) April 24, 2025

কল্পনাতকৈও ডাঙৰ শাস্তি পাব: প্ৰধানমন্ত্ৰী মোদী

বিহাৰত জনসভাত ভাষণ দি পহলগাম হিংসা সন্দৰ্ভত প্ৰধানমন্ত্ৰী মোদীয়ে কয়, “সন্ত্ৰাসবাদী আৰু ষড়যন্ত্ৰকাৰীয়ে কল্পনাতকৈও ডাঙৰ শাস্তি পাব। ভাৰতৰ আত্মাক আক্ৰমণ কৰিছে।”

শান্তি ঘূৰি আহিছে অসমলৈ: মুখ্যমন্ত্ৰী

“অসমৰ সকলো মানুহেই নিৰাপদে আছে। শান্তি ঘূৰি আহিছে অসমলৈ। প্ৰধানমন্ত্ৰী নৰেন্দ্ৰ মোদী হিন্দুৰ লগতে মুছলমানৰ লগতো আছে, কিন্তু সন্ত্রাসবাদীৰ লগত নাই।” পহলগাম আক্ৰমণক লৈ হোজাইত এই মন্তব্য মুখ্যমন্ত্ৰী হিমন্ত বিশ্ব শৰ্মাৰ।

পহলগাম আক্ৰমণত নিহত হোৱাসকললৈ শ্ৰদ্ধাঞ্জলি : প্ৰধানমন্ত্ৰী মোদী

বিহাৰৰ মধুবনীত দিয়া ভাষণৰ আৰম্ভণিতে প্ৰধানমন্ত্ৰী মোদীয়ে কয়, “২২ তাৰিখে আমি হেৰুৱাই পেলোৱা পৰিয়ালৰ সদস্যসকলক নিজ নিজ স্থানত বহি নিজৰ নিজৰ দেৱতাক স্মৰণ কৰি শ্ৰদ্ধাঞ্জলি জনাম”।

পহলগামৰ ঘটনা নিন্দনীয়ঃ মুখ্যমন্ত্ৰী নীতিশ

মধুবনীত অনুষ্ঠিত এক সভাত বিহাৰৰ মুখ্যমন্ত্ৰী নীতিশ কুমাৰে পহলগাম সন্ত্ৰাসবাদী আক্ৰমণৰ কথা উল্লেখ কৰি কয়, “পহলগাম সন্ত্ৰাসবাদী আক্ৰমণ সংঘটিত হৈছে। এই ঘটনা নিন্দনীয়। আমি আপোনাৰ লগত আছো। সন্ত্ৰাসবাদৰ বিৰুদ্ধে ঐক্যবদ্ধ হৈ পৰিছে দেশ।”

দিল্লীত পাকিস্তান উচ্চায়ুক্তৰ বাহিৰত প্ৰতিবাদ

দিল্লীত পাকিস্তান উচ্চায়ুক্তৰ বাহিৰত অব্যাহত আছে জনতাৰ তীব্ৰ প্ৰতিবাদ। দিছে জয় শ্ৰী ৰাম ধ্বনি। পাকিস্তানক উচিত উত্তৰ দিবলৈ দাবী প্ৰতিবাদকাৰীৰ। পানী যোগান বন্ধ কৰাই নহয়, পাকিস্তানক মচি পেলোৱাৰ দাবী।

উধমপুৰত নিৰাপত্তা বাহিনী-সন্ত্ৰাসবাদীৰ মাজত সংঘৰ্ষ, এজন জোৱান শ্বহীদ

উধামপুৰৰ ডুড্ডু-বসন্তগড়ত সন্ত্ৰাসবাদী-নিৰাপত্তাৰক্ষীৰ মাজত সংঘৰ্ষ। এজন জোৱান শ্বহীদ হোৱাৰ খবৰ। ইয়াৰ পূৰ্বে বাৰামুল্লাত সেনাই দুজন সন্ত্ৰাসবাদীক হত্যা কৰিছিল। উদ্ধাৰ কৰা হৈছিল অস্ত্ৰ-শস্ত্ৰ আৰু আই ই ডি।

পাকিস্তানত আতংক!

পহলগাম আক্ৰমণৰ পিছত পাকিস্তানী সেনাৰ লগতে তাত থকা সন্ত্ৰাসবাদীৰ মাজতো আতংকৰ সৃষ্টি হৈছে। খালী কৰা হৈছে লঞ্চিং পেডৰ লগতে জয়ছ-ই-মহম্মদৰ মূল প্ৰশিক্ষণ শিবিৰ আৰু মুখ্য কাৰ্যালয়সমূহ। জৈছৰ বাহাৱালপুৰৰ মুখ্য কার্যালয়ো খালী কৰা হৈছে৷ এই মুখ্য কাৰ্যালয় ১৮ একৰ মাটিত বিস্তৃত।

গৃহ মন্ত্ৰালয়ত উচ্চ পৰ্যায়ৰ বৈঠক

দিল্লীৰ গৃহ মন্ত্ৰালয়ত চলিছে গৃহ সচিবৰ সৈতে RAW আৰু IB ৰ মুৰব্বীসকলৰ এক উচ্চ পৰ্যায়ৰ বৈঠক। পহলগাম আক্ৰমণ আৰু আভ্যন্তৰীণ নিৰাপত্তাৰ পৰিস্থিতিৰ বিষয়ে আলোচনা কৰা হৈছে বৈঠকত।

ভাৰতত দেখা নাযাব পাকিস্তান চৰকাৰৰ এক্স হেণ্ডেল

পহলগাম আক্ৰমণৰ পিছত ভাৰত চৰকাৰে লৈছে আন এক কঠোৰ ব্যৱস্থা। এতিয়াৰে পৰা ভাৰতত দেখা নাযাব পাকিস্তান চৰকাৰৰ ছ’চিয়েল মিডিয়া প্লেটফৰ্মৰ এক্স হেণ্ডেল । ভাৰতত ব্লক কৰা হৈছে পাকিস্তান চৰকাৰৰ অফিচিয়েল একাউণ্ট।

Government of Pakistan’s account on ‘X’ withheld in India pic.twitter.com/Lq4mc2G62g

— ANI (@ANI) April 24, 2025

এয়া দেশৰ ওপৰত আক্ৰমণ, পৰ্যটকৰ ওপৰত নহয়: সঞ্জয় ৰাউত

শিৱসেনাৰ সাংসদ সঞ্জয় ৰাউতে পহলগাম সন্ত্ৰাসবাদী আক্ৰমণ সন্দৰ্ভত কয়, “এইটো সংকটৰ সময়। এই আক্ৰমণ কাশ্মীৰত হোৱা নাছিল, কেৱল তালৈ যোৱা পৰ্যটকৰ ওপৰত আক্ৰমণ হোৱা নাছিল, ই আছিল দেশৰ ওপৰত আক্ৰমণ। মহাৰাষ্ট্ৰ, উত্তৰ প্ৰদেশ, হাৰিয়ানা আৰু গুজৰাটকে ধৰি সমগ্ৰ দেশৰ পৰ্যটক তালৈ গৈছিল, এয়া দেশৰ ওপৰত, দেশৰ ওপৰত আক্ৰমণ এই সংকটৰ সময়ত আমি সকলোৱে একত্ৰিত হৈ আছোঁ।”

প্ৰধানমন্ত্ৰী মোদীৰ বিহাৰ ভ্ৰমণৰ পূৰ্বে ছীল কৰিলে নেপাল সীমান্ত

পহলগাম সন্ত্ৰাসবাদী আক্ৰমণৰ পিছত আজি প্ৰধানমন্ত্ৰী নৰেন্দ্ৰ মোদীৰ বিহাৰ ভ্ৰমণ কাৰ্যসূচী।প্ৰধানমন্ত্ৰীৰ কাৰ্যসূচীৰ পৰিপ্ৰেক্ষিতত বিহাৰ নেপাল সীমান্ত ছীল কৰা হৈছে। বিয়লি ৩ বজালৈ সীমান্ত ছীল হৈ থাকিব। পহলগাম কাণ্ডৰ পিছত এইটোৱেই হৈছে প্ৰধানমন্ত্ৰী মোদীৰ প্ৰথম কাৰ্যসূচী।

পাকিস্তানত আজি ৰাষ্ট্ৰীয় নিৰাপত্তা সমিতিৰ বৈঠক

আজি পাকিস্তানত অনুষ্ঠিত হ’ব ৰাষ্ট্ৰীয় নিৰাপত্তা সমিতিৰ এখন গুৰুত্বপূৰ্ণ বৈঠক। প্ৰধানমন্ত্ৰী শ্বাহবাজ শ্বৰীফৰ নেতৃত্বত ৰাষ্ট্ৰীয় নিৰাপত্তা সমিতিৰ এখন বৈঠক অনুষ্ঠিত হ’ব। পাকিস্তানৰ প্ৰতিৰক্ষা মন্ত্ৰী খোৱাজা আছিফে কয় যে ভাৰতে সিন্ধু জল সন্ধি স্থগিত ৰখা আৰু কূটনৈতিক সম্পৰ্ক বিচ্ছিন্ন কৰাৰ সিদ্ধান্তৰ প্ৰত্যুত্তৰত বৃহস্পতিবাৰে শীৰ্ষ অসামৰিক আৰু সামৰিক নেতৃত্বৰ বৈঠক অনুষ্ঠিত হ’ব। এই বৈঠকত সেনাবাহিনীৰ তিনিটা শাখাৰ মুৰব্বী আৰু কেইবাজনো গুৰুত্বপূৰ্ণ কেবিনেট মন্ত্ৰীয়ে অংশগ্ৰহণ কৰিব।

প্ৰধানমন্ত্ৰী মোদীৰ নেতৃত্বত উচিত ন্যায় প্ৰদান কৰিবলৈ সক্ষম হ’ব: মুখ্যমন্ত্ৰী

সন্ত্ৰাসবাদীৰ আক্ৰমণক লৈ অনুষ্ঠিত চি চি এছৰ বৈঠক সন্দৰ্ভত অসমৰ মুখ্যমন্ত্ৰী ড০ হিমন্ত বিশ্ব শৰ্মাই কয়,  “পহলগামত সন্ত্ৰাসবাদীয়ে ধৰ্মৰ ভিত্তিত হিন্দুসকলৰ ওপৰত সংঘটিত কৰা ভয়ংকৰ আক্ৰমণৰ পাছত নিৰাপত্তাজনিত কেবিনেট সমিতিয়ে (চি চি এছ) সদৰি কৰা সিদ্ধান্ত‌ হৈছে পাকিস্তান আৰু পাকিস্তানৰ সৈতে জড়িত সকলৰ বিৰুদ্ধে এক উচিত আৰু নিৰ্ণায়ক প্ৰত্যুত্তৰ। আমি নিশ্চিত যে ভাৰতে মাননীয় প্ৰধানমন্ত্ৰী শ্ৰীনৰেন্দ্ৰ মোদী ডাঙৰীয়াৰ নেতৃত্বত উচিত ন্যায় প্ৰদান কৰিবলৈ সক্ষম হ’ব।”

The decisions of the #CCS, following the horrific terrorist attack on Hindus, has set the stage for a decisive response against Pakistan and its puppets.

Bharat is confident that under the leadership of Hon’ble Prime Minister Shri @narendramodi Ji, JUSTICE will be DELIVERED.

— Himanta Biswa Sarma (@himantabiswa) April 23, 2025

উধমপুৰৰ বসন্তগড় অঞ্চলত সংঘৰ্ষ অব্যাহত

আজি পুৱা জম্মু-কাশ্মীৰৰ উধমপুৰৰ দুদ্দু-বসন্তগড় অঞ্চলত সন্ত্ৰাসবাদী আৰু নিৰাপত্তাৰক্ষীৰ মাজত সংঘৰ্ষ হয়। উল্লেখ্য যে, পহলগাম সন্ত্ৰাসবাদী আক্ৰমণৰ পিছত  বুধবাৰে বাৰামুল্লা এনকাউণ্টাৰত নিহত হৈছিল দুজন সন্ত্ৰাসবাদী।

গুৱাহাটী বিমানবন্দৰত কৰ্প’ৰেল টাগে হাইলিয়াঙৰ নশ্বৰ দেহ

গুৱাহাটীলৈ অনা হ’ল পেহেলগামত সন্ত্ৰাসবাসীৰ আক্ৰমণত নিহত অৰুণাচলৰ বায়ুসেনাৰ কৰ্প’ৰেল টাগে হালিয়াঙৰ নশ্বৰ দেহ। বৰঝাৰস্থিত বায়ুসেনা ছাউনীত বিষয়াগৰাকীক অসম চৰকাৰৰ হৈ মন্ত্ৰী জয়ন্ত মল্ল বৰুৱা আৰু গুৱাহাটীৰ আৰক্ষী আয়ুক্ত ডাঃ পাৰ্থ সাৰথি মহন্তই  শ্ৰদ্ধাঞ্জলি জ্ঞাপন কৰে। পহলগামত সন্ত্ৰাসবাদী আক্ৰমণত নিহত হৈছিল হাইলিয়াং।

Recieving the mortal remains of someone who travelled from afar only to return lifeless is an immensely painful experience. Tonight, with a heavy heart received the mortal remains of Corporal Tage Hailyang- brave son of Arunachal, at the Air Force base in Guwahati, who tragically… pic.twitter.com/rgyPZQ7wuO

— Jayanta Mallabaruah (@jayanta_malla) April 23, 2025

সন্ত্ৰাসবাদ কেতিয়াও জয়ী হ’ব নোৱাৰে: ব্ৰিটিছৰ প্ৰাক্তন প্ৰধানমন্ত্ৰী ঋষি সুনাক

পহলগামত সংঘটিত সন্ত্ৰাসবাদী আক্ৰমণক লৈ শোক প্ৰকাশ কৰিছে ব্ৰিটিছ প্ৰাক্তন প্ৰধানমন্ত্ৰী ঋষি সুনক। ছ’চিয়েল মিডিয়াত এটা পোষ্ট শ্বেয়াৰ কৰি তেওঁ কয়, “পহলগামত সংঘটিত হিংসাত্মক আক্ৰমণে নৱবিবাহিত, সন্তান আৰু সুখী পৰিয়ালৰ জীৱন কাঢ়ি লৈ ​​গৈছে। যিবোৰে ভাঙিছে আমাৰ হৃদয়। এই শোকৰ সময়ত ব্ৰিটেইন তেওঁলোকৰ লগত আছে।”

#PahalgamTerroristAttack | Former Prime Minister of the United Kingdom Rishi Sunak posts on ‘X’: “The barbaric attack in Pahalgam has stolen the lives of newlyweds, children, and families simply seeking joy. Our hearts break for them. To those mourning, know that the UK stands… pic.twitter.com/r5G1hfLHYl

— ANI (@ANI) April 23, 2025

পহলগাম আক্ৰমণক লৈ সৰ্বদলীয় বৈঠক

পহলগাম আক্ৰমণ সন্দৰ্ভত কেন্দ্ৰীয় চৰকাৰে সৰ্বদলীয় বৈঠক আহ্বান কৰে।  বৃহস্পতিবাৰে (২৪ এপ্ৰিল) সন্ধিয়া ৬ বজাত অনুষ্ঠিত হ’ব এই বৈঠক। এই বৈঠকৰ অধ্যক্ষতা কৰিব প্ৰতিৰক্ষা মন্ত্ৰী ৰাজনাথ সিঙে। সৰ্বদলীয় বৈঠকত বিৰোধী দলসমূহক পহলগাম সন্ত্ৰাসবাদী কাণ্ডৰ সম্পূৰ্ণ তথ্য দিয়া হ’ব।

ৰাষ্ট্ৰপতি মূৰ্মুক সাক্ষাৎ কৰিবলৈ উপস্থিত হৈছে এছ জয়শংকৰ আৰু অমিত শ্বাহ

উত্তৰ ব্লকৰ পৰা ৰাষ্ট্ৰপতি ভৱনলৈ ৰাওনা হৈছে কেন্দ্ৰীয় গৃহমন্ত্ৰী অমিত শ্বাহ। সাক্ষাৎ কৰিব ৰাষ্ট্ৰপতি দ্ৰৌপদী মূৰ্মুক । লগত থাকিব বৈদেশিক মন্ত্ৰী এছ জয়শংকৰ।

#WATCH | Delhi | Union Home Minister Amit Shah leaves from the North Block to meet the President Droupadi Murmu at the Rashtrapati Bhavan. pic.twitter.com/mcjrjmHz8x

— ANI (@ANI) April 24, 2025

ৰাষ্ট্ৰপতি মূৰ্মুক সাক্ষাৎ অমিত শ্বাহ, এছ জয়শংকৰৰ

ৰাষ্ট্ৰপতি দ্ৰৌপদী মূৰ্মুক সাক্ষাৎ কৰিবলৈ ৰাষ্ট্ৰপতি ভৱনত উপস্থিত হৈছে বৈদেশিক পৰিক্ৰমা মন্ত্ৰী এছ জয়শংকৰ আৰু গৃহমন্ত্ৰী অমিত শ্বাহ।

#WATCH | Delhi | Union Home Minister Amit Shah leaves from the North Block to meet the President Droupadi Murmu at the Rashtrapati Bhavan. pic.twitter.com/mcjrjmHz8x

— ANI (@ANI) April 24, 2025