আজিৰ দিনটোতে ইন্দিৰা গান্ধীৰ হত্যাকাৰীক ফাঁচী দিয়া হয়, চাওক দিনটোৰ ইতিহাস
আজি ৬ জানুৱাৰী। বহু ঘটনা পৰিঘটনাৰ বাবে এই দিনটো ইতিহাসৰ পাতত লিপিবিদ্ধ হৈ আছে। চাওঁ আজিৰ দিনটোত ঘটা ঘটনা পৰিঘটনা।
৬ জানুৱাৰীৰ দিনটো বহু গুৰুত্বপূৰ্ণ ঘটনা পৰিঘটনাৰ সাক্ষী হৈছে। ১৯৪৭ চনৰ আজিৰ দিনটোতে ভাৰতীয় জাতীয় কংগ্ৰেছ কমিটীয়ে দেশৰ ভূগোল আৰু ইতিহাস সলনি কৰি দেশ বিভাজন মানি লৈছিল। তদুপৰি, ১৬৬৪ চনৰ ৬ জানুৱাৰীত ছাত্ৰপতি শিৱাজী মহাৰাজে চুৰাটত আক্ৰমণ কৰে, যিটোক চুৰাটৰ যুদ্ধ বুলি জনা যায়।
তদুপৰি প্ৰাক্তন প্ৰধানমন্ত্ৰী ইন্দিৰা গান্ধীৰ হত্যাকাণ্ডৰ লগত জড়িত সতৱন্ত সিং আৰু কেহৰ সিংক ৬ জানুৱাৰীত ফাঁচী দিয়া হৈছিল। সতৱন্ত সিং আৰু বন্ত সিং ইন্দিৰা গান্ধীৰ নিৰাপত্তাৰক্ষী আছিল, যিয়ে ১৯৮৪ চনৰ ৩১ অক্টোবৰত তেওঁৰ চৰকাৰী বাসগৃহত গুলীচালনা কৰিছিল। কেহৰ সিংও এই ষড়যন্ত্ৰত জড়িত আছিল। ঘটনাস্থলীত উপস্থিত থকা আন নিৰাপত্তাৰক্ষীয়ে বীন্ত সিঙক হত্যা কৰে।
অন্যান্য ঘটনা পৰিঘটনা
- ১৬৬৪ চনত ছাত্রপতি শিৱাজী মহাৰাজে চুৰাটত আক্ৰমণ কৰে।
- ১৮৮৫ চনত আধুনিক ভাৰতৰ বিশিষ্ট হিন্দী সাহিত্যিক ভাৰতেন্দু হৰিশচন্দ্ৰৰ মৃত্যু হয়।
- ১৯২৮ চনত ভাৰতীয় নাট্যকাৰ তথা নাট্য ব্যক্তিত্ব বিজয় তেণ্ডুলকাৰৰ জন্ম হয়।
- ১৯২৯ চনত মাদাৰ টেৰেছা ভাৰতৰ অভাৱগ্ৰস্ত আৰু দৰিদ্ৰ লোকসকলৰ সেৱা কৰিবলৈ কলিকতালৈ (বৰ্তমান কলকাতা) উভতি আহে।
- ১৯৪৭ চনত ভাৰতীয় জাতীয় কংগ্ৰেছ কমিটীয়ে ভাৰত বিভাজন মানি লয়।
- ১৯৫৯ চনত ভাৰতীয় অলৰাউণ্ডাৰ কপিল দেৱৰ জন্ম হয়। তেওঁৰ অধিনায়কত্বত ১৯৮৩ চনত ভাৰতীয় দলটোৱে ক্ৰিকেট বিশ্বকাপ জয় কৰিছিল।
- ১৯৬৬ চনত অস্কাৰ বিজয়ী ভাৰতীয় সংগীতজ্ঞ এ.আৰ. ৰহমানৰ জন্ম হৈছিল।
- ১৯৮০ চনত ইন্দিৰা গান্ধীৰ কংগ্ৰেছ দলে সপ্তম লোকসভা নিৰ্বাচনত দুই তৃতীয়াংশ সংখ্যাগৰিষ্ঠতা লাভ কৰে।
- ১৯৮৯ চনত ইন্দিৰা গান্ধীৰ হত্যাকাণ্ডত দোষী সাব্যস্ত হোৱা সতৱন্ত সিং আৰু কেহৰ সিংক ফাঁচী দিয়া হয়।
- ২০০২ চনত ব্ৰিটিছ প্ৰধানমন্ত্ৰী টনি ব্লেয়াৰ আৰু ভাৰতৰ প্ৰধানমন্ত্ৰী অটল বিহাৰী বাজপেয়ীৰ বৈঠকৰ পিছত দিল্লী ঘোষণাপত্ৰত স্বাক্ষৰ কৰা হয়।
- ২০০২ চনত বাংলাদেশৰ মুদ্ৰাৰ পৰা শ্বেখ মুজিবুৰ ৰহমানৰ প্ৰতিকৃতি আঁতৰোৱা হয়।
- ২০১২ চনত ছিৰিয়াৰ ৰাজধানী ডামাস্কাছত সংঘটিত আত্মঘাতী আক্ৰমণত ২৬ জন লোক নিহত আৰু ৬৩ জন আহত হয়।
- ২০১৭ চনত হিন্দী চলচ্চিত্ৰ অভিনেতা পদ্মশ্ৰী ওম পুৰীৰ দেহাৱসান।
