Bank Job: SBI ত খালী ২,০০০ ৰো অধিক পদ! ক’ত, কেনেকৈ আবেদন কৰিব জানক…

বেংকত চাকৰি কৰিব বিচৰাসকলৰ বাবে আছে এক ভাল খবৰ। ভাৰতীয় ষ্টেট বেংক (SBI)য়ে যুৱক-যুৱতীসকলৰ বাবে বেংকত কাম কৰাৰ সুযোগ আনিছে। বেংকটোৱে ২০২৬ চনৰ চক্ৰ ভিত্তিক বিষয়া (CBO)ৰ কেইবাটাও পদত নিযুক্তিৰ বাবে আবেদন আহ্বান কৰিছে। এই নিযুক্তি প্ৰক্ৰিয়াৰ অধীনত সমগ্ৰ দেশত ২০৫০টা নিয়মীয়া আৰু ২২৩ বেকলগ পদ পূৰণ কৰিব। আবেদন প্ৰক্ৰিয়া ২৯ জানুৱাৰীৰ পৰা আৰম্ভ হৈছে আৰু ১৮ ফেব্ৰুৱাৰী, ২০২৬ লৈ চলিব।

গতিকে আপুনি যদি এই পদৰ বাবে যোগ্য আৰু ইচ্ছুক তেন্তে নিৰ্ধাৰিত সময়ৰ ভিতৰত আবেদন কৰিব পাৰে। আপুনি বেংকৰ অফিচিয়েল ৱেবচাইট sbi.co.in/careers বা sbi.bank.in/careers ত গৈ অনলাইন আবেদন কৰিব পাৰিব।

শিক্ষাগত অৰ্হতা

এই পদৰ বাবে আবেদন কৰিবলৈ প্ৰাৰ্থী যিকোনো স্বীকৃতিপ্ৰাপ্ত বিশ্ববিদ্যালয়ৰ স্নাতক হ’ব লাগিব। অভিযান্ত্ৰিক, চিকিৎসা, চি এ, বা কাষ্ট একাউণ্টিঙৰ দৰে পেছাদাৰী ডিগ্ৰী থকা প্ৰাৰ্থীও যোগ্য। ইয়াৰ লগতে নিৰ্ধাৰিত বাণিজ্যিক বেংক বা আঞ্চলিক গ্ৰাম্য বেংকত বিষয়া কেডাৰৰ পদত ২ বছৰৰ অভিজ্ঞতা থাকিব লাগিব।

২১ ৰ পৰা ৩০ বছৰৰ ভিতৰৰ যুৱক-যুৱতীসকলে এই পদৰ বাবে আবেদন কৰিব পাৰিব। অৱশ্যে সংৰক্ষিত শ্ৰেণীৰ প্ৰাৰ্থীয়ে চৰকাৰী নিয়ম অনুসৰি কিছু ৰেহাই লাভ কৰিব। ইয়াৰোপৰি স্থানীয় ভাষাৰ জ্ঞান থকা আৱশ্যক।

নিৰ্বাচন প্ৰক্ৰিয়া কি?

মুঠ ৪ টা পৰ্যায়ত এই পদৰ বাবে প্ৰাৰ্থী নিৰ্বাচন হ’ব। প্ৰথম পৰ্যায়ত ১৭০ নম্বৰৰ অনলাইন পৰীক্ষা, ১২০ নম্বৰৰ বস্তুনিষ্ঠ পৰীক্ষা, ৫০ নম্বৰৰ বৰ্ণনাত্মক পৰীক্ষা থাকিব। ইয়াৰ পিছত ডকুমেণ্ট স্ক্ৰীনিং, ৫০ নম্বৰৰ সাক্ষাৎকাৰ হব। শেষত স্থানীয় ভাষাৰ ওপৰত পৰীক্ষা হ’ব আৰু এনেকৈ নিৰ্বাচন কৰা হ’ব।

মাচুল

সাধাৰণ, অ’বিচি, আৰু ইডব্লিউএছৰ বাবে ৭৫০ টকা মাচুল নিৰ্ধাৰণ কৰা হৈছে। ইয়াৰ বিপৰীতে সংৰক্ষিত শ্ৰেণী, দিব্যাংগসকলে কোনো আবেদন মাচুল দিব নালাগে।

দৰমহা কিমান ?

নিৰ্বাচিত হোৱা প্ৰাৰ্থীসকলক জুনিয়ৰ মেনেজমেণ্ট গ্ৰেড স্কেল-Iৰ অধীনত নিযুক্তি দিয়া হ’ব। প্ৰাৰ্থীসকলে প্ৰথমে প্ৰতিমাহে ৪৮,৪৮০ টকা দৰমহা লাভ কৰিব। লগতে থাকিব ডি এ, এইচ আৰ এ, পেট্ৰ’ল ভাট্টা, আৰু চিকিৎসাৰ সুবিধা।

অন্য খবৰ পঢ়কঃ  বেংকত ওলাইছে চাকৰি! মাহে লাভ কৰিব প্ৰায় ৮৫,০০০ টকা, কেনেকৈ আবেদন কৰিব জানক…