আজি দিনটোতে লুইছ ব্ৰেইল, ছাৰ আইজাক নিউটনৰ জন্ম, চাওঁ আহক দিনটোৰ ইতিহাস…
আজি ৪ জানুৱাৰী। আজিৰ দিনটোতে লুইছ ব্ৰেইল, ছাৰ আইজাক নিউটনৰ জন্ম। ইয়াৰ লগতে এই দিনটোত ঘটা অন্যান্য ঘটনা পৰিঘটনা চাওঁ আহক।
বহু ঘটনা পৰিঘটনাৰ বাবে আজিৰ দিনটো ইতিহাসৰ পাতত লিপিবদ্ধ হৈ আছে। ১৮০৯ চনৰ ৪ জানুৱাৰীত ফৰাচী মহান শিক্ষাবিদ লুই ব্ৰেইলৰ জন্ম হয়। তেওঁ অন্ধ লোকৰ লিখন পদ্ধতিৰ উদ্ভাৱন কৰিছিল। তেওঁৰ নামেৰে ইয়াৰ নাম ব্ৰেইল ৰখা হৈছিল। ১৬৪৩ চনৰ ৪ জানুৱাৰীত বিশ্ববিখ্যাত ইংৰাজ পদাৰ্থ বিজ্ঞানী, জ্যোতিৰ্বিদ আৰু গণিতজ্ঞ ছাৰ আইজাক নিউটনৰ জন্ম হয়। মহাকৰ্ষণ নিয়ম আৰু গতি তত্ত্ব প্ৰণয়ন কৰা মহান গণিতজ্ঞ, পদাৰ্থবিজ্ঞানী আৰু জ্যোতিৰ্বিজ্ঞানী নিউটনক আধুনিক পদাৰ্থ বিজ্ঞানৰ পিতৃ বুলি গণ্য কৰা হয়। ইয়াৰ লগতে চাওঁ আহক দিনটোৰ ইতিহাস।
দিনটোৰ ইতিহাস
- ১৬০৪ চনত ৰাজকুমাৰ চেলিমৰ ব্যৰ্থ বিদ্ৰোহৰ পিছত সম্ৰাট আকবৰৰ আগত তেওঁক উপস্থাপন কৰা হয়।
- ১৬৪২ চনত ইংলেণ্ডৰ ৰজা চাৰ্লছে ৪০০ সৈন্যৰে সংসদ আক্ৰমণ কৰে।
- ১৬৪৩ চনত মহাকৰ্ষণ তত্ত্ব আৰু গতিৰ নিয়ম প্ৰণয়ন কৰা মহান ইংৰাজ পদাৰ্থবিজ্ঞানী আৰু গণিতজ্ঞ ছাৰ আইজাক নিউটনৰ জন্ম হয়।
- ১৭৬২ চনত ইংলেণ্ডে স্পেইন আৰু নেপলছৰ বিৰুদ্ধে যুদ্ধ ঘোষণা কৰে।
- ১৮০৯ চনত অন্ধ লোকক পঢ়া-শুনাত সহায় কৰা লিপিৰ উদ্ভাৱক লুই ব্ৰেইলৰ জন্ম হয়। তিনি বছৰ বয়সত দুৰ্ঘটনাত লুইছে চকুৰ দৃষ্টিশক্তি হেৰুৱাইছিল।
- ১৯০৬ চনত ৱেলছৰ ৰাজকুমাৰে (পৰৱৰ্তী সময়ত ৰজা পঞ্চম জৰ্জ) কলিকতাত ভিক্টোৰিয়া মেম’ৰিয়েল হলৰ আধাৰশিলা স্থাপন কৰে।
- ১৯৩২ চনত ব্ৰিটিছ ইষ্ট ইণ্ডিজৰ ভাইচৰয় উইলিংডনে মহাত্মা গান্ধী আৰু জৱাহৰলাল নেহৰুক গ্ৰেপ্তাৰ কৰে।
- ১৯৪৮ চনত দক্ষিণ-পূব এছিয়াৰ দেশ বাৰ্মা (ম্যানমাৰ)য়ে ব্ৰিটেইনৰ পৰা স্বাধীনতা লাভ কৰে।
- ১৯৫৮ চনত নিউজিলেণ্ডৰ ছাৰ এডমাণ্ড হিলাৰীয়ে দক্ষিণ মেৰুত উপনীত হয়। ১৯১২ চনত কেপ্তেইন ৰবাৰ্ট এফ স্কটৰ অভিযানৰ পিছত তেওঁ এই কৃতিত্ব অৰ্জন কৰা প্ৰথমজন অভিযাত্ৰী আছিল। হিলাৰী আৰু তেওঁৰ দলটোৱে বেয়া বতৰত প্ৰায় ১১৩ কিলোমিটাৰ যাত্ৰা কৰিছিল।
- ১৯৬৪ চনত বাৰাণসী ইঞ্জিন ৱৰ্কছত প্ৰথম ডিজেল ইঞ্জিন নিৰ্মাণ সম্পূৰ্ণ হয়।
- ১৯৭২ চনত বিভিন্ন অপৰাধৰ তদন্তৰ উন্নতি আৰু আধুনিকীকৰণৰ উদ্দেশ্যে নতুন দিল্লীত অপৰাধ বিজ্ঞান আৰু ফৰেনছিক বিজ্ঞান প্ৰতিষ্ঠান প্ৰতিষ্ঠা কৰা হয়।
- ১৯৯০ চনত পাকিস্তানৰ ৰে’ল দুৰ্ঘটনাৰ ইতিহাসৰ আটাইতকৈ মৰ্মান্তিক ঘটনাত দুখন ৰে’লৰ মাজত হোৱা ভয়ানক সংঘৰ্ষত ৩০৭ জন লোকৰ মৃত্যু হোৱাৰ লগতে বহু লোক আহত হয়।
- ২০১০ চনত সংযুক্ত আৰব আমিৰশ্বাহীৰ ডুবাইৰ বুৰ্জ খলিফা আনুষ্ঠানিকভাৱে মুকলি কৰা হয়। সেই সময়ত ইয়াক বিশ্বৰ আটাইতকৈ ওখ অট্টালিকা বুলি গণ্য কৰা হৈছিল।
কংগ্ৰেছৰ প্ৰতিটো টিকটৰ দাম ৩ ৰ পৰা ৪ কোটি: মুখ্যমন্ত্ৰী
অসমত খিলঞ্জীয়া হিন্দু আৰু মুছলিমৰ সমান অধিকাৰ আছেঃ মুখ্যমন্ত্ৰী
মহাকালেশ্বৰ মন্দিৰত পূজা অৰ্চনা ভাৰতীয় মহিলা ক্ৰিকেট দলৰ...
মোলাই কাঠনিৰ অগ্নিকাণ্ড সন্দৰ্ভত মুখ্যমন্ত্ৰীৰ প্ৰতিক্ৰিয়া
২০২৬ ৰ বিধানসভা নিৰ্বাচনৰ প্ৰাৰ্থী কেতিয়া ঘোষণা কৰিব বিজেপিয়ে?
