প্ৰথম চাকৰিত যোগদান কৰাসকলক চৰকাৰে দিব ১৫,০০০ টকা, জানক সবিশেষ…

যদি আপুনি চাকৰিৰ আৰম্ভণি কৰিছে তেন্তে আছে এক ভাল খবৰ। প্ৰধানমন্ত্ৰী বিকাশ ভাৰত ৰোজগাৰ যোজনা (PM Viksit Bharat Rozgar Yojana) ৰ অধীনত আপুনি লাভ কৰিব পাৰে ১৫ হাজাৰ টকা। শেহতীয়াকৈ শ্ৰম আৰু নিয়োগ মন্ত্ৰালয়ে এই সন্দৰ্ভত টুইট কৰিছে। য’ত কোৱা হৈছে-যদি আপুনি প্ৰথমবাৰৰ বাবে চাকৰিৰ আৰম্ভণি কৰিছে অৰ্থাৎ প্ৰথমবাৰৰ বাবে ইপিএফঅ’ (Epfo)ত পঞ্জীয়ন কৰিছে তেন্তে এই আঁচনিৰ অধীনত ১৫ হাজাৰ টকা লাভ কৰিব।

এই আঁচনিৰ বিষয়ে অধিক তথ্য লাভ কৰিবলৈ pmvry.labour.gov.in ৱেবচাইট চাব পাৰে। মন্ত্ৰালয়ৰ টুইট অনুসৰি, প্ৰথমবাৰ EPFO ত পঞ্জীয়ন কৰাসকলেহে ইয়াৰ দ্বাৰা লাভান্বিত হ’ব।

কেনেকৈ উপকৃত হ’ব?

এই আঁচনিৰ লাভ পাবলৈ আপুনি EPFO ত পঞ্জীয়নভুক্ত হ’ব লাগিব। অৰ্থাৎ যেতিয়া আপুনি চাকৰি আৰম্ভ কৰে তেতিয়া EPFOত একাউন্ট খোল খায়। ইয়াৰ লগে লগে EPFOত পঞ্জীয়নভুক্ত হয়। পাছত ইয়াক আপোনাৰ পি এফ একাউন্টৰ সৈতে লিংক কৰা হয়। এই আঁচনিৰ সুবিধা পাবলৈ আপুনি pmvry.labour.gov.in ত গৈ পঞ্জীয়ন কৰিব পাৰিব। ঘৰৰ পৰাও অনলাইনৰ দ্বাৰা এই প্ৰক্ৰিয়া সম্পূৰ্ণ কৰিব পাৰে।

प्रधानमंत्री विकसित भारत रोजगार योजना के तहत पहली बार औपचारिक नौकरी पाने वाले युवाओं को ₹15,000 तक की प्रोत्साहन राशि प्रदान की जाएगी। अधिक जानकारी के लिए https://t.co/G6lyxmLP2x पर विजिट करें। #MoLE #Employment pic.twitter.com/nw9laLUACn

— Ministry of Labour & Employment, GoI (@LabourMinistry) December 28, 2025

PFৰ টকা উলিওৱাৰ নিয়ম

এই আঁচনি কেৱল প্ৰথমবাৰৰ কৰ্মচাৰীৰ বাবে। নতুন পি এফ নিয়মৰ অধীনত পি এফ একাউণ্টৰ পৰা ধন উলিওৱাটো পূৰ্বতকৈ সহজ হৈ পৰিছে। অতি সোনকালে ইপিএফঅ’ই এটিএম কাৰ্ডৰ পৰা উলিওৱাৰ সুবিধাও প্ৰদান কৰিব। নতুন নিয়ম অনুসৰি, আপোনাৰ বা আপোনাৰ পৰিয়ালৰ বিয়াৰ বাবে, ঘৰ ক্ৰয় বা মেৰামতি, শিশুৰ শিক্ষা,অসুস্থতাৰ বাবে এই ধন উলিয়াব পাৰে।

কেতিয়া আৰু কিমান টকা উলিয়াব পাৰিব?

টকা উলিওৱাৰ পৰিমাণ আপোনাৰ প্ৰয়োজনৰ ওপৰত নিৰ্ভৰ কৰে। চাকৰি হেৰুৱালে লগে লগে ৭৫% আৰু বাকী ২৫% ১২ মাহৰ পিছত উলিয়াব পাৰিব।ঘৰ ক্ৰয়, বিয়া, বেমাৰ,অৱসৰ আদিত চৰ্ত অনুসৰি উলিয়াব পাৰে। চাকৰি এৰাৰ লগে লগে ৭৫ শতাংশ PFৰ ধন উলিয়াব পাৰে। ইয়াৰোপৰ বাকী ১২ মাহৰ পাছত উলিয়াব পাৰে। বিয়াৰ ক্ষেত্ৰত বা নিজৰ পৰিয়ালৰ বাবে ৭ বছৰৰ সেৱাৰ পাছত ৫০ শতাংশ উলিয়াব পাৰে। নিজৰ বাবে বা পৰিয়ালৰ স্বাস্থ্যৰ বাবে সম্পূৰ্ণ ধন বা ৬ মাহৰ দৰমহা উলিয়াব পাৰে।

অন্য খবৰ পঢ়কঃ শ্ৰীমন্ত শংকৰদেৱ আৱিৰ্ভাৱ ক্ষেত্ৰ উদ্বোধন কেন্দ্ৰীয় গৃহমন্ত্ৰীৰঃ কিয় বিশেষ এই প্ৰকল্প, জানক সকলো…