পতঞ্জলিৰ কিষাণ সমৃদ্ধি যোজনা কি? ই কেনেকৈ কৃষকক শক্তিশালী কৰি তুলিছে?

পতঞ্জলিয়ে দাবী কৰে যে, স্থানীয় কৃষকৰ পৰা পোনপটীয়াকৈ কেঁচামালৰ উৎস আহৰণ কৰি, ‘কিষাণ সমৃদ্ধি যোজনা’ৰ জৰিয়তে তেওঁলোকক ডিজিটেলভাৱে সবলীকৰণ কৰি আৰু সমগ্ৰ দেশৰ মহিলা উদ্যোগীসকলক সহায় কৰি স্বাৱলম্বী ভাৰতৰ দৃষ্টিভংগীত অৰিহণা যোগাইছে। ভাৰতীয় অৰ্থনীতিত এমএছএমই খণ্ডই গুৰুত্বপূৰ্ণ ভূমিকা পালন কৰি দেশৰ জিডিপিৰ ৩০ শতাংশতকৈ অধিক অৰিহণা যোগাই লাখ লাখ লোকৰ কৰ্মসংস্থাপনৰ সৃষ্টি কৰে।

পতঞ্জলি আয়ুৰ্বেদৰ তথ্য অনুসৰি, কৃষি খণ্ডক শক্তিশালী কৰাৰ লগতে স্থানীয় ব্যৱসায়িক প্ৰচাৰৰ ক্ষেত্ৰত কোম্পানীটোৱে আগৰণুৱা কাম কৰি আহিছে। বিভিন্ন পদক্ষেপৰ জৰিয়তে পতঞ্জলিয়ে কয় যে, ই গ্ৰাম্য আৰু নগৰ উভয় যুৱক-যুৱতীসকলক সৱল কৰি তুলিছে আৰু লগতে স্বাৱলম্বী ভাৰতৰ সপোন বাস্তৱায়িত কৰাত সহায় কৰিছে।

কোম্পানীটোৱে কয়,” স্থানীয় কৃষক আৰু উৎপাদকসকলৰ পৰা পোনপটীয়াকৈ কেঁচামাল ক্ৰয় কৰাত পতঞ্জলিৰ অৱদান প্ৰতিফলিত হৈছে। কোম্পানীটোৱে কৃষকৰ পৰা বনৌষধি, শস্য, তেল আৰু অন্যান্য কেঁচামাল লাভ কৰে, যাৰ ফলত তেওঁলোকৰ আয় বৃদ্ধি পায়। এই পদক্ষেপে কেৱল এম এছ এম ইসমূহক অৰ্থনৈতিক সহায় আগবঢ়োৱাই নহয়, গ্ৰাম্য অঞ্চলত কৰ্মসংস্থাপনৰ সুযোগো বৃদ্ধি কৰে।

হৰিদ্বাৰস্থিত পতঞ্জলি খাদ্য আৰু বনৌষধি উদ্যানখন স্থানীয় লোকৰ বাবে এক প্ৰধান কেন্দ্ৰত পৰিণত হৈছে, য’ত কৃষক গোট, পঞ্চায়ত আৰু আত্মসহায়ক গোটসমূহক সমবায় কৃষি কাৰ্যত নিয়োজিত হ’বলৈ উৎসাহিত কৰা হৈছে। ইয়াৰ ফলত শ শ লোকৰ কৰ্মসংস্থাপন সৃষ্টি হোৱাৰ লগতে গ্ৰাম্য আন্তঃগাঁথনিৰ উন্নতি ঘটিছে।

কিষাণ সমৃদ্ধি যোজনা কি?

কোম্পানীটোৱে আৰু দাবী কৰে যে, কৃষকসকলক ডিজিটেলভাৱে সবলীকৰণৰ বাবে পতঞ্জলিয়ে ‘কিষাণ সমৃদ্ধি যোজনা’ আৰম্ভ কৰিছে। এই আঁচনিৰ অধীনত কৃষকসকলে মোবাইল এপৰ দৰে অত্যাধুনিক প্ৰযুক্তিৰ সুবিধা লাভ কৰে। যাৰ দ্বাৰা তেওঁলোকে উৎপাদন প্ৰক্ৰিয়াৰ বিশ্লেষণ, বতৰৰ পূৰ্বাভাস আৰু বাস্তৱ সময়ৰ বজাৰ মূল্যৰ বিষয়ে তথ্য লাভ কৰে। এই সুবিধাই তেওঁলোকক সঠিক আৰু লাভজনক সিদ্ধান্ত লোৱাত সহায় কৰে। ইয়াৰ উপৰিও পতঞ্জলিয়ে ফিনটেক কোম্পানীসমূহৰ সৈতে অংশীদাৰিত্ব কৰি চালান ভিত্তিক বিত্তীয় সাহায্য প্ৰদান কৰিছে, যিয়ে এম এছ এম ইসমূহক তৎক্ষণাত কাৰ্যকৰী মূলধন লাভ কৰাত সহায় কৰে। ইয়াৰ ফলত ক্ষুদ্ৰ ব্যৱসায়ীসকলে তথ্য-পাতি আৰু নগদ ধনৰ প্ৰবাহ ফলপ্ৰসূভাৱে পৰিচালনা কৰাত সহায় কৰে।

মহিলা উদ্যোগীসকলৰ ওপৰত গুৰুত্ব

পতঞ্জলিয়ে কয় যে, জৈৱিক কৃষিৰ প্ৰশিক্ষণ আৰু ডিজিটেল সঁজুলিৰ সুবিধা প্ৰদান কৰি মহিলা উদ্যোগীসকলক বিশেষ সহায় আগবঢ়ায়। ইয়াৰ ফলত গ্ৰাম্য আৰু অৰ্ধনগৰ অঞ্চলৰ মহিলাসকলৰ বাবে স্ব-নিয়োজনৰ সুবিধা মুকলি হৈছে। পতঞ্জলিৰ স্বাধীন কেন্দ্ৰ আৰু আয়ুৰ্বেদিক ক্লিনিকৰ দৰে পদক্ষেপে স্থানীয় উদ্যোগীসকলক তেওঁলোকৰ ব্যৱসায় আৰম্ভ আৰু বৃদ্ধি কৰাত সহায় কৰে। কোম্পানীটোৰ কৌশল কেৱল সামগ্ৰী বিক্ৰী কৰাত সীমাবদ্ধ নহয়, স্থানীয় সম্প্ৰদায়ক আত্মনিৰ্ভৰশীল কৰি তোলাত গুৰুত্ব আৰোপ কৰা হৈছে।

এম এছ এম ই আৰু স্থানীয় ব্যৱসায়ীসকলক অনুপ্ৰাণিত কৰা

পতঞ্জলিয়ে কয় যে, এই পদক্ষেপসমূহে কেৱল অৰ্থনৈতিক উন্নয়নত সহায় কৰাই নহয়, গ্ৰাম্য আৰু নগৰ অঞ্চলকো সবলীকৰণত সহায় কৰে। কোম্পানীটোৰ ‘প্ৰকৃতি কা আশীৰ্বাদ’ শ্লোগানে ভাৰতীয় সংস্কৃতি আৰু আয়ুৰ্বেদিক প্ৰমূল্যবোধৰ প্ৰসাৰৰ অভিযানক প্ৰতিফলিত কৰিছে। পতঞ্জলিৰ কৌশলে ইয়াক ভাৰতৰ অন্যতম দ্ৰুতগতিত বৃদ্ধি পোৱা এফএমচিজি ব্ৰেণ্ড আৰু এমএছএমই আৰু স্থানীয় ব্যৱসায়ীসকলৰ বাবে প্ৰেৰণাৰ উৎস হিচাপে গঢ়ি তুলিছে।