ইজৰাইল-ইৰাণৰ যুদ্ধৰ মাজতে ভাৰতে দেখুৱালে শক্তি! এছিয়াত নতুন যুদ্ধৰ উকমুকনি…
ইৰাণ-ইজৰাইলৰ যুদ্ধৰ প্ৰভাৱ সমগ্ৰ বিশ্বত পৰিছে। ভাৰতো ইয়াৰ পৰা আঁতৰত নাই। এই যুদ্ধৰ বাবে খাৰুৱা তেল, সোণ আদিৰ দাম তীব্ৰগতিত বৃদ্ধি পাইছে।
সমগ্ৰ বিশ্বৰ দৃষ্টি বৰ্তমান নিবদ্ধ হৈ আছে ইজৰাইল-ইৰাণৰ যুদ্ধত। এই দেশ দুখনে সমগ্ৰ শক্তি প্ৰয়োগ কৰি আক্ৰমণ চলাই গৈছে। এই যুদ্ধৰ প্ৰভাৱ কেৱল দুয়োখন দেশৰ মাজতে সীমাবদ্ধ হৈ থকা নাই। ইয়াৰ প্ৰভাৱ বিশ্বৰ বিভিন্ন দেশৰ ওপৰত পৰিছে। এফালে খাৰুৱা তেলৰ মূল্যবৃদ্ধি হৈছে, আনফালে দাম বাঢ়িছে সোণৰ। ইয়াৰ মাজতে এছিয়াত আৰম্ভ হৈছে এক নতুন যুদ্ধ। সেয়া হৈছে মুদ্ৰা যুদ্ধ। সোমবাৰে ভাৰতীয় টকাৰ মূল্য হ্ৰাস পোৱাৰ পাছতে পুনৰ ওপৰলৈ উঠে। বিশেষ কথা এয়াই যে, খাৰুৱা তেলৰ মূল্যবৃদ্ধিৰ পাছতো টকাৰ মূল্যত উত্থান দেখা গৈছে।
ইজৰাইল আৰু ইৰানে ইজনে সিজনৰ বিৰুদ্ধে যুদ্ধ তীব্ৰতৰ কৰাৰ কামত ব্যস্ত হৈ পৰিছে। এনে পৰিস্থিতিত খাৰুৱা তেলৰ মূল্য আৰু বৃদ্ধি হ’ব পাৰে। অৱশ্যে ইয়াৰ পাছতো এছিয়াত টকাই ডলাৰৰ সৈতে প্ৰতিদ্বন্দ্বিতা চেষ্টা চলাই গৈছে। পৰিস্থিতি এনে হৈ পৰিছে যে,ভাৰতীয় মুদ্ৰাই এছিয়াৰ দ্বিতীয় মুদ্ৰাক প্ৰত্যাহ্বান জনাইছে।
টকাৰ মূল্যবৃদ্ধি
ঘৰুৱা শ্বেয়াৰ বজাৰত শক্তিশালী প্ৰদৰ্শন, ডলাৰৰ দুৰ্বলতা আৰু বিশ্বত খাৰুৱা তেলৰ দাম হ্ৰাস-বৃদ্ধিৰ মাজতে সোমবাৰে মাৰ্কিন ডলাৰৰ বিপৰীতে ভাৰতীয় মুদ্ৰা ৮ পইচা বৃদ্ধি পাই ৮৬.০৩ (অস্থায়ী) হয়। কিন্তু বিদেশী মুদ্ৰাৰ ব্যৱসায়ীসকলে কয় যে ৰপ্তানি আৰু বিদেশী পুঁজিৰ প্ৰবাহ হ্ৰাস পোৱাৰ ফলত টকাৰ অধিক লাভ সীমিত হৈ পৰে। আন্তঃবেংক বিদেশী মুদ্ৰা বিনিময় বজাৰত ডলাৰৰ বিপৰীতে ৮৬.১৬ টকাত মুকলি হয় আৰু ৮৬.০৩ (অস্থায়ী)ত বন্ধ হয়। যি পূৰ্বতকৈ ৮ পইচা বেছি। শুকুৰবাৰে আমেৰিকাৰ ডলাৰৰ বিপৰীতে ভাৰতীয় মুদ্ৰা ৫৯ পইচা হ্ৰাস পাই ৮৬.১১ হৈছিল।
কাৰণ
- সোমবাৰে প্ৰকাশ পোৱা চৰকাৰী তথ্য অনুসৰি, মে’ মাহত ভাৰতৰ ৰপ্তানি ২.১৭ শতাংশ হ্ৰাস পাই ৩৮.৭৩ বিলিয়ন ডলাৰ হৈছে, আনহাতে বাণিজ্যিক ঘাটি ২১.৮৮ বিলিয়ন ডলাৰ হৈছে। মে’ মাহত বছৰৰ পিছত বছৰ ধৰি আমদানি ১.৭ শতাংশ হ্ৰাস পাই ৬০.৬১ বিলিয়ন ডলাৰ হৈছে।
- চৰকাৰী তথ্য অনুসৰি, খাদ্য সামগ্ৰী, নিৰ্মিত সামগ্ৰী আৰু ইন্ধনৰ মূল্য হ্ৰাস পোৱাৰ বাবে দেশত পাইকাৰী মুদ্ৰাস্ফীতি মে’ মাহত ০.৩৯ শতাংশলৈ হ্ৰাস পাইছে। পাইকাৰী মূল্য সূচকাংকৰ ভিত্তিত এপ্ৰিল মাহত মুদ্ৰাস্ফীতিৰ হাৰ ০.৮৫ শতাংশ। যোৱা বছৰৰ মে’ মাহত ২.৭৪ শতাংশ আছিল।
- ইয়াৰ মাজতে, ঘৰুৱা শ্বেয়াৰ বজাৰত ৩০ শ্বেয়াৰৰ বিএছই চেনচেক্স ৬৭৭.৫৫ পইণ্ট বৃদ্ধি হৈ ৮১,৭৯৬.১৫ পইণ্টত বন্ধ হোৱাৰ বিপৰীতে নিফটি ২২৭.৯০ পইণ্ট বৃদ্ধি পাই ২৪,৯৪৬.৫০ পইণ্টত উপনীত হয়।
- আন্তঃৰাষ্ট্ৰীয় বজাৰত উপসাগৰীয় দেশসমূহৰ ব্ৰেণ্ট খাৰুৱা তেলৰ মূল্য ০.৭৯ শতাংশ হ্ৰাস পাই প্ৰতি বেৰেলত ৭৩.৬৪ টকা হয়। যোৱা কেইদিনমানৰ পৰা ইজৰাইল-ইৰাণৰ সংঘাত বৃদ্ধি পোৱাৰ বাবে মূল্য বৃদ্ধি পাইছিল।
- ডলাৰ ইনডেক্স, যি ছটা মুদ্ৰাৰ বিপৰীতে ডলাৰৰ শক্তিক জুখিব পাৰে, ০.২০ শতাংশ হ্ৰাস পাই ৯৭.৯৮ত উপনীত হয়।
- ভাৰতৰ ৰিজাৰ্ভ বেংকে শুকুৰবাৰে প্ৰকাশ কৰা অনুসৰি ৬ জুনত সমাপ্ত হোৱা সপ্তাহটোত ভাৰতৰ বৈদেশিক মুদ্ৰাৰ মজুত ৫.১৭ বিলিয়ন ডলাৰ বৃদ্ধি পাই ৬৯৬.৬৫ বিলিয়ন ডলাৰ হৈছে।
- বিনিময় তথ্য অনুসৰি শুকুৰবাৰে বিদেশী প্ৰতিষ্ঠানিক বিনিয়োগকাৰীয়ে নেট ভিত্তিত ১২৬৩.৫২ কোটি টকাৰ ইকুইটি বিক্ৰী কৰে।
অন্য খবৰ পঢ়কঃ ড্ৰ’ণ বা মিছাইল নহয়! এই বিশেষ অস্ত্ৰ ব্যৱহাৰ কৰি ইজৰাইলে আক্ৰমণ চলাইছে ইৰাণত…
