কেনেকৈ গ্লোবেল ব্ৰেণ্ডৰ মাজত জনপ্ৰিয় হৈ পৰিল পতঞ্জলিৰ ব্যৱসায়িক মডেল ?

আমি যেতিয়াই ভাৰতৰ কোনো এটা ডাঙৰ ব্ৰেণ্ড বা কোম্পানীৰ কথা কওঁ, তেতিয়াই আমাৰ দৃষ্টি প্ৰায়ে বিদেশী বহুজাতিক কোম্পানীলৈ যায়। কিন্তু যোৱা কেইবছৰমানৰ পৰা এটা স্থানীয় নাম উত্থাপন হৈছে, যিয়ে কেৱল বিশ্বব্যাপী ব্ৰেণ্ডৰ আধিপত্যক প্ৰত্যাহ্বান জনোৱাই নহয় ভাৰতীয় বজাৰখনকো ৰূপান্তৰিত কৰিছে। সেয়া হৈছে পতঞ্জলি।

শেহতীয়াকৈ পতঞ্জলি যোগপীঠৰ দ্বাৰা পৰিচালিত “Emergency and Critical Care Hospital” উদ্বোধন কৰে গৃহমন্ত্ৰী অমিত শ্বাহে। এয়া কেৱল এখন চিকিৎসালয় নহয়, পৃথিৱীৰ এনে প্ৰথমটো কেন্দ্ৰ য’ত যোগ, আয়ুৰ্বেদ, আধুনিক চিকিৎসা বিজ্ঞানৰ এক অনন্য সংযোগ দেখা যাব। এই অনুষ্ঠান কেৱল স্বাস্থ্যকেন্দ্ৰ উদ্বোধনতে সীমাবদ্ধ নহয়; ইয়াৰ উপৰিও বছৰ বছৰ আগতে বাবা ৰামদেৱ আৰু আচাৰ্য বালকৃষ্ণই কল্পনা কৰা ধাৰণাৰ অংশ। এটা সৰু আৰম্ভণি এতিয়া অৰ্থনৈতিক আৰু সাংস্কৃতিক আন্দোলনলৈ পৰিণত হৈছে।

আজিৰ সময়ত পশ্চিমীয়া পদ্ধতি আৰু সামগ্ৰীৰে বজাৰখন ভৰি পৰিছে। এনে সময়ত পতঞ্জলিয়ে প্ৰমাণ কৰিছে যে, নিজৰ শিপাৰ লগত সংযুক্ত হৈ থকাটো নিশ্চিত সফলতা। ৰিচাৰ্চগেটত প্ৰকাশিত এক অধ্যয়নত প্ৰকাশ পাইছে যে, পতঞ্জলিৰ সফলতাৰ ৰহস্য নিহিত হৈ আছে তেওঁলোকৰ অনন্য কৌশল। বৃহৎ বিদেশী কোম্পানীসমূহে কেৱল লাভ আৰু বজাৰৰ ধাৰাটোৰ ওপৰত গুৰুত্ব আৰোপ কৰাৰ বিপৰীতে পতঞ্জলিয়ে ভাৰতীয় গ্ৰাহকৰ আকাংক্ষাক ধৰি ৰাখিছে।

তেওঁলোকে বুজি পাইছিল যে, ভাৰতীয় মনোজগতখনে এতিয়াও নিজৰ পৰম্পৰাক বিশ্বাস কৰে। পতঞ্জলিয়ে বনৌষধি টুথপেষ্ট, ঘিঁউ, ছালৰ যত্নৰ দৰে সামগ্ৰীৰ জৰিয়তে আধুনিক পেকেজিঙৰ প্ৰাচীন জ্ঞান উপস্থাপন কৰিছিল। ই কেৱল পুৰণি প্ৰজন্মকে নহয়, নৱ প্ৰজন্মকো আকৰ্ষণ কৰিছিল। এই আৰ্হিটোৱে প্ৰমাণ কৰে যে, আধুনিকতা আৰু পৰম্পৰা বিৰোধী নহয়, পৰিপূৰক হ’ব পাৰে।

আমি প্ৰায়ে “আত্মনিৰ্ভৰশীল ভাৰত”ৰ কথা শুনিবলৈ পাওঁ, কিন্তু পতঞ্জলিয়ে ইয়াক নিজৰ ব্যৱসায়িক মডেলৰ ভেঁটি হিচাপে গঢ়ি তুলিছে। ইণ্টাৰনেশ্যনেল জাৰ্নেল অৱ মাল্টিডিচিপ্লিনেৰী ৰিচাৰ্চ এণ্ড ডেভেলপমেণ্টৰ এটা কেছ ষ্টাডি অনুসৰি পতঞ্জলিৰ সমগ্ৰ গাঁথনি স্বদেশী নীতিৰ ওপৰত ভিত্তি কৰি গঢ় লৈ উঠিছে। কোম্পানীটোৱে নিজৰ উৎপাদিত সামগ্ৰীৰ কেঁচামাল বহিঃৰাজ্যৰ পৰা আমদানি নকৰে, বৰঞ্চ স্থানীয় কৃষকৰ পৰা পোনপটীয়াকৈ ক্ৰয় কৰে।

ইয়াৰ প্ৰত্যক্ষ প্ৰভাৱ আপোনাৰ আৰু আমাৰ পকেটত পৰে। যেতিয়া মধ্যভোগীক নিৰ্মূল কৰি দেশৰ ভিতৰতে সামগ্ৰী প্ৰক্ৰিয়াকৰণ কৰা হয়, তেতিয়া খৰচ কম হয়। এই কাৰণেই পতঞ্জলিৰ সামগ্ৰী অন্যান্য বহুজাতিক ব্ৰেণ্ডতকৈ সস্তা আৰু সুলভ। ইয়াৰ ফলত বিদেশী আমদানিৰ ওপৰত আমাৰ নিৰ্ভৰশীলতা হ্ৰাস পোৱাই নহয়, গ্ৰাম্য অৰ্থনীতিও পুনৰ সজীৱ হৈ উঠিছে। নিয়োগৰ সুযোগ বৃদ্ধি পাইছে, আৰু কৃষকসকলে তেওঁলোকৰ উৎপাদিত সামগ্ৰীৰ উচিত মূল্য লাভ কৰিছে।

শেহতীয়াকৈ ৰিচাৰ্চ কমনছত প্ৰকাশিত এক প্ৰতিবেদনে নিশ্চিত কৰিছে যে, যেতিয়া কোনো ব্যৱসায় নিজৰ সাংস্কৃতিক পৰিচয় আৰু জাতীয় মনোভাৱৰ সৈতে সংযোগ স্থাপন কৰে তেতিয়া ই অধিক বহনক্ষম হয়। পতঞ্জলি ইমাৰ্জেন্সি এণ্ড ক্ৰিটিকেল কেয়াৰ হাস্পতাল মুকলি এই দিশত এক বৃহৎ পদক্ষেপ।