পাকিস্তানক আঘাত! কাশ্মীৰ বিষয়টোৰ ওপৰত আমেৰিকাৰ ডাঙৰ মন্তব্য, ক’লে- আমি আগ্ৰহী নহয়…

পুনৰ সলনি হৈছে আমেৰিকাৰ স্থিতি। কাশ্মীৰ বিষয়টোত আন এক সমস্যাৰ সন্মুখীন হৈছে পাকিস্তান। আমেৰিকাৰ বৈদিশক মন্ত্ৰালয়ৰ এজন জ্যেষ্ঠ বিষয়াই কয় যে, কাশ্মীৰ বিষয়টো প্ৰত্যক্ষভাৱে ভাৰত-পাকিস্তানৰ মাজৰ বিষয়। গতিকে এই বিষয়ত দুয়োখন দেশক হেঁচা প্ৰয়োগ কৰাত আমেৰিকা আগ্ৰহী নহয়। ট্ৰাম্প প্ৰশাসনৰ এই স্থিতি পাকিস্তানৰ বাবে ডাঙৰ বিপৰ্যয় হ’ব পাৰে, কিয়নো দীৰ্ঘদিন ধৰি পাকিস্তানে এই বিষয়টো আন্তঃৰাষ্ট্ৰীয় প্ৰেক্ষাপটত উত্থাপন কৰি আহিছে।

তেওঁ আৰু কয় যে, আমেৰিকাই এই বিষয়টো সমাধানৰ বাবে ভাৰত-পাকিস্তানৰ ওপৰত এৰি দিছে। আমেৰিকা ফাৰ্ষ্ট নীতিৰ কথা উল্লেখ কৰি তেওঁ কয় যে, এই বিষয়টো আমেৰিকাই “আমেৰিকা প্ৰথম” নীতি মানি চলে। আমেৰিকা ফাৰ্ষ্ট নীতি অনুসৰি, আমাৰ স্বাৰ্থৰ বাবে যিটোৱে সৰ্বোত্তম সেৱা আগবঢ়ায়, তাৰ ওপৰত কাম কৰো। মন কৰিবলগীয়া যে ভাৰতে পূৰ্বৰে পৰা এই বিষয়টোত তৃতীয় পক্ষক দূৰত ৰখাৰ চেষ্টা কৰি আহিছে। গতিকে ভাৰতৰ হেঁচাৰ বাবে আমেৰিকাই এই মন্তব্য কৰা বুলি ক’ব পাৰি।

এক সংবাদমেল যোগে ট্ৰাম্প প্ৰশাসনৰ এই বিষয়াগৰাকীয়ে এই মন্তব্য আগবঢ়ায়। তেওঁ আৰু কয় যে, ট্ৰাম্পৰ হাতত ইতিমধ্যেই বহু বিষয় সমাধানৰ বাবে আছে। কিন্তু যদি কোনোৱে তেওঁৰ পৰা সহায় বিচাৰে তেন্তে সহায় কৰিবলৈ সাজু ।

অৱশ্যে ৰাষ্ট্ৰসংঘৰ সাধাৰণ পৰিষদত ভাষণ দিয়াৰ সময়ত ট্ৰাম্পে ভাৰত-পাকিস্তানৰ সংঘাত ৰোধ কৰা বুলি পুনৰ দাবী কৰিছিল। এয়াই প্ৰথম নহয়, বাৰে বাৰে ট্ৰাম্পে এই মন্তব্য প্ৰদান কৰি আহিছে। এই সন্দৰ্ভত ট্ৰাম্প প্ৰশাসনৰ বিষয়াগৰাকীয়ে কয় যে,  এয়া সঁচা যে সেই বিপৰ্যয়ৰ সময়ত আমেৰিকা জড়িত আছিল আৰু যুদ্ধবিৰতিত আমি সমৰ্থন কৰিছিলো।

কাশ্মীৰ বিষয়ত ভাৰতে নিবিচাৰে হস্তক্ষেপ

ভাৰত-পাকিস্তানৰ মাজত সন্ত্ৰাসবাদ আৰু কাশ্মীৰৰ দৰে বিষয় ডাঙৰ সমস্যা। অৱশ্যে ভাৰতে স্পষ্টকৈ কৈ দিছে যে কাশ্মীৰৰ বিষয়ৰ ওপৰত আলোচনা কৰিবলগীয়া বিশেষ একো নাই। ইয়াৰোপৰি এই ক্ষেত্ৰত ভাৰতে কোনো তৃতীয় পক্ষৰ হস্তক্ষেপ নিবিচাৰে বুলি স্পষ্টভাৱে বহুবাৰ উল্লেখ কৰিছে। নতুন দিল্লীয়ে কৈছে যে এইবোৰ বিষয় দ্বিপাক্ষিক হৈ থাকিব লাগে। এনে ক্ষেত্ৰত আমেৰিকাৰ এই মন্তব্য গুৰুত্বপূৰ্ণ বুলি ক’ব পাৰি।

অন্য খবৰ পঢ়কঃ কাষ চাপিছে আমেৰিকা-পাকিস্তান! কাইলৈ ৱাশ্বিংটনত ট্ৰাম্প আৰু শ্বেহবাজ শ্বৰীফৰ বৈঠক…