iPhone 17 Pro Price: আপুনিও iPhone 17 Pro কিনিব বিচাৰিছে নেকি? তাৰ পূৰ্বে জানক এই কথা…

Apple এ ৭ বছৰৰ ভিতৰত প্ৰথমবাৰৰ বাবে বৃদ্ধি কৰিলে আইফোন প্ৰ’ৰ মূল্য। কোম্পানীয়ে গ্ৰাহকৰ বাবে নতুন ছিৰিজ মুকলি কৰিছে যদিও ইয়াত মন কৰিবলগীয়া কথাটো হ’ল কিছুমান মডেলৰ দাম সলনি হৈছে। কেৱল প্ৰ’ ভেৰিয়েণ্টেই নহয়, প্লাছ ভেৰিয়েণ্টৰ ঠাই লোৱা এয়াৰ ভেৰিয়েণ্টৰ মূল্যও প্লাছ ভেৰিয়েণ্টতকৈ বেছি।

iPhone 17 Pro Price: কিমান বৃদ্ধি পাইছে দাম?

হিন্দুস্তান টাইমছৰ তথ্য অনুসৰি নতুন আইফোন iPhone 17 Pro ৰ মূল্য ১০৯৯ ডলাৰ (প্ৰায় ৯৭০০২ টকা)ৰ পৰা আৰম্ভ হয়, যিটো যোৱা বছৰৰ iPhone 16 Pro ৰ আৰম্ভণিৰ মূল্য ৯৯৯ ডলাৰ (প্ৰায় ৮৮১৭৫ টকা)তকৈ ১০০ ডলাৰ (প্ৰায় ৮৮২৬ টকা) বেছি। অৱশ্যে নতুন মূল্যত ২৫৬ জিবি ষ্ট’ৰেজ দিয়া হৈছে, আনহাতে যোৱা বছৰ মুকলি কৰা আইফোন ১৬ প্ৰ’ত ১২৮জিবি ষ্ট’ৰেজ আছিল, অৰ্থাৎ ষ্ট’ৰেজৰ ক্ষেত্ৰত আইফোন ১৭ এতিয়া ইয়াৰ দুগুণ ষ্ট’ৰেজ প্ৰদান কৰিব।

iPhone Plus তকৈ iPhone Air বেছি দামী

প্ৰ’ ভেৰিয়েণ্টৰ উপৰিও এপলে নিজৰ লাইনআপত পৰিৱৰ্তন ঘোষণা কৰিছে আৰু প্লাছ ভেৰিয়েণ্টৰ ঠাইত পাতল আইফোন এয়াৰ ব্যৱহাৰ কৰিছে। এই নতুন মডেলৰ আৰম্ভণিৰ মূল্য ৯৯৯ ডলাৰ (প্ৰায় ৮৮১৭৫ টকা), যিটো প্লাছ মডেলতকৈ ১০০ ডলাৰ (প্ৰায় ৮৮২৬ টকা) বেছি। এপলৰ মুখ্য বিপণন বিষয়া গ্ৰেগ জোছৱিয়াকে জোৰ দি কয় যে সমগ্ৰ লাইনআপতে এণ্ট্ৰি লেভেল ষ্ট’ৰেজ বৃদ্ধি কৰা হৈছে।

Apple iPhone Price: কিয় বৃদ্ধি পাইছে দাম?

ইয়াৰ উপৰিও টেক বিশ্লেষক আৰু বিনিয়োগকাৰীসকলে ইতিমধ্যে মূল্যৰ পৰিৱৰ্তনৰ আশা কৰিছিল। চিএনবিচিৰ এক প্ৰতিবেদন অনুসৰি এই ত্ৰৈমাসিকত এপলে ১ বিলিয়ন ডলাৰতকৈ অধিক শুল্ক ব্যয় কৰিছে। শুল্কৰ বোজা হ্ৰাস কৰিবলৈ কোম্পানীটোৱে চীনৰ পৰা ভাৰতলৈ উৎপাদন স্থানান্তৰিত কৰিছে যদিও আৰ্থিক প্ৰভাৱে সামগ্ৰীৰ মূল্যতো প্ৰভাৱ পেলাইছে। প্ৰ’ আৰু এয়াৰ মডেলৰ মূল্য বৃদ্ধি হোৱাৰ পাছতো এপলে আইফোন ১৭ৰ মূল্য ৭৯৯ ডলাৰ (প্ৰায় ৭০৫২২ টকা) নিৰ্ধাৰণ কৰিছে।