WhatsApp ত আহিছে এটা আচৰিত ধৰণৰ ফিচাৰ, আপুনি ব্যৱহাৰ কৰিছেনে?
ইনষ্টাগ্ৰামৰ দৰে এতিয়া হোৱাটছএপতো আছে Add Yours ষ্টীকাৰ। ইয়াত আপুনি এটা প্ৰশ্ন বা বিষয় দিব পাৰে আৰু আপোনাৰ বন্ধুসকলে তাৰ উত্তৰ দি কনভাৰচেচনত যোগদান কৰিব পাৰে।
যদি আপুনিও হোৱাটছএপত ষ্টেটাছ দি ভাল পায় তেন্তে এই খবৰটো আপোনাৰ বাবে ! হোৱাটছএপে ষ্টেটাছৰ ক্ষেত্ৰত নতুন ফিচাৰ সংযোজন কৰিছে। ইতিমধ্যে ইনষ্টাগ্ৰামত এনে বহু ফিচাৰ আহিছে। মেটাই কয় যে, এই নতুন ফিচাৰসমূহৰ জৰিয়তে মানুহে নিজৰ আপোনজনৰ সৈতে ভালদৰে সংযোগ স্থাপন কৰিব পাৰিব।
ষ্টেটাছত বহুতো ফটো একেলগে ছেট কৰিব পাৰে। এতিয়া আপোনাৰ WhatsApp ষ্টেটাছত ৬ খন ফটো একেলগে যোগ কৰিব পাৰিব। ইয়াৰ বাবে এটা নতুন এডিটিং টুল দিয়া হৈছে, যাতে আপুনি নিজৰ পছন্দ অনুসৰি ফটোবোৰ সজাব পাৰে। ইয়াৰ জৰিয়তে আপোনাৰ ক্ৰিয়েটিভিটিও ষ্টেটাছত দেখা পাব।
ইনষ্টাগ্ৰামৰ দৰে এতিয়া হোৱাটছএপতো সংগীত যোগ কৰাৰ বিকল্প আছে। আপুনি এটা গীত বাছি লৈ আপোনাৰ ষ্টেটাছত মিউজিক ষ্টীকাৰৰ সহায়ত ৰাখিব পাৰে। ইয়াৰ দ্বাৰা আপোনাৰ ষ্টেটাছৰ পৰা মানুহে আপোনাৰ মনোভাৱ বুজিব পাৰিব।
এতিয়া আপুনি আপোনাৰ ফটোবোৰক ষ্টীকাৰলৈ ৰূপান্তৰিত কৰি আপোনাৰ ষ্টেটাছত ৰাখিব পাৰিব। অৰ্থাৎ, এতিয়া আপুনি কুল ষ্টীকাৰেৰে এটা ষ্টেটাছ তৈয়াৰ কৰিব পাৰিব আৰু কেৱল ফটোৰ পৰিৱৰ্তে আপোনাৰ ষ্টেটাছত ষ্টীকাৰ ৰাখিব পাৰিব।
ইনষ্টাগ্ৰামৰ দৰে এতিয়া হোৱাটছএপতো আছে Add Yours ষ্টীকাৰ। ইয়াত আপুনি এটা প্ৰশ্ন বা বিষয় দিব পাৰে আৰু আপোনাৰ বন্ধুসকলে তাৰ উত্তৰ দি কনভাৰচেচনত যোগদান কৰিব পাৰে। ইয়াৰ লগে লগে ষ্টেটাছ কেৱল চোৱাৰ বাবে নহয়, এতিয়া কনভাৰচেচনৰ বাবেও ব্যৱহাৰ কৰিব পাৰে ।
মেটাৰ মতে, সকলো নতুন ফিচাৰ ক্ৰমান্বয়ে সকলো ব্যৱহাৰকাৰীলৈ প্ৰেৰণ কৰা হ’ব। ইয়াৰ বাবে আপোনাৰ হোৱাটছএপটো শেহতীয়া সংস্কৰণত আপডেট কৰা উচিত যাতে আপুনি প্ৰথমে এই আকৰ্ষণীয় ফিচাৰসমূহ লাভ কৰিব পাৰে। যদি আপুনি এই ফিচাৰসমূহ পোৱা নাই, তেন্তে গুগল প্লে ষ্ট’ৰ আৰু এপল এপ ষ্ট’ৰৰ পৰা এপটো আপডেট কৰক।
