ম’বাইলৰ ভিতৰত পানী সোমালে কি কৰিব? চাৰ্ভিচ চেণ্টাৰলৈ যোৱাৰ পূৰ্বে কৰক এই কাম…
যদি আপোনাৰ ম'বাইলটো পানীত পৰি যায় বা ফোনটোৰ ভিতৰত পানী সোমাই যায় তেন্তে আতংকিত নহ'ব। এই সহজ পদ্ধতিৰে আপুনি আপোনাৰ ফোনটো ঠিক কৰিব পাৰিব। ইয়াৰ বাবে নতুন ফোন কিনাৰ প্ৰয়োজন নাই।
এতিয়া বাৰিষাৰ বতৰ। কোন সময়ত বৰষুণ হ’ব কোনেও নাজানে। এনে পৰিস্থিতিত ম’বাইল এটা যন্ত্ৰ যিটো সকলো সময়তে আমাৰ লগত থাকে। তেনে ক্ষেত্ৰত বৰষুণৰ সময়ত ইয়াৰ সুৰক্ষা আটাইতকৈ গুৰুত্বপূৰ্ণ হৈ পৰে। যদি ফোনৰ ভিতৰত পানী সোমাই যায়, তেন্তে সমস্যাৰ সৃষ্টি হয়। বহুতে আতংকিত হৈ লগে লগে নতুন ফোন এটা কিনাৰ কথা ভাবিবলৈ আৰম্ভ কৰে, কিন্তু কিছুমান সহজ কৌশল গ্ৰহণ কৰি আপুনি আপোনাৰ ভিজা ফোনটো পুনৰ অন কৰিব পাৰে। ইয়াত আমি আপোনালোকক ক’ম ফোনত পানী সোমালে কি কৰিব লাগে আৰু কি কৰিব নালাগে।
ফোনত পানী সোমালে প্ৰথমে কি কৰিব?
- যদি ফোনটো অন হৈ আছে আৰু তাত পানী সোমাইছে, তেন্তে লগে লগে বন্ধ কৰক। ইয়াৰ ফলত শ্বৰ্ট চাৰ্কিটৰ আশংকা হ্ৰাস পাব।
- ফোনটোৰ বাহিৰৰ সকলো অংশ (চিম কাৰ্ড, এছডি কাৰ্ড, বেক কভাৰ, কেছ) আঁতৰাই পেলাওক যাতে শুকুৱাটো সহজ হয়।
- কোমল কাপোৰ বা টিছুৰে ফোনটোৰ বাহিৰৰ পৰা পৰিষ্কাৰ কৰক। চাৰ্জিং পৰ্ট, হেডফোন জেক আৰু স্পীকাৰৰ দৰে ঠাইত অধিক গুৰুত্ব দিয়ক।
কি কৰা উচিত নহয়?
পানীৰ সংস্পৰ্শলৈ অহা ফোন চাৰ্জ কৰাটো বিপদজনক হ’ব পাৰে। ইয়াৰ ফলত শ্বৰ্ট চাৰ্কিট বা জুইৰ সৃষ্টি হ’ব পাৰে। এনে কৰিলে ফোনটোৰ ভিতৰলৈ পানী অধিক গভীৰলৈ যাব পাৰে। প্ৰবল গৰম বতাহ বা গৰমৰ বাবে ফোনটোৰ চাৰ্কিট নষ্ট হ’ব পাৰে।
এই কৌশলসমূহ অনুসৰণ কৰক
এটা বতাহ সোমাব নোৱাৰা পাত্ৰত কেঁচা চাউল লওক। ২৪ৰ পৰা ৪৮ ঘণ্টালৈকে ফোনটো সম্পূৰ্ণৰূপে তাত সোমাই ৰাখক। চাউলে আৰ্দ্ৰতা শোষণ কৰে, যাৰ ফলত ফোনটো শুকুৱাই যাব পাৰে। ফোনটো silica gelৰ পেকেটত ৰাখক, ই পানী শোষণ কৰাত সহায় কৰে। ফোনটো লগে লগে দ্ৰুত ফেনৰ তলত ৰাখি ২ দিন শুকুৱাবলৈ দিব।
ফোনটো ঠিক হৈছে নে নাই কেনেকৈ জানিব?
৪৮ ঘণ্টাৰ পিছত ফোনটো অন কৰি চাওক। যদি ডিছপ্লে, শব্দ, টাচ, চাৰ্জিং আৰু কেমেৰা সঠিকভাৱে কাম কৰি আছে, তেন্তে বুজিব যে ফোনটো ভালে আছে। যদি ফোনটো অন নহয় বা স্ক্ৰীণ ক’লা হৈ থাকে, তেন্তে নিশ্চিতভাৱে চাৰ্ভিচ চেণ্টাৰলৈ যাওক।
