পৰিব পাৰে বিপদত! অনলাইন বজাৰ কৰা সকলৰ বাবে চৰকাৰৰ বিশেষ পৰামৰ্শ….

বৰ্তমান সময়ত প্ৰায় সংখ্যক লোকে অনলাইনত বজাৰ কৰে। কাৰণ আপোনাৰ প্ৰয়োজনীয় প্ৰতিটো বস্তু আপুনি ঘৰৰ পৰাই অৰ্ডাৰ কৰিব পাৰে। কিন্তু মনকৰিবলগীয়া কথাটো হ’ল-যিমানে সাধাৰণ লোকে অনলাইনত বজাৰ কৰিবলৈ আৰম্ভ কৰিছে সিমানে বৃদ্ধি পাইছে প্ৰৱঞ্চনাৰ হাৰ। এতিয়া প্ৰৱঞ্চকে অনলাইন বজাৰ কৰা লোকক লক্ষ্য কৰি ল’বলৈ আৰম্ভ কৰিছে। প্ৰৱঞ্চকে কেনেকৈ সাধাৰণ লোকক ফান্দত পেলায় আৰু ইয়াৰ পৰা কেনেকৈ হাত সাৰিব পাৰি? জানোঁ আহক।

চৰকাৰৰ পৰামৰ্শ

Cyber Dost (গৃহ মন্ত্ৰালয়ৰ অধীনত) হৈছে সাধাৰণ জনতাক চাইবাৰ সুৰক্ষাৰ বিষয়ে সজাগ কৰাৰ বাবে চৰকাৰে গ্ৰহণ কৰা এক পদক্ষেপ। Cyber Dost ৰ অফিচিয়েল এক্স একাউণ্টৰ পৰা এটা পোষ্ট শ্বেয়াৰ কৰা হৈছে, য’ত কোৱা হৈছে যে, ভুৱা চাইট আৰু ফিছিং ডেলিভাৰী টেক্সটৰ সৈতে জড়িত ঘটনাসমূহ দ্ৰুতগতিত বৃদ্ধি পাইছে।

চৰকাৰৰ সতৰ্কবাণী

গতিকে ভুৱা চাইটক বিশ্বাস নকৰিবলৈ আৰু কেৱল বিশ্বাসযোগ্য প্লেটফৰ্মৰ জৰিয়তে বজাৰ কৰিবলৈ চৰকাৰে পৰামৰ্শ দিছে। এই পোষ্টটোৰ সৈতে এখন ছবিও শ্বেয়াৰ কৰা হৈছে, ছবিখনত লিখা আছে যে, “আপোনাৰ কাৰ্টত থকা প্ৰতিটো বস্তু নিৰাপদ নহয়, আপোনাৰ অৰ্ডাৰ হোল্ড। পেমেণ্ট নিশ্চিত কৰিবলৈ ইয়াত ক্লিক কৰক।”

যদি আপুনি চৰকাৰৰ এই পৰামৰ্শ মানি নচলে, তেন্তে প্ৰৱঞ্চকসকলে আপোনাক ফান্দত পেলাই একাউণ্ট খালী কৰিব পাৰে। প্ৰৱঞ্চকে অনলাইন বজাৰ কৰা লোকক অফাৰ, কেছবেক, বাম্পাৰ ডিছকাউণ্টৰ দ্বাৰা প্ৰলোভিত কৰি ফান্দত পেলায়।

এনেকৈয়ে প্ৰৱঞ্চকে আপোনাক ফান্দত পেলায়

ভুৱা চাইট: মূল চাইটটোৰ সঠিক প্ৰতিৰূপ সৃষ্টি কৰা হয় যাতে আপুনি বিশ্বাস কৰে যে আপুনি মূল চাইটটোৰ জৰিয়তে বজাৰ কৰিছে। আপুনি অৰ্ডাৰ দি পেমেণ্ট কৰাৰ লগে লগে চাইটটো নোহোৱা হৈ যায়।

ফিছিং ডেলিভাৰী টেক্সট: প্ৰৱঞ্চকসকলে আপোনাক টেক্সট বা ইমেইলৰ জৰিয়তে কয় যে, আপোনাৰ অৰ্ডাৰ ৰখা হৈছে আৰু পেমেণ্ট নিশ্চিতকৰণৰ প্ৰয়োজন। এটা লিংক মেছেজ বা ইমেইলৰ জৰিয়তে প্ৰেৰণ কৰা হয়, লিংকটোত ক্লিক কৰাৰ লগে লগে আপুনি এটা ভুৱা চাইটত প্ৰৱেশ কৰে আৰু পেমেণ্টৰ বাবে কাৰ্ডৰ সবিশেষ দিয়াৰ লগে লগে আপোনাৰ ডাটা চুৰি হয়।

ভুৱা বিজ্ঞাপন: প্ৰৱঞ্চকে ছ’চিয়েল মিডিয়াৰ জৰিয়তে প্ৰলোভনমূলক অফাৰ আৰু বিজ্ঞাপন শ্বেয়াৰ কৰে। বিজ্ঞাপনৰ সৈতে এটা লিংকও শ্বেয়াৰ কৰা হয়, লিংকটোত ক্লিক কৰাৰ লগে লগে আপুনি কোনো অনভেৰিফাইড চাইটত প্ৰৱেশ কৰে। লগে লগে আপোনাৰ তথ্য চুৰি হৈ যায় আৰু আপুনি আৰ্থিক লোকচানৰ সন্মুখীন হয়।

ইয়াৰ পৰা হাত সাৰিবলৈ কি কৰিব লাগে?

• অজ্ঞাত নম্বৰ আৰু ইমেইলৰ জৰিয়তে লাভ কৰা লিংকত ক্লিক নকৰিব।
• অফাৰ আৰু ৰেহাইৰ দ্বাৰা প্ৰলোভিত হৈ অজ্ঞাত চাইটৰ জৰিয়তে বজাৰ নকৰিব।
• আপুনি যিটো চাইটৰ পৰা বজাৰ কৰিছে তাৰ URL পৰীক্ষা কৰক, আপুনি নিশ্চিতভাৱে এটা ভুল পাব (উদাহৰণ: amazon.in ৰ পৰিৱৰ্তে, আপুনি amas0n.in নামৰ এটা URLও পাব পাৰে)।

চাইবাৰ অপৰাধ হেল্পলাইন নম্বৰ

যদি আপুনি অনুভৱ কৰে যে, প্ৰৱঞ্চনাৰ বলি হৈছে, তেন্তে পলম নকৰাকৈ ১৯৩০ (ৰাষ্ট্ৰীয় হেল্পলাইন নম্বৰ) নম্বৰত ফোন কৰক আৰু অভিযোগ পঞ্জীয়ন কৰক বা আপুনি cybercrime.gov.in ত গৈ অভিযোগৰ দাখিল কৰিব পাৰে।