নতুন নিয়ম! এতিয়াৰ পৰা চৰকাৰী বিষয়াই ব্যৱহাৰ কৰিব লাগিব আইফোন, নিষেধাজ্ঞা…

নিৰাপত্তাৰ ভাবুকিৰ প্ৰতি সঁহাৰি জনাই এখন দেশৰ চৰকাৰে গ্ৰহণ কৰিছে এক ডাঙৰ পদক্ষেপ। লেফটেনেণ্ট কৰ্ণেল আৰু ওপৰৰ পৰ্যায়ৰ বিষয়াসকলে চৰকাৰী কামৰ ক্ষেত্ৰত কেৱল আইফোন (Iphone) ব্যৱহাৰ কৰিব পাৰিব। ইজৰাইল সেনাই এই সিদ্ধান্ত গ্ৰহণ কৰি কয় যে, এণ্ড্ৰইড (Android )ফোনত হেকিং, স্পাইৱেৰ, হানি ট্ৰেম্পিং আদি হোৱাৰ সম্ভাৱনা অধিক থাকে। বিগত কেইটামান মাহত সেনাক ছ’চিয়েল ইঞ্জিনিয়াৰিং আৰু ভুৱা একাউণ্টৰ দ্বাৰা লক্ষ্য কৰি লোৱা হৈছে। যাৰ পাছত এই সিদ্ধান্ত গ্ৰহণ কৰিছে।

IDF ৰ সিদ্ধান্ত

ইজৰাইলৰ সেনা ৰেডিঅ’ আৰু জেৰুজালেম পোষ্টৰ খবৰ অনুসৰি লেফটেনেণ্ট কৰ্ণেল আৰু তাৰ ওপৰৰ সকলো সামৰিক বিষয়াই এতিয়া কেৱল আইফোনৰ জৰিয়তে চৰকাৰী কাম কৰিব পাৰিব। খবৰ অনুসৰি, যোৱা বছৰ IDF ৰ বহু অধিকাৰীক ফোনৰ দ্বাৰা জালত পেলোৱাৰ চেষ্টা কৰা হৈছিল।

এণ্ড্ৰইডত নিষেধাজ্ঞা কিয়

খবৰ অনুসৰি, এণ্ড্ৰইড এক মুকলি ব্যৱস্থা। বহু কোম্পানীয়ে নিজা নিজা ফোন নিৰ্মাণ কৰে। এই ফোনত সহজে যিকোনো এপ ডাউনলোড কৰিব পাৰে। ইয়াৰ ফলত স্পাইৱেৰ, মেলৱেৰ আৰু ভাইৰাছৰ সম্ভাৱনা যথেষ্ট বৃদ্ধি পায়। আনহাতে আইফোনত তৃতীয় এপৰ প্ৰৱেশ কঠিন। IDF য়ে এপলৰ সুৰক্ষা স্তৰ আৰু অহৰহ নিৰীক্ষণ অধিক নিৰ্ভৰযোগ্য বুলি বিবেচনা কৰিছে। যাৰ বাবে এতিয়া সেনাই চৰকাৰী কামৰ বাবে এণ্ড্ৰইড ব্যৱহাৰ কৰিব নোৱাৰে।

পূৰ্বতে প্ৰশিক্ষণ

IDF য়ে এই সিদ্ধান্তৰ পূৰ্বে নিজৰ বিষয়াসকলক বহুবাৰ চাইবাৰ সুৰক্ষা আৰু ছ’চিয়েল ইঞ্জিনিয়াৰিঙৰ পৰা ৰক্ষা কৰাৰ বাবে প্ৰশিক্ষণ দিছিল। হিজাবুল্লাহ আৰু শত্ৰুৰ দ্বাৰা চলোৱা সংগঠনৰ হানি ট্ৰেপৰ পৰা ৰক্ষা কৰাৰ বাবে সতৰ্ক কৰি দিছিল। এতিয়া নতুন নিয়মৰ অধীনত বিষয়াসকলে ব্যক্তিগত কামত এণ্ড্ৰইড ব্যৱহাৰ কৰি পাৰিব। কিন্তু চৰকাৰী কাম, মিটিং, লোকেশ্যন সম্পৰ্কীয় দিশত আইফোন ব্যৱহাৰ কৰিব পাৰিব। ইযাৰোপৰি সেনাৰ তৰফৰ দিয়া ফোন কেৱল আইফোন হ’ব।

অন্য খবৰ পঢ়কঃ হঠাতে আধাৰ কাৰ্ড হেৰুৱালে কি কৰিব? জানক সমগ্ৰ প্ৰক্ৰিয়া…