Amazon Great Indian Festival Sale: এইকেইটা লেপটপত ৫৭ শতাংশ পৰ্যন্ত ৰেহাই মূল্য, অথলে যাবলৈ নিদিব সুযোগ

উৎসৱৰ বতৰত দেশবাসীক বৃ্হৎ অফাৰৰ সুবিধা প্ৰদানেৰে যোৱা ২৭ ছেটেম্বৰৰ পৰা আৰম্ভ হৈছে Amazon Great Indian Festival Sale। ই-কমাৰ্চ প্লেটফৰ্ম আমাজনৰ এই বিশেষ বিক্ৰীৰ সময়ত বিভিন্ন সামগ্ৰীৰ ক্ষেত্ৰত লাভ কৰিব বৃ্হৎ পৰিমাণৰ ৰেহাই। বিশেষকৈ লেপটপ, স্মাৰ্টফোন তথা অন্যান্য ইলেক্ট্ৰনিক গেজেটসমূহত বিশাল ৰেহাইৰ অফাৰ লাভ কৰিব গ্ৰাহকসকলে। বৰ্তমানৰ ডিজিটেল যুগত এটা লেপটপৰ প্ৰয়োজনীয়তা কিমান, সেয়া নক’লেও হ’ব। গতিকে আপুনিও যদি এটা নতুন লেপটপ ক্ৰয় কৰাৰ কথা ভাবিছে, তেন্তে এয়াই আপোনাৰ বাবে হ’ব উপযুক্ত সময়।

আমাজনে প্ৰদান কৰা এই অফাৰৰ সময়তে আপুনি ৰেহাই মূল্যত ক্ৰয় কৰিব পাৰিব এইচ পি, লেন’ভ’, ডেল আৰু আছুছৰ দৰে ব্ৰেণ্ডৰ লেপটপ। লক্ষণীয়ভাৱে ইয়াৰে এটা কোম্পানীৰ লেপটপত আপুনি লাভ কৰিব ৫৭ শতাংশ পৰ্যন্ত ৰেহাই। ৩০ হাজাৰ টকাতকৈ কম মূল্যতে Amazon Great Indian Festival Saleৰ সময়ত আপুনি ক্ৰয় কৰিব পৰা এনে পাঁচটা লেপটপৰ বিষয়ে চাওঁ আহক-

১) ASUS K513EA-BQ302TS: এই লেপটপটো Intel Core i3-1115G4 প্ৰচেছৰৰ দ্বাৰা চালিত আৰু ইয়াত 4GB ৰেম আৰু 256GB SSD ষ্ট’ৰেজৰ সুবিধা লাভ কৰিব। এই লেপটপটোত ১৫.৬ ইঞ্চিৰ FHD ডিছপ্লে’ প্ৰদান কৰা হৈছে। লগতে ইয়াত উইণ্ড’জ ১০ হোম অপাৰেটিং চিষ্টেম প্ৰি-ইনষ্টল কৰা হৈছে। ৪৮,৯৯৯ টকাৰ এই লেপটপটোত ৩৯ শতাংশ ৰেহাই লাভ কৰিব। মাত্ৰ ২৯,৯৯০ টকাত ক্ৰয় কৰিব পাৰিব এই লেপটপটো।

২) Dell Inspiron 3535: AMD Ryzen 3 7320U প্ৰচেছৰসহ এই লেপটপটোত ৮জিবি ৰেম আৰু ৫১২জিবি এছএছডি ষ্ট’ৰেজৰ সুবিধা দিয়া হৈছে। লেপটপটোত ১৫.৬ ইঞ্চি FHD ডিছপ্লে’ আছে। ইয়াত উইণ্ড’জ ১১ অপাৰেটিং চিষ্টেম প্ৰি-ইনষ্টল কৰা হ’ব। এই লেপটপটোৰ মূল্য ৩৮,৭৪৭ টকা। কিন্তু ২৫ শতাংশ ৰেহাইৰ বাবে মাত্ৰ ২৮,৯৯০ টকাতে লাভ কৰিব লেপটপটো।

৩) Acer Aspire Lite: এই লেপটপটোত 12th Gen Intel Core i3-1215U প্ৰচেছৰৰ লগতে ৮জিবি ৰেম আৰু ৫১২জিবি এছএছডি ষ্ট’ৰেজ দিয়া হৈছে। ১৫.৬ ইঞ্চিৰ FHD ডিছপ্ল”ৰ সৈতে এই লেপটপটোত উইণ্ড’জ ১১ অপাৰেটিং চিষ্টেম প্ৰি-ইনষ্টল কৰা হৈছে। ৪৩ শতাংশ ৰেহাই মূল্যৰ পিছত এই লেপটপটো ৫২,৯৯০ টকাৰ পৰিৱৰ্তে মাত্ৰ ২৯,৯৯০ টকাতে এতিয়া ক্ৰয় কৰিব পাৰিব।

৪) Lenovo V15 G3 IAP: AMD Ryzen 3 7320U প্ৰচেছৰসহ এই লেপটপটোত ৮জিবি ৰেম আৰু ৫১২জিবি এছএছডি ষ্ট’ৰেজৰ সৈতে ১৫.৬ ইঞ্চিৰ FHD ডিছপ্লে’ আছে। ইয়াৰ উপৰিও ই উইণ্ড’জ ১১ অপাৰেটিং চিষ্টেম প্ৰি-ইনষ্টল কৰা হৈছে এই লেপটপটোত। সৰ্বাধিক ৫৭ শতাংশ ৰেহাই দিয়াৰ বাবে ইয়াৰ মূল্য ৬৯,৯৯০ টকাৰ পৰা ২৯,৯৯০ টকালৈ হ্ৰাস পাইছে।

৫) HP Laptop 14s: এই লেপটপটোত Intel Celeron N4500 প্ৰচেছৰসহ ৮জিবি ৰেম আৰু ৫১২জিবি এছএছডি ষ্ট’ৰেজ দিয়া হৈছে। ১৪ ইঞ্চিৰ HD ডিছপ্লে’ৰ এই লেপটপটোত উইণ্ড’জ ১১ অপাৰেটিং চিষ্টেম প্ৰি-ইনষ্টল কৰা হৈছে। ১৬ শতাংশ ৰেহাইত এই লেপটপ উপলব্ধ হ’ব। সেয়েহে ৩৩,১৭৬ টকাৰ পৰিৱৰ্তে ২৮,০১৮ টকাতে এই লেপটপটো ক্ৰয় কৰিব পাৰিব।