WPL 2026 Auction: খেলুৱৈৰ বাবে উঠিল টকাৰ উজান, বিশ্বজয়ী দীপ্তিৰ বাঢ়িল দৰ; নিলামত কপাল ফুলিল এওঁলোকৰ

শেহতীয়াকৈ WPL ফ্ৰেন্সাইজি ইউ পি ৱাৰিৱৰ্ছে দীপ্তিক দলৰ পৰা ৰিলিজ কৰি দিছিল যদিও আজি নিলামত দলটোৱে ৰাইট টু মেচ কাৰ্ডৰ জৰিয়তে ৩.২০ কোটি টকাৰ দৰত দীপ্তিক পুনৰ দললৈ আনে। বিগত ছিজনত তেওঁ ২.৬০ কোটি টকাৰ দৰত ইউ পি ৱাৰিৱৰ্ছক প্ৰতিনিধিত্ব কৰিছিল।

WPL নিলামত দীপ্তিৰ বাঢ়িল দৰImage Credit source: PTI

Monjit Dutta | Updated On: 27 Nov 2025 23:00 PM

আজি অনুষ্ঠিত হয় ৱ’মেন প্ৰিমিয়াৰ লীগ, চমুকৈ WPLৰ মেগা নিলাম। অহা বৰ্ষৰ হ’ব লগা প্ৰতিযোগিতাৰ চতুৰ্থ সংস্কৰণৰ বাবে হোৱা খেলুৱৈৰ এই মেগা নিলামত দেখা গ’ল টকাৰ উজান। নিশাটোৰ ভিতৰতে কোটিপতি হৈ পৰিল কেইবাগৰাকীও খেলুৱৈ। অৱশ্যে তাৰ মাজতে আটাইতকৈ দামী খেলুৱৈ হিচাপে পৰিগণিত হয় ভাৰতীয় দলৰ তাৰকা অলৰাউণ্ডাৰ দীপ্তি শৰ্মা। শেহতীয়া এদিনীয়া বিশ্বকাপৰ শ্ৰেষ্ঠ খেলুৱৈ হিচাপে বিবেচিত হোৱা দীপ্তিৰ দৰ এইবাৰ পূৰ্বৰ তুলনাত ৬০ লাখ টকা বৃদ্ধি পাইছে।

শেহতীয়াকৈ WPL ফ্ৰেন্সাইজি ইউ পি ৱাৰিৱৰ্ছে দীপ্তিক দলৰ পৰা ৰিলিজ কৰি দিছিল যদিও আজি নিলামত দলটোৱে ৰাইট টু মেচ কাৰ্ডৰ জৰিয়তে ৩.২০ কোটি টকাৰ দৰত দীপ্তিক পুনৰ দললৈ আনে। বিগত ছিজনত তেওঁ ২.৬০ কোটি টকাৰ দৰত ইউ পি ৱাৰিৱৰ্ছক প্ৰতিনিধিত্ব কৰিছিল।

এই নিলামত ভাৰতীয় খেলুৱৈকে ধৰি ক্ৰিকেট বিশ্বৰ আন বহুকেইজন খেলুৱৈৰ বাবে কোটি ট্টকাৰ দৰ উঠে। আগন্তুক চতুৰ্থ সংস্কৰণৰ বাবে মুঠ ২৭৬ জন খেলুৱৈৰ নিবিদা আগবঢ়োৱা হৈছিল। ইয়াৰ মাজৰ পৰা খেলুৱৈৰ প্ৰয়োজনীয় ৬৭টা শ্লট পূৰণ কৰা হৈছে। চাওক নিলামত বিক্ৰী হোৱা খেলুৱৈৰ তালিকা-