MI vs GT Live Score, IPL 2025: গিলৰ প্ৰাণৰক্ষা পৰিলেও নাবাচিল বাটলাৰঃ অশ্বনীৰ হাতলৈ আহিল সফলতা

আই পি এলৰ আজিৰ মেচত মুখামুখি হ’ব মুম্বাই ইণ্ডিয়ানছ আৰু গুজৰাট টাইটানছ। এই দুয়োটা দলেই সম্প্ৰতি প্লে’ অফৰ দৌৰত আছে। মুম্বাইয়ে এইপৰ্যন্ত ১১ খন মেচত ১৪ পইণ্ট লাভ কৰাৰ বিপৰীতে গুজৰাটে ১০ খন মেচতে লাভ কৰিছে ১৪ পইণ্ট। অৱশ্যে উন্নত ৰান ৰেটৰ আধাৰত মুম্বাই সম্প্ৰতি পইট তালিকাত তৃতীয় স্থানত আছে। আনহাতে চতুৰ্থ স্থানত আছে গুজৰাট টাইটানছ। উল্লেখ্য যে মুম্বাই ইণ্ডিয়ানছে প্ৰতিযোগিতাত হতাশাজনক আৰম্ভণিৰ পিছতো দুৰন্ত প্ৰত্যাৱৰ্তনেৰে প্লে’ অফৰ প্ৰবল দাবীদাৰ হিচাপে ধৰা দিছে। দলটোৱে অন্তিম ছয়খন মেচতে অপ্ৰতিৰোধ গতিৰে জয়ৰ মুখ দেখিছে।

আনহাতে গুজৰাটেও শক্তিশালী প্ৰদৰ্শন দাঙি ধৰি ছিজনত অন্যতম ধাৰাবাহিকতা দেখুওৱা দল হিচাপে পৰিগণিত হৈছে। বেটিং-বলিং উভয় দিশতে দলটোৱে প্ৰতিপক্ষৰ সমুখত আগ্ৰাসী মনোভাৱ দাঙি ধৰিছে। গুজৰাটেও অন্তিম মেচত জয়েৰে আজিৰ মেচত নামিব। এই ধাৰা আগলৈ নি গুজৰাটে মুম্বাইৰ ছয়খন মেচৰ অপৰাজেয় ধাৰা ভংগ কৰিব পাৰিবনে, সেয়া লক্ষণীয় হ’ব।