হৃদযন্ত্ৰৰ বাবে মদ নে চিগাৰেট বেছি বিপদজনক?

দেশত মৃত্যু হোৱা সকলো লোকৰ ভিতৰত ২৪.৫ শতাংশ লোক হৃদৰোগত আক্ৰান্ত। বেয়া খাদ্যাভ্যাস আৰু জীৱনশৈলী হৃদৰোগ বৃদ্ধিৰ এটা প্ৰধান কাৰণ।

যদি এজন ব্যক্তিয়ে প্ৰতিদিনে অত্যাধিক মদ আৰু চিগাৰেট খায়, তেন্তে ই হৃদযন্ত্ৰৰ বাবে ক্ষতিকাৰক হ’ব পাৰে।

বিশেষজ্ঞৰ মতে, মদতকৈ চিগাৰেট হৃদযন্ত্ৰৰ বাবে বেছি বিপদজনক । মদে যিমান হৃদযন্ত্ৰক ক্ষতি কৰে, তাতকৈ বেছি ক্ষতি কৰে চিগাৰেটে ।

মনত ৰাখিব, চিগাৰেটৰ ধোঁৱা যদি আপোনাৰ শৰীৰত প্ৰৱেশ কৰে, তেন্তে ধূমপান কৰা ব্যক্তিজনৰ সমানে ই আপোনাৰ হৃদযন্ত্ৰক ক্ষতি কৰে ।

হৃদৰোগত আক্ৰান্তসকলে চিগাৰেট একেবাৰে পৰিহাৰ কৰক । ইয়াৰ ফলত হাৰ্ট এটেক বা হাৰ্ট ফেইলাৰ হোৱাৰ আশংকা থাকে ।