প্ৰস্ৰাৱ হালধীয়া আৰু জ্বলা-পোৰা কৰা… এয়া কি ৰোগৰ লক্ষণ?

প্ৰস্ৰাৱ সংক্ৰমণ (Urinary Tract Infection বা UTI) হৈছে শৰীৰৰ মূত্ৰতন্ত্ৰৰ যিকোনো অংশত হোৱা সংক্ৰমণ। গ্ৰীষ্মকালত প্ৰস্ৰাৱ সংক্ৰমণৰ আশংকা বৃদ্ধি পায়। ১০ জন পুৰুষৰ ভিতৰত এজনৰ তুলনাত দুজনৰ ভিতৰত এগৰাকী মহিলাই কমেও এবাৰ হোৱাৰ আশংকা থাকে। ইয়াৰ আটাইতকৈ গুৰুত্বপূৰ্ণ কাৰণ হ’ল ডিহাইড্ৰেচন। ফলত বেক্টেৰিয়াই আক্ৰমণ কৰাৰ সুযোগ পায়। ইয়াৰ বাহিৰেও গ্ৰীষ্মকালত UTI হোৱাৰ আন বহুতো কাৰণ আছে।

এই ৰোগ প্ৰতিৰোধৰ বাবে অধিক পানী খাব লাগে। প্ৰস্ৰাৱ হালধীয়া হোৱাৰ লগে লগে দিনটোত পানী খোৱাৰ পৰিমাণ বৃদ্ধি কৰক। সাধাৰণতে ৪ৰ পৰা ৫ ঘণ্টাৰ মূৰে মূৰে প্ৰস্ৰাৱ কৰিব লাগে। যদি ইয়াতকৈ বেছি সময় প্ৰস্ৰাৱ কৰাত পলম হয়, তেন্তে পানীৰ পৰিমাণ বৃদ্ধি কৰিব লাগিব। প্ৰস্ৰাৱ বেছি সময় ধৰি ৰাখিব নালাগে, কিয়নো ইয়াৰ ফলত সংক্ৰমণ আৰু অধিক বিয়পি যোৱাৰ সম্ভাৱনা বৃদ্ধি পায়।

প্ৰস্ৰাৱ কৰাৰ সময়ত জ্বলা-পোৰা বা বিষ হোৱা ইউটিআইৰ প্ৰাৰম্ভিক লক্ষণ। ইয়াৰ লগতে প্ৰস্ৰাৱৰ ৰং সলনি, প্ৰস্ৰাৱত দুৰ্গন্ধি ইত্যাদি। ইউটিআইৰ বাবেও মহিলাসকলৰ জ্বৰ হয়। যেতিয়া এই অৱস্থা গুৰুতৰ হৈ পৰে তেতিয়া পেটৰ তলৰ অংশ আৰু কঁকালত বিষ হয়। যদি আপুনিও এনে সমস্যা পাইছে তেন্তে চিকিৎসকৰ সৈতে যোগাযোগ কৰক।