এই ৩টা ভুলে বৃদ্ধি কৰে ফেটি লিভাৰ হোৱাৰ সম্ভাৱনা, জানক কি কি…

ফেটি লিভাৰ ৰোগ আজিকালি সাধাৰণ সমস্যা হৈ পৰিছে। ইয়াৰ আটাইতকৈ ডাঙৰ কাৰণ হৈছে আমাৰ দুৰ্বল জীৱনশৈলী আৰু খাদ্যাভ্যাস। এইবোৰ কাৰণত যুৱক-যুৱতীসকলৰ মাজত ফেটি লিভাৰৰ সমস্যা (Fatty Liver Causes) দ্ৰুতগতিত বৃদ্ধি পাইছে। যকৃতত অতিৰিক্ত চৰ্বি জমা হৈ ইয়াৰ কাৰ্যক্ষমতাত প্ৰভাৱ পৰিলে এই সমস্যাৰ সৃষ্টি হয়।

সময়মতে সমাধান নকৰিলে ই গুৰুতৰ হৈ পৰে আৰু লিভাৰ চিৰ’ছিছ বা লিভাৰ বিকলতাৰ দৰে অৱস্থাৰ সৃষ্টি কৰিব পাৰে। কিন্তু এই সমস্যা আমাৰ নিজৰ কিছুমান ভুলৰ বাবেই (Mistakes Which Cause Fatty Liver)। লিভাৰ চিৰ’ছিছৰ সম্ভাৱনা বৃদ্ধি কৰা এনে তিনিটা ভুলৰ বিষয়ে জানো আহক।

প্ৰচেছড খাদ্য আৰু অত্যধিক চেনি খোৱা

দ্ৰুতগতিত চলি থকা জীৱনত মানুহে পুষ্টিকৰ খাদ্য খোৱাৰ পৰিৱৰ্তে বেছিকৈ ফাষ্টফুড, ভজা খাদ্য, শীতল পানীয় সেৱন কৰে। এই খাদ্যসমূহত ট্ৰেন্স ফেট, ৰিফাইন চেনি, আৰু ক্ষতিকাৰক ৰাসায়নিক পদাৰ্থ থাকে, যিয়ে লিভাৰত চাপ পেলায়। শীতল পানীয় আৰু পেকেটত ভৰোৱা ৰসত অধিক পৰিমাণৰ ফ্ৰুক্ট’জ থাকে, যিটো পোনপটীয়াকৈ যকৃতত জমা হৈ যকৃতত চৰ্বিযুক্ত হয়। ভজা খাদ্য, যেনে চিঙৰা, কচুৰি, বাৰ্গাৰ, ফ্ৰেন্স ফ্ৰাই আদিত চেচুৰেটেড ফেট থাকে, যিটো লিভাৰৰ বাবে ক্ষতিকাৰক।

গতিকে এইবোৰৰ পৰিৱৰ্তে সতেজ ফল-মূল, শাক-পাচলি, গোটা শস্য আদি খাদ্য তালিকাত অন্তৰ্ভুক্ত কৰক। শীতল পানীয়ৰ সলনি নাৰিকলৰ পানী, নেমু পানী খাব লাগে।

সুৰাপান

মদ্যপান কৰাটো ফেটি লিভাৰ হোৱাৰ অন্যতম ডাঙৰ কাৰণ। মদ্যপানে যকৃতত প্ৰৱেশ কৰি বিষাক্ত পদাৰ্থ উৎপন্ন কৰে, যাৰ ফলত যকৃতৰ কোষৰ ক্ষতি হয় আৰু চৰ্বি জমা হয়। দীৰ্ঘদিন ধৰি মদ্যপান কৰিলে এলকহলিক ফেটি লিভাৰ ডিজিজ (AFLD) হ’ব পাৰে, যিটো চিৰ’ছিছলৈ গতি কৰিব পাৰে।

গতিকে, যদি আপুনি মদ খায় তেন্তে সম্পূৰ্ণৰূপে বন্ধ কৰক। সামান্য পৰিমাণৰ মদ খালে কোনো ক্ষতি নহয় বুলি ভুল ধাৰণাৰ অধীনত নাথাকিব। যিমানেই কম পৰিমাণে নহওক কিয়, মদ্যপানে যকৃতৰ ক্ষতি কৰে।

শাৰীৰিকভাৱে সক্ৰিয় নোহোৱা

আজিৰ জীৱনশৈলীত মানুহে এক ঠাইত বহি ঘণ্টাৰ পিছত ঘণ্টা সময় কটায় আৰু শাৰীৰিক ক্ৰিয়া-কলাপত লিপ্ত নহয়। ব্যায়ামৰ অভাৱত শৰীৰে কেলৰি জ্বলাব নোৱাৰে, যাৰ ফলত যকৃতত চৰ্বি জমা হয়। মেদবহুলতা আৰু ডায়েবেটিছও ফেটি লিভাৰৰ প্ৰধান কাৰণ।

গতিকে দৈনিক কমেও ৩০-৪৫ মিনিট খোজ কাঢ়িব বা ব্যায়াম কৰিব লাগে। যোগে যকৃতৰ স্বাস্থ্য উন্নত কৰিব পাৰে।

লগতে পঢ়ক: নিশাৰ এই সময়ত দুগুণলৈ বৃদ্ধি পায় হাৰ্ট এটেকৰ সম্ভাৱনা, ৬টা কাৰণত গুৰুত্ব দিয়ক…

(অস্বীকাৰ: এই প্ৰতিবেদনত উল্লেখ কৰা পৰামৰ্শসমূহ কেৱল সাধাৰণ তথ্যৰ উদ্দেশ্যেহে আৰু ইয়াক পেছাদাৰী চিকিৎসা পৰামৰ্শ বুলি ধৰি লোৱা উচিত নহয়। যিকোনো প্ৰশ্ন বা উদ্বেগ থাকিলে সদায় চিকিৎসকৰ পৰামৰ্শ লওক।)