একেৰাহে ডিঙি আৰু কঁকালৰ বিষ হৈ থাকে নেকি? ই কি ৰোগৰ লক্ষণ, জানক চিকিৎসকৰ পৰা…

ডিঙি আৰু কঁকালৰ বিষ হৈ থকা সাধাৰণ কথা। অফিচত বহু সময় কাম কৰি থাকিলে, বহু সময় একেৰাহে মোবাইল- লেপটপ ব্যৱহাৰ, গধুৰ বস্তু তোলা, ভুলকৈ শুৱা আদি কাৰণত ডিঙি আৰু কঁকালৰ বিষ হ’ব পাৰে। কিন্তু কেতিয়াবা ই গুৰুতৰ ৰোগৰ লক্ষণ হ’ব পাৰে। বিশেষজ্ঞসকলে কয় যে, যদি এই বিষ স্থায়ী হৈ ৰয় আৰু জিৰণি লোৱাৰ পাছতো নকমে তেন্তে ইয়াক আওকান কৰিব নালাগে। ই ডাঙৰ সমস্যাৰ সৃষ্টি কৰিব পাৰে।

যদি আপোনাৰ ডিঙিত প্ৰায়ে জঠৰতা বা বিষ হয় আৰু যদি এই বিষ পুৱাৰ ভাগত বেছি হয় তেন্তে ই ছাৰ্ভাইকেল স্পণ্ডাইলাইটিছৰ লক্ষণ হ’ব পাৰে। ইয়াত ডিঙিৰ হাড় আৰু চাৰিওফালৰ স্নায়ুবোৰ হেঁচা মাৰি ধৰা হয়। কেতিয়াবা হাতৰ টিংটিং বা অজ্ঞানতাও হয়। বিশেষকৈ যিসকলে লোকে কম্পিউটাৰত কাম কৰে বা মোবাইল আদি চাই থাকে তেওঁলোকে এই সমস্যাত ভোগে।

দিল্লীৰ এল এন জে পি হাস্পতালৰ অৰ্থপেডিক বিভাগৰ প্ৰাক্তন ডাঃ ৰোহন কৃষ্ণই কয় যে, ছাৰ্ভাইকেল স্পণ্ডাইলাইটিছত ডিঙিৰ হাড় আৰু ডিস্কৰ মাজৰ ঠাই কম হৈ পৰে। এই ৰোগত স্নায়ুৰ শিপা বা মেৰুদণ্ডৰ ওপৰত চাপ পৰিব পাৰে। এনে অৱস্থাত ইয়াৰ বিষ পিঠিৰ পৰা ডিঙিলৈ বিয়পিব পাৰে। এই বিষ কি কি ৰোগৰ লক্ষণ হ’ব পাৰে তলত উল্লেখ কৰা হ’ল-

স্লিপ ডিস্কৰ সমস্যা

হেল্থলাইনৰ মতে আমাৰ মেৰুদণ্ডত কুশ্বনৰ দৰে ডিস্ক থাকে যিয়ে শ্বক কমোৱাত সহায় কৰে। কিন্তু কেতিয়াবা এই ডিস্কবোৰৰ ঠাইৰ সাল-সলনি হয়। যাক স্লিপ ডিক্স বুলি কোৱা হয়।ইয়াৰ ফলত মেৰুদণ্ডৰ স্নায়ু সংকোচন কৰিব পাৰে, যাৰ ফলত কঁকালৰ তলৰ অংশ বা ডিঙিত তীব্ৰ বিষ হয়। ইয়াৰ লগতে হাত বা ভৰিৰ দুৰ্বলতা, অজ্ঞানতা বা জ্বলা-পোৰা আদি সমস্যাও দেখা যায়। এই বিষ স্থায়ী লৈ ৰয় আৰু কেতিয়াবা ই তীব্ৰ বা মৃদু হ’ব পাৰে।

পেশীত আঘাত

ডাঃ ৰোহন কৃষ্ণৰ মতে যদি আপুনি কোনো গধুৰ বস্তু তোলে বা ভুলকৈ শুৱে-বহে তেন্তে ডিঙি বা পিঠিৰ পেশীবোৰ টানিব পাৰে। ইয়াৰ ফলত ফুলা বা বিষৰ সমস্যা হ’ব পাৰে। এই বিষ জিৰণি, ব্যায়াম আদিৰ পৰা ঠিক হয়। কেতিয়াবা এই বিষ স্থায়ী হৈ ৰয় আৰু তেতিয়া পেশীৰ গভীৰ প্ৰভাৱ পৰিব পাৰে।

বৃক্ক সমস্যা

বৃক্ক সম্পৰ্কীয় সমস্যাৰ বাবে কেতিয়াবা বহুতৰ যে কঁকালৰ তলৰ অংশত বিষ হয়।যদি বিষৰ লগত প্ৰস্ৰাৱৰ সময়ত জ্বলা-পোৰা হয়, সঘনাই প্ৰস্ৰাৱ কৰা বা প্ৰস্ৰাৱত তেজ দেখা যায়, তেন্তে তৎক্ষণাত চিকিৎসকৰ ওচৰত যাব লাগে।

টিউমাৰ

ই অতি বিৰল। কিন্তু যদি বিষ তীব্ৰ হয় আৰু নিশা বৃদ্ধি পায়, লগতে জ্বৰ আৰু ওজন কমি যায় তেন্তে ই গুৰুতৰ সংক্ৰমণ বা টিউমাৰৰ লক্ষণ হ’ব পাৰে।

যদি আপোনাৰ বিষ এসপ্তাহতকৈ বেছি সময় থাকে আৰু হাত-ভৰি সকলোতে বিয়পি পৰে তেন্তে ই গুৰুতৰ সমস্যা হ’ব পাৰে। এনে ক্ষেত্ৰত জিৰণি লোৱা প্ৰয়োজন। যদি জিৰণিৰ পাছতো বিষ নকমে তেন্তে চিকিৎসকৰ পৰামৰ্শ ল’ব লাগে।

অন্য খবৰ পঢ়কঃ লিভাৰ চিৰ’ছিছৰ লক্ষণসমূহ কি কি? জানক চিকিৎসকৰ পৰা…