ভৰিৰ সৰু সৰু সমস্যা হ’ব পাৰে হৃদযন্ত্ৰ বিকল হোৱাৰ প্ৰাৰম্ভিক লক্ষণ, জানক চিকিৎসকৰ পৰা…

Heart disease symptoms: হৃদযন্ত্ৰৰ সমস্যা হ'লে বিভিন্ন লক্ষণে দেখা দিয়ে। ভৰিতো কিছুমান সমস্যাৰ সৃষ্টি হয়, যি হৃদৰোগৰ প্ৰাৰম্ভিক লক্ষণ হ'ব পাৰে। গতিকে সাৱধান হোৱা ভাল।

হৃদৰোগImage Credit source: GettyImages

Barasha Sarma | Published: 01 Jul 2025 13:22 PM

কেতিয়াবা ভৰি ফুলি উঠা বা টান হোৱা সাধাৰণ কথা, কিন্তু যদি এই সমস্যা স্থায়ী হয় তেন্তে সাৱধান হোৱা উচিত। কাৰণ এয়া হৃদৰোগৰ প্ৰাৰম্ভিক লক্ষণ হ’ব পাৰে। ভৰিত কেনেধৰণৰ গধুৰতা বা কি ধৰণৰ সমস্যা হৃদযন্ত্ৰৰ লক্ষণ হ’ব পাৰে, এই বিষয়ে জানিবলৈ আমি হৃদৰোগ বিশেষজ্ঞ চিকিৎসকৰ সৈতে কথা পাতিছিলো। তেওঁ ভৰিৰ লগত জড়িত হৃদৰোগৰ লক্ষণ, কাৰণ আৰু প্ৰতিৰোধৰ পদ্ধতিৰ বিষয়ে উল্লেখ কৰিছে।

শৰীৰে পৰ্যাপ্ত পৰিমাণৰ তেজ নাপালে হৃদযন্ত্ৰৰ ৰোগ হ’ব পাৰে। ইয়াৰ ফলত শৰীৰৰ কিছুমান অংশ বিশেষকৈ ভৰি আৰু ভৰিৰ গোৰোহাত ফুলা বা গধুৰ হোৱাৰ দৰে লক্ষণ দেখা দিব পাৰে। এই লক্ষণসমূহ বৃক্কৰ ৰোগ, গাঁঠিৰ ৰোগৰ হ’ব পাৰে, কিন্তু যদি ইয়াৰ লগতে যদি আন সমস্যাও দেখা দিয়ে তেন্তে ইয়াক আওকান কৰিব নালাগে।

ভৰিত কি কি লক্ষণে দেখা দিয়ে

এপ’ল’ হাস্পতালৰ কাৰ্ডিঅ’লজি বিভাগৰ ডাঃ বৰুণ বংছালে কয় যে, ভৰি দুখন ফুলাৰ উপৰিও হৃদযন্ত্ৰ দুৰ্বল হ’লে আন বহুতো লক্ষণ দেখা দিয়ে। গতিকে ইয়াক আওকান কৰা উচিত নহয়। কিছুমান লক্ষণ এনে ধৰণৰ-

যদি সামান্য কাম কৰা বা চিৰি বগাই যোৱাৰ পিছত ভৰিৰ বিষৰ সৈতে উশাহ বন্ধ অনুভৱ কৰা
বেছি কষ্ট নকৰাকৈ ভাগৰুৱা অনুভৱ কৰা , এয়া হৃদযন্ত্ৰ দুৰ্বল হোৱাৰ লক্ষণ হ’ব পাৰে।
ডাঃ বংছালৰ মতে যদি আপোনাৰ জোতাৰ চাইজ একেই আছে, কিন্তু তাৰ পাছতো ভৰিত ফিট নহয় তেন্তে ই ভৰিত তৰল পদাৰ্থ জমা হোৱাৰ লক্ষণ হ’ব পাৰে। হৃদযন্ত্ৰৰ পাম্পিং ক্ষমতা (Ejection Fraction) হ্ৰাস পোৱাৰ বাবে এনে হয়। অৱশ্যে কম সংখ্যক লোকৰ ক্ষেত্ৰত এই লক্ষণ দেখা যায়।
ভৰি ফুলা যদি স্থায়ী হয়, লগতে উচ্চ ৰক্তচাপ, ডায়েবেটিছ বা থাইৰয়ড হাই হয় তেন্তে এই লক্ষণ আওকান কৰা ভাল নহয়।