চাহ আৰু কফিয়ে মানসিক চাপ কম কৰে নেকি? জানক চিকিৎসকৰ পৰা…

বহু লোকে চাহ বা কফি ভাল পায়। দেখা যায়, কিছুমানে কেতিয়াবা দিনত কেইবাবাৰো চাহ বা কফি খায়।চাহ আৰু কফিত  এন্টিঅক্সিডেন্ট থাকে। হয়তো কেফেইনৰ প্ৰতি থকা আসক্তিয়ে মানুহক ইয়াৰ প্ৰতি আকৰ্ষিত কৰে। আপুনি হয়তো প্ৰায়ে ডাক্তৰৰ কথা শুনিছে যে বেছিকৈ চাহ-কফি খালে স্বাস্থ্যৰ বাবে ক্ষতিকাৰক। বহু ৰোগীকো ইয়াক বন্ধ কৰিবলৈ পৰামৰ্শ দিয়া হয়। কিন্তু একাংশক দেখা যায় যে, বেছি চিন্তা হ’লে, বেছিকৈ কাম থাকিলে চাহ বা কফি বিচাৰে। প্ৰশ্ন হয়,কম পৰিমাণে চাহ বা কফি খোৱা বেয়া নেকি?  জানক এই সন্দৰ্ভত চিকিৎসক কি কয়।

আমাৰ দেশত চাহ-কফি এক সাধাৰণ পানীয় হৈ পৰিছে। আলহী আহিলে প্ৰথমে চাহ-কফি দিয়া হয়।আনকি বিভিন্ন অফিচত ইয়াৰ মেচিনো স্থাপন কৰা হয়। চাহ-কফি কেৱল ৰুচি বা চখৰ খাতিৰত খোৱা নহয়। ইয়াৰ আঁৰত বহু গোপন কথা লুকাই আছে। কিছুমান মানুহে চাহ-কফি খায় কাৰণ তেওঁলোকে ইয়াৰ দ্বাৰা শক্তিশালী অনুভৱ কৰে। কিছুমান মানুহে চাহ বা কফি আসক্তিৰ বাবে সেৱন কৰে। ইয়াৰোপৰি কিছুমানে মানসিক চাপ কম কৰিবলৈ চাহ-কফি খায়।

মানসিক চাপ কম কৰে

জ্যেষ্ঠ মনোৰোগ বিশেষজ্ঞ ডাঃ সঞ্জীৱ ত্যাগীয়ে কয় যে চাহ আৰু কফিত কেফেইন আৰু এন্টিঅক্সিডেন্ট থাকে। চাহত থকা এল- থি নাইনে শান্তি আৰু আৰামৰ অনুভৱ দিয়ে। আনহাতে কফিত কেফেইন প্ৰচুৰ পৰিমাণে থাকে। কেফেইনৰ বাবে ই তৎক্ষণাত শক্তি প্ৰদান কৰে। দুয়োটা পানীয়ই মানসিক চাপ কমোৱাত সহায় কৰে। বহু মানুহে এই বিষয়ে বুজি পায়। কফি আৰু চাহ দুয়োটাই মানসিক চাপ কম কৰাত সহায় কৰে,কিন্তু অত্যাধিক মাত্ৰাত সেৱন কৰা ক্ষতিকাৰক।

কি কৰিব

ডাঃ সঞ্জীৱ ত্যাগীয়ে কয় যে, যদি আপোনাৰ পেটৰ লগত জড়ত কোনো সমস্যা নাই তেন্তে দিনটোত দুবাৰৰ পৰা তিনিবাৰ চাহ বা কফি খাব পাৰে। যদি আপোনাৰ গেছ, এচিডিটি, বদহজম বা কোষ্ঠকাঠিন্যৰ দৰে সমস্যা আছে, তেন্তে অতিৰিক্ত চাহ বা কফিয়ে ক্ষতি কৰিব পাৰে। এই ক্ষেত্ৰত সাৱধান হোৱা ভাল। অতি কম মাত্ৰাত ইয়াক সেৱন কৰিব লাগে। কেতিয়াবা মানসিক চাপ অনুভৱ কৰিলে চাহ-কফিৰ পৰিবৰ্তে প্ৰাকৃতিক আৰু বনৌষধি পানীয় সেৱন কৰিব পাৰে।

অন্য খবৰ পঢ়কঃ Covid 19: হৃদযন্ত্ৰৰ বাবে বিপদজনক! এতিয়াৰ পৰা ক’ভিড ভেকচিনত লিখা থাকিব সতৰ্কবাণী, নিৰ্দেশ FDA ৰ…