ভতুৱা শাক খালে কি কি ৰোগ ভাল হয়? জানক ইয়াৰ আচৰিত গুণৰ বিষয়ে…

শীতকালত বিভিন্ন প্ৰকাৰৰ শাক-পাচলিয়ে বজাৰ ভৰি পৰে। ইয়াৰ ভিতৰত অন্যতম ভতুৱা বা জিলমিল শাক। এই শাক কেৱল সুস্বাদুৱে নহয় ইয়াৰ বিভিন্ন উপকাৰী গুণো আছে। ই ছুপাৰফুডতকৈ কম নহয়। পুৰণি দিনৰ পৰা এই শাক বিভিন্ন প্ৰকাৰে খাই আহিছে। বজাৰৰ লগতে বহুতৰে বাৰীত অতি সহজভাৱে এই শাক গজা দেখা যায়। আয়ুৰ্বেদত এই শাকে শৰীৰ পৰিষ্কাৰ কৰি প্ৰাকৃতিক বিষমুক্তকৰণ কৰে বুলিও বৰ্ণনা আছে। গতিকে ইয়াক খোৱাৰ উপকাৰিতা জনা দৰকাৰ।

কি কি ৰোগ ভাল হয়

• ভতুৱা শাকত ভিটামিন এ, ভিটামিন চি, আয়ৰণ, কেলছিয়াম আদি থাকে। ই হজম শক্তি ভাল কৰে আৰু কৌষ্ঠকাঠিন্যৰ সমস্যা দূৰ কৰে। যিসকল লোকৰ গেছ, এচিডিটি, পেট ফুলাৰ সমস্যা আছে তেওঁলোকে এই শাক খাব পাৰে।
• ভতুৱা শাকে তেজ পৰিষ্কাৰ কৰে। ই ছাল উজ্বল কৰাত সহায় কৰে। ছালৰ খজুৱতি, শালমইনা, ৰঙা পৰা আদি সমস্যা কম কৰাত ই সহায় কৰে। এই শাকত ৰস খোৱাৰ ফলত যকৃত শক্তিশালী হয় আৰু শৰীৰৰ পৰা বিষাক্ত পদাৰ্থ বাহিৰ হয়।
• যদি আপোনাৰ গাঁঠিৰ বিষ, বাতবিষ, ব্লাড প্ৰেচাৰৰ সমস্যা আছে তেন্তে এই শাক আপোনাৰ বাবে ভাল। ইয়াৰোপৰি ই ৰোগ প্ৰতিৰোধ ক্ষমতা শক্তিশালী কৰে।
• এই শাকত প্ৰচুৰ পৰিমাণে ফাইবাৰ থাকে। গতিকে ই পেট ফুলা, কৌষ্ঠকাঠিন্যৰ দৰে সমস্যা কম কৰে। ই অন্ত্ৰৰ স্বাস্থ্য ঠিক কৰে আৰু পাচন প্ৰক্ৰিয়া ভাল কৰে।

কোনে খাব নালাগে

এই শাক সামান্য গৰম হয়। গতিকে যদি কাৰোবাৰ বৃক্কত পাথৰৰ সমস্যা আছে তেন্তে তেনে লোকে এয়া খাব নালাগে। ইয়াত অক্সালেট থাকে, যাৰ ফলত পাথৰ ডাঙৰ হ’ব পাৰে। গৰ্ভৱতী মহিলাসকলেও এই শাক খোৱাৰ ক্ষেত্ৰত চিকিৎসকৰ পৰামৰ্শ গ্ৰহণ কৰিব লাগে। ইয়াৰোপৰি আপোনাৰ যদি অন্য ৰোগ আছে তেন্তে এই ক্ষেত্ৰত বিশেষজ্ঞৰ পৰামৰ্শ লোৱা ভাল।

অন্য খবৰ পঢ়কঃ ডায়েবেটিছৰ প্ৰাৰম্ভিক লক্ষণসমূহ কি কি? জানক এইমছৰ চিকিৎসকৰ পৰা…