ন্যায় আমাৰ সংস্কৃতিৰ অবিচ্ছেদ্য অংগ: গণৰাজ্য দিৱসৰ প্ৰাকক্ষণত দেশবাসীক সম্বোধন ৰাষ্ট্ৰপতিৰ
গণৰাজ্য দিৱসৰ প্ৰাকমুহূৰ্তত ৰাষ্ট্ৰক সম্বোধন কৰে ৰাষ্ট্ৰপতি দ্ৰৌপদী মূৰ্মুৱে । ৰাষ্ট্ৰপতিয়ে কয় যে ভাৰতৰ গণতান্ত্ৰিক মূল্যবোধ আমাৰ সংবিধান সভাৰ গঠনত প্ৰতিফলিত হয়। তেওঁ কয়, প্ৰয়াগৰাজ মহাকুম্ভ আমাৰ ঐতিহ্যৰ পৰিচয়।

৭৬তম গণৰাজ্য দিৱসৰ প্ৰাকমুহূৰ্তত ৰাষ্ট্ৰক সম্বোধন কৰে ৰাষ্ট্ৰপতি দ্ৰৌপদী মূৰ্মুৱে। ভাষণত ৰাষ্ট্ৰপতিগৰাকীয়ে কয় যে বিশ্বৰ অন্যতম পুৰণি সভ্যতাত অন্তৰ্ভুক্ত ভাৰতক জ্ঞান আৰু বিবেকৰ উদ্যম হিচাপে গণ্য কৰা ভাৰতে এক অন্ধকাৰ সময়ৰ মাজেৰে পাৰ হ’ব লগা হৈছিল। এই বছৰ আমি ভগৱান বিৰচা মুণ্ডাৰ ১৫০তম জন্ম জয়ন্তী উদযাপন কৰিছো।
ৰাষ্ট্ৰপতিয়ে কয় যে ভাৰতৰ গণতান্ত্ৰিক মূল্যবোধ আমাৰ সংবিধান সভাৰ গঠনত প্ৰতিফলিত হয়। সেই সভাত দেশৰ সকলো অংশ আৰু সকলো সম্প্ৰদায়ক প্ৰতিনিধিত্ব কৰিছিল। লক্ষণীয়ভাৱে সংবিধান সভাত সৰোজিনী নাইডু, ৰাজকুমাৰী অমৃত কৌৰ, সুচেতা কৃপালানী, হংসাবেন মেহতা আৰু মালতী চৌধুৰীৰ দৰে ১৫ গৰাকী অসাধাৰণ মহিলা অন্তৰ্ভুক্ত আছিল।
মূৰ্মুৱে লগতে কয়, যে দেশখনে বিশ্ব ব্যৱস্থাত সঠিক স্থান বিচাৰি পাইছে। বাবা চাহেবে দেশক এক শক্তিশালী সংবিধান দিছে। ন্যায় আমাৰ সংস্কৃতিৰ এক অবিচ্ছেদ্য অংগ। এয়া আমাৰ দেশৰ সৌভাগ্য আছিল যে মহাত্মা গান্ধীৰ জন্ম ইয়াত হৈছিল। সকলো সম্প্ৰদায়ক সংবিধান সভাত প্ৰতিনিধিত্ব কৰোৱা হৈছিল। নৈতিকতা হৈছে আমাৰ জীৱনৰ মূল উপাদান।
ৰাষ্ট্ৰপতিয়ে ভাষণত আৰু কয় যে দেশত উন্নয়নৰ এই গতি আগলৈও অব্যাহত থাকিব। ভাৰতৰ দ্ৰুত গতিত অৰ্থনৈতিক বিকাশ হৈছে। মহিলা আৰু শিশুসকল বিকাশৰ কেন্দ্ৰত আছে। আন্তঃৰাষ্ট্ৰীয় পৰ্যায়ত বৃদ্ধি পাইছে ভাৰতৰ মৰ্যাদা। দেশৰ অ’বিচি, অনুসূচীত জাতি আৰু অনুসূচীত জনজাতিৰ লোকসকলৰ সামগ্ৰিক বিকাশৰ বাবে প্ৰচেষ্টা কৰা হৈছে। পথ আৰু বন্দৰবোৰ দ্ৰুতগতিত বিকশিত হৈছে।
ৰাষ্ট্ৰপতিৰ ভাষণৰ মুখ্য বিষয়সমূহ:
- আমাৰ সাংস্কৃতিক ঐতিহ্যৰ সৈতে আমাৰ সংযোগ গভীৰ হৈছে।
- এই সময়ত অনুষ্ঠিত হোৱা প্ৰয়াগৰাজ মহাকুম্ভক সেই সমৃদ্ধ ঐতিহ্যৰ এক কাৰ্যকৰী অভিব্যক্তি হিচাপে দেখা গৈছে।
- আমাৰ পৰম্পৰা আৰু ৰীতি-নীতিত নতুন শক্তি সংৰক্ষণ আৰু সঞ্চাৰ কৰাৰ বাবে সংস্কৃতিৰ ক্ষেত্ৰত বহুতো উৎসাহজনক প্ৰচেষ্টা চলোৱা হৈছে।
- এক ৰাষ্ট্ৰ এক নিৰ্বাচনী পৰিকল্পনাই শাসনত স্থিৰতা বৃদ্ধি কৰিব পাৰে, নীতিগত অক্ষমতাক প্ৰতিহত কৰিব পাৰে।
- শেহতীয়াকৈ ঔপনিৱেশিক মানসিকতা সলনি কৰিবলৈ সমন্বিত প্ৰচেষ্টাৰ সাক্ষী হৈছোঁ। সাহসী আৰু দূৰদৰ্শী অৰ্থনৈতিক সংস্কাৰে অনাগত বছৰবোৰত এই ধাৰা অব্যাহত থাখিব।
- শিক্ষাৰ মানদণ্ড, ভৌতিক আন্তঃগাঁথনি আৰু ডিজিটেল অন্তৰ্ভুক্তিৰ বিষয়ত যোৱা দশকত শিক্ষা ক্ষেত্ৰত যথেষ্ট পৰিৱৰ্তন হৈছে।
প্ৰয়াগৰাজ মহাকুম্ভে আমাৰ ঐতিহ্যৰ পৰিচয় দিছে: ৰাষ্ট্ৰপতি
ৰাষ্ট্ৰপতিয়ে কয় যে, শক্তি খণ্ডত নতুন প্ৰযুক্তি ব্যৱহাৰ কৰা হৈছে। ডিবিটিৰ জৰিয়তে মানুহে যথেষ্ট লাভান্বিত হৈছে। যিয়ে ব্যৱস্থাত স্বচ্ছতা বৃদ্ধি কৰিছে। দেশত শাস্ত্ৰীয় ভাষাত গৱেষণাৰ কামৰ প্ৰচাৰ কৰা হৈছে। প্ৰয়াগৰাজ মহাকুম্ভ আমাৰ ঐতিহ্যৰ পৰিচয়। দেশত ডিজিটেল শিক্ষাৰ বাবে প্ৰচেষ্টা কৰা হৈছে। শিক্ষাৰ জৰিয়তে যুৱসকলৰ প্ৰতিভা বৃদ্ধি হয়। শিক্ষাৰ্থীসকলৰ প্ৰদৰ্শনত যথেষ্ট উন্নত হৈছে। চৰকাৰে শিক্ষাৰ ক্ষেত্ৰত কাম কৰিছে।