অসুৰৰ বেশত পাকিস্তানী সেনা প্ৰধান, মা সৰস্বতীৰ হাতত তৰোৱাল…এখন বিশেষ পূজা মণ্ডপ

মা দুৰ্গাৰ শাড়ীত পহলগাঁৱত সংঘটিত সন্ত্ৰাসবাদী আক্ৰমণৰ বিৱৰণ। অংকন কৰা হৈছে অপাৰেচন সিন্দূৰৰ ছবি। য’ত অসুৰৰ ৰূপত দেখা গৈছে পাকিস্তানী সেনা প্ৰধান অসীম মুনিকৰ। পশ্চিম বংগৰ মুৰ্ছিদাবাদৰ চুনাখালী সাৰ্বজনীন দুৰ্গা পূজাত এক বিশেষ ৰূপত চিত্ৰিত কৰা হৈছে নাৰী শক্তিক। ইয়াত সৰস্বতীৰো হাতত অস্ত্ৰ আছে।

৪৮ সংখ্যক বছৰত ভৰি দিলে চুনাখালী সাৰ্বজনীন দুৰ্গা পূজাই । এইবাৰ  দানৱৰ ভূমিকাত দেখা গৈছে পাকিস্তানী সেনা মুৰব্বীক। আকৌ মা দুৰ্গাৰ চৰণত পাকিস্তানৰ প্ৰধানমন্ত্ৰী শ্বাহবাজ শ্বৰীফক কটা মূৰ দেখুওৱা হৈছে। মা সৰস্বতীয়ে ডিঙিত ৰছী বান্ধি টানি আছে অসীম মুনিকৰক। হাতত তৰোৱাল। ইয়াত মা সৰস্বতীক নাৰী শক্তিৰ প্ৰতীক হিচাপে চিত্ৰিত কৰা হৈছে। দেখুওৱা হৈছে অপাৰেচন সেন্দূৰৰ সময়ত কৰ্ণেল ছফিয়া কুৰেশ্বি আৰু উইং কমাণ্ডাৰ ভামিকা সিঙে লোৱা ভূমিকা।

২২ এপ্ৰিলত পহলগামত সন্ত্ৰাসবাদীয়ে পৰ্যটকৰ ওপৰত চলোৱা আক্ৰমণ ২৬ জন লোকৰ মৃত্যু হৈছিল। তেওঁলোকৰ পৰিচয় সুধি  এই নৃশংস আক্ৰমণ কৰা হৈছিল। ১৫ দিনৰ অন্তত ভাৰতীয় সেনাই পাকিস্তান আৰু পাকিস্তান দখল কৰা কাশ্মীৰৰ একাধিক সন্ত্ৰাসবাদী শিবিৰত আক্ৰমণ কৰে। সন্ত্ৰাসবাদী শিবিৰসমূহ ধ্বংস কৰা হয়। এই পূজা মণ্ডপত অপাৰেচন সেন্দূৰ আৰু পহলগাম আক্ৰমণৰ সকলো ছবি প্ৰতিফলিত কৰা হৈছে। তদুপৰি ভাৰতীয় পতাকা উৰুৱাই আছে বি এছ এফৰ জোৱান আৰু সিদ্ধিদাতা গণেশে ।

পূজা সমিতিৰ সম্পাদক কাঞ্চন মণ্ডলে কয়, “প্ৰতিবাৰেই আমি মণ্ডপটো ডাঙৰ কৰিবলৈ চেষ্টা কৰোঁ।  এইবাৰো তেনেই কৰিলোঁ। এইবাৰ মূৰ্তিৰ ক্ষেত্ৰত নাৰী শক্তিৰ বিষয়বস্তুৰ ওপৰত আলোকপাত কৰিবলৈ চেষ্টা কৰিছো। পহলগামৰ কৰুণ ঘটনাটো মনত ৰাখি মা দুৰ্গাক এগৰাকী যোদ্ধা হিচাপে দেখুওৱা হৈছে। ইয়াত সৰস্বতীৰো হাতত অস্ত্ৰ-শস্ত্ৰ আছে।”।পাকিস্তান সেনাধ্যক্ষক অসুৰৰ হিচাপে দেখুওৱা হৈছে।”