পুনৰ মণিপুৰত সংঘটিত এক হিংসাত্মক ঘটনাত প্ৰাণ হেৰুৱালে ৫ জন লোকে
এজন আৰক্ষী বিষয়াই সদৰী কৰা মতে, দুটা পৃথক হিংসাত্মক ঘটনাত ৫ জনকৈ লোক নিহত হৈছে । জিৰিবাম জিলা সদৰৰ পৰা প্ৰায় ৫ কিলোমিটাৰ নিলগত অকলে বাস কৰা এজন ব্যক্তিৰ ঘৰত অস্ত্ৰধাৰী এটা গোট প্ৰৱেশ কৰে আৰু অস্ত্ৰধাৰী গোটৰ সদস্যই টোপনিত থকাৰ অৱস্থাতে লোকজনক গুলীয়াই হত্যা কৰে বুলি জানিবলৈ দিছে আৰক্ষী বিষয়া গৰাকীয়ে ।

পুনৰ মণিপুৰৰ জিৰিবামত সংঘটিত দুটা পৃথক হিংসাত্মক ঘটনাত ৫ জন লোকৰ মৃত্যু হোৱাৰ খবৰ প্ৰকাশ পাইছে । শনিবাৰে পুৱা সংঘটিত এই ঘটনাৰ সন্দৰ্ভত এজন আৰক্ষী বিষয়াই সদৰী কৰা মতে, দুটা পৃথক হিংসাত্মক ঘটনাত ৫ জনকৈ লোক নিহত হৈছে । জিৰিবাম জিলা সদৰৰ পৰা প্ৰায় ৫ কিলোমিটাৰ নিলগত অকলে বাস কৰা এজন ব্যক্তিৰ ঘৰত অস্ত্ৰধাৰী এটা গোট প্ৰৱেশ কৰে আৰু অস্ত্ৰধাৰী গোটৰ সদস্যই টোপনিত থকাৰ অৱস্থাতে লোকজনক গুলীয়াই হত্যা কৰে বুলি জানিবলৈ দিছে আৰক্ষী বিষয়া গৰাকীয়ে ।
এই হত্যাকাণ্ডৰ পাছতে জিলাখনৰ সদৰৰ পৰা প্ৰায় ৭ কিলোমিটাৰ নিলগৰ এটা পাহাৰীয়া স্থানত অস্ত্ৰধাৰী দুটা গোটৰ মাজত তীব্ৰ গুলীচালনাৰ ঘটনা সংঘটিত হয় । এই ঘটনাত তিনিজন পাহাৰীয়া উগ্ৰপন্থীকে ধৰি চাৰিজন লোকৰ মৃত্যু হয় বুলি বিষয়াগৰাকীয়ে জানিবলৈ দিয়ে। এই দুয়োটা ঘটনাৰ অধিক তথ্যৰ বাবে অপেক্ষা কৰি থকা হৈছে ।
প্ৰকাশিত খবৰ অনুসৰি,চলিত সপ্তাহৰ আৰম্ভণিতে বৰোবেকৰা থানাৰ জাকুৰাধোৰত এজন অৱসৰপ্ৰাপ্ত আৰক্ষী বিষয়াৰ এটা ঘৰৰ পৰিত্যক্ত তিনিটা কোঠাৰত অচিনাক্ত লোকে অগ্নিসংযোগ কৰাৰ ঘটনা সংঘটিত হৈছিল । এই ঘটনাৰ সৈতে কোন জড়িত আছে সেই কথা এতিয়াও স্পষ্ট হোৱা নাই ।
লগতে পঢ়ক: মণিপুৰত উগ্ৰপন্থীৰ ড্ৰ’ন আক্ৰমণ ! ভাৰতৰ বাবে কিয় চিন্তাৰ বিষয় ?
উল্লেখ্য যে, ১ আগষ্টত অসমৰ কাছাৰত চি আৰ পি এফৰ সৈতে হোৱা এক বৈঠকত মেইটেই আৰু হমাৰ জনগোষ্ঠীৰ প্ৰতিনিধিয়ে স্বাভাৱিক অৱস্থা ঘূৰাই অনাৰ লগতে হিংসাত্মক কাৰ্যকলাপ ৰোধ কৰাৰ বাবে এক সিদ্ধান্তত উপনীত হৈছিল । এই সিদ্ধান্তৰ পাছতে জিলাখন পুনৰ হিংসাত্মক কাৰ্যকলাপৰ সাক্ষী হৈ পৰে । জিৰিবাম জিলা প্ৰশাসনে আঁত ধৰা এই বৈঠকত অসম ৰাইফলছ আৰু চি আৰ পি এফ জোৱানৰ লগতে জিৰিবাম জিলাৰ হমাৰ, মেইটেই, থাদৌ, পাইটে আৰু মিজো জনগোষ্ঠীৰ প্ৰতিনিধিও উপস্থিত আছিল ।
যোৱা বছৰৰ মে’ মাহৰ পৰা ইম্ফল উপত্যকাৰ মেইটেই আৰু পাহাৰীয়া কুকি গোটসমূহৰ মাজত হোৱা জাতিগত হিংসাত ২০০ৰো অধিক লোক নিহত হোৱাৰ লগতে হাজাৰ হাজাৰ লোক গৃহহীন হৈ পৰিছে।
লগতে পঢ়ক: মণিপুৰৰ পৰা কেন্দ্ৰীয় বাহিনী প্ৰত্যাহাৰ কৰিবলৈ অমিত শ্বাহক আহ্বান বিজেপি বিধায়কৰ
INPUT-PTI