লালকিল্লাৰ সমীপত ভয়ংকৰ বিস্ফোৰণ: বৰ্তমানলৈকে ৮ জনৰ মৃত্যু, চাওক প্ৰতিমুহূৰ্তৰ খবৰ Live Updates

কেন্দ্ৰীয় গৃহমন্ত্ৰী অমিত শ্বাহৰ প্ৰতিক্ৰিয়া

কেন্দ্ৰীয় গৃহমন্ত্ৰী অমিত শ্বাহে কয়, “আজি সন্ধিয়া প্ৰায় ৭ বজাত দিল্লীৰ লালকিল্লাৰ সমীপৰ সুভাষ মাৰ্গ ট্ৰেফিক চিগনেলত হুণ্ডাই i20 গাড়ীত বিস্ফোৰণ সংঘটিত হয়। বিস্ফোৰণত একাংশ পথচাৰী আহত হোৱাৰ লগতে কিছু বাহনৰ ক্ষতিসাধন হয়। প্ৰাথমিক প্ৰতিবেদনত কিছু লোকে প্ৰাণ হেৰুৱাইছে বুলি জানিব পৰা গৈছে। বিস্ফোৰণৰ তথ্য লাভ কৰাৰ ১০ মিনিটৰ ভিতৰতে সেই স্থানত উপস্থিত হয় দিল্লী অপৰাধ শাখা আৰু দিল্লী বিশেষ শাখাৰ দল। এফ এছ এলৰ লগতে এন এছ জি আৰু এন আই এৰ দলে এতিয়া পুংখানুপুংখ তদন্ত আৰম্ভ কৰিছে। ওচৰৰ সকলো চিচিটিভি কেমেৰা পৰীক্ষা কৰিবলৈ নিৰ্দেশ দিয়া হৈছে। দিল্লীৰ আৰক্ষী আয়ুক্ত আৰু বিশেষ শাখাৰ ভাৰপ্ৰাপ্ত বিষয়াৰ সৈতেও কথা পাতিছো। ঘটনাস্থলীত উপস্থিত আছে দিল্লীৰ আৰক্ষী আয়ুক্ত আৰু বিশেষ শাখাৰ ভাৰপ্ৰাপ্ত বিষয়া। আমি সকলো সম্ভাৱনাৰ সন্ধান কৰি আছো আৰু সকলো সম্ভাৱনাৰ প্ৰতি লক্ষ্য ৰাখি এক সম্যক তদন্ত কৰিম। সকলো বিকল্পৰ তৎক্ষণাত তদন্ত কৰা হ’ব আৰু আমি ফলাফলসমূহ জনসাধাৰণৰ আগত দাঙি ধৰিম। অলপ পিছতে ঠাইখনলৈ যাম আৰু লগে লগে চিকিৎসালয়লৈও যাম।”

#WATCH | Delhi: Blast near Red Fort Metro Station | Union Home Minister Amit Shah says “This evening, around 7 pm, a blast occurred in a Hyundai i20 car at the Subhash Marg traffic signal near the Red Fort in Delhi. The blast injured some pedestrians and damaged some vehicles.… pic.twitter.com/BfRei3r3tx

— ANI (@ANI) November 10, 2025

ঘটনাস্থলীত উপস্থিত আৰক্ষী আৰু ফৰেনচিক বিশেষজ্ঞৰ দল

লালকিল্লাৰ সমীপত সংঘটিত বিস্ফোৰণৰ পাছতেই ঘটনাস্থলীত উপস্থিত হৈছে আৰক্ষী আৰু ফৰেনচিক বিশেষজ্ঞৰ দল। তন্ন তন্নকৈ পৰীক্ষা কৰা হৈছে ঘটনাস্থলী। সংগ্ৰহ কৰা হৈছে চিচিটিভি ফুটেজ। দিল্লীৰ আৰক্ষী আয়ুক্ত সতীশ গোলচাই প্ৰকাশ কৰিছে যে ধীৰ গতিত অহা এখন বাহনত সংঘটিত হয় বিস্ফোৰণ।

#WATCH | Delhi: Forensic team arrives at the spot after the blast near Gate no 1 of the Red Fort Metro station in Delhi

Delhi Police Commissioner Satish Golcha said, “Today at around 6.52 pm, a slow-moving vehicle stopped at the red light. An explosion happened in that vehicle,… pic.twitter.com/rQeXcLYQ69

— ANI (@ANI) November 10, 2025

দিল্লী আৰক্ষী আয়ুক্ত সতীশ গোলচাৰ প্ৰতিক্ৰিয়া

দিল্লী আৰক্ষী আয়ুক্ত সতীশ গোলচাই কয়, “আজি সন্ধিয়া প্ৰায় ৬.৫২ বজাত ৰেড লাইটত এখন লেহেমীয়া গতিৰ বাহন ৰৈ গ’ল। সেই বাহনখনত এটা বিস্ফোৰণ ঘটিল, আৰু বিস্ফোৰণৰ বাবে ওচৰৰ বাহনসমূহো ক্ষতিগ্ৰস্ত হয়। সকলো এজেন্সী, এফ এছ এল, এন আই এ, ইয়াত আছে… কিছু লোকৰ মৃত্যু হৈছে, আৰু কিছুমান লোক এই ঘটনাত আহত হৈছে। পৰিস্থিতিৰ ওপৰত নজৰ ৰখা হৈছে। গৃহমন্ত্ৰীয়েও আমাক ফোন কৰিছে, আৰু তথ্য আছে। তথ্যসমূহ তেওঁৰ সৈতে শ্বেয়াৰ কৰা হৈছে।”

#WATCH | Delhi: Delhi Police Commissioner Satish Golcha says, “Today at around 6.52 pm, a slow-moving vehicle stopped at the red light. An explosion happened in that vehicle, and due to the explosion, nearby vehicles were also damaged. All agencies, FSL, NIA, are here… Some… pic.twitter.com/uIt7NRziur

— ANI (@ANI) November 10, 2025

দিল্লী আৰক্ষী আয়ুক্তৰ সৈতে বাৰ্তালাপ কেন্দ্ৰীয় গৃহমন্ত্ৰী অমিত শ্বাহৰ

লালকিল্লাৰ বিস্ফোৰণৰ ঘটনাৰ পিছতে কেন্দ্ৰীয় গৃহমন্ত্ৰী অমিত শ্বাহে দিল্লী আৰক্ষী আয়ুক্তৰ সৈতে ততাতৈয়াকৈ বাৰ্তালাপ কৰে। এন এছ জি, এন আই এ, আৰু ফৰেনছিক বিভাগৰ দলক ততাতৈয়াকৈ স্থানলৈ প্ৰেৰণ কৰা হয়। দিল্লীৰ ঘটনা সন্দৰ্ভত আই বি সঞ্চালকৰ সৈতে নিৰন্তৰ যোগাযোগ অব্যাহত আছে গৃহমন্ত্ৰীগৰাকীয়ে।

Union Home Minister Amit Shah immediately spoke with the Delhi Police Commissioner after the incident. Teams from the NSG, NIA, and the forensic department were rushed to the spot. The Home Minister remains in continuous touch with the IB Director regarding the Delhi incident. pic.twitter.com/DeBd7Oe6Xd

— ANI (@ANI) November 10, 2025

বিস্ফোৰণ সন্দৰ্ভত প্ৰত্যক্ষদৰ্শীয়ে দিলে বৰ্ণনা

দিল্লীৰ লালকিল্লা মেট্ৰ’ ষ্টেচনৰ ১ নং গেটৰ সমীপত আজি সংঘটিত হয় ভয়ংকৰ বিস্ফোৰণৰ ঘটনা। এই ঘটনাত বৰ্তমানলৈকে ৮ জনকৈ লোকে প্ৰাণ হেৰুওৱা বুলি জানিব পৰা গৈছে। বিস্ফোৰণ সন্দৰ্ভত এজন প্ৰত্যক্ষদৰ্শীয়ে সংবাদ সংস্থা এএনআইক কয়, “ৰাস্তাত কাৰোবাৰ হাত দেখি আমি একেবাৰে স্তম্ভিত হৈ পৰিলোঁ। শব্দৰে বুজাব নোৱাৰো…”

#WATCH | Delhi: Blast near Red Fort | “When we saw someone’s hand on the road, we were absolutely shocked. I can’t explain it in words…” said a local to ANI pic.twitter.com/vmibMbPFUk

— ANI (@ANI) November 10, 2025

কোনো সন্ত্ৰাসবাদী সংগঠনে বৰ্তমানলৈকে দায়িত্ব স্বীকাৰ কৰা নাই বিস্ফোৰণৰ

লালকিল্লাৰ সমীপত সংঘটিত বিস্ফোৰণৰ কাৰণ বৰ্তমানেও জানিব পৰা হোৱা নাই। কিন্তু আজি জম্মু-কাশ্মীৰত বিস্ফোৰক উদ্ধাৰ আৰু গুজৰাটত সন্ত্ৰাসবাদী সংগঠনৰ সৈতে জড়িত তিনিজন লোকক গ্ৰেপ্তাৰ কৰা ঘটনাই এই বিস্ফোৰণৰ ক্ষেত্ৰত সন্দেহ ঘণীভূত কৰিছে। কোনো সন্ত্ৰাসবাদী সংগঠনে এই বিস্ফোৰণ সংঘটিত কৰাৰো সন্দেহ কৰিছে বহুতেই। কিন্তু বৰ্তমানলৈকে কোনো সন্ত্ৰাসবাদী সংগঠনে এই বিস্ফোৰণৰ দায়িত্ব স্বীকাৰ কৰা নাই। কেনেকৈ বিস্ফোৰণ সংঘটিত হ’ল তাৰ অনুসন্ধান আৰম্ভ কৰিছে আৰক্ষীয়ে।

ঘটনাস্থলীত উপস্থিত চি আৰ পি এফৰ ডিআইজি

লালকিল্লাৰ সমীপত বিস্ফোৰণ সংঘটিত হোৱাৰ পাচতেই ঘটনাস্থলীত উপস্থিত হৈছে চি আৰ পি এফৰ ডিআইজি কিশোৰ প্ৰসাদ। এই মুহূৰ্তত নিশ্চিতকৈ একো ক’ব পৰা নাযায় বুলি মন্তব্য কৰে বিষয়াগৰাকীয়ে।

#WATCH | Delhi: Blast near Red Fort | Kishor Prasad, DIG CRPF reaches the spot.

He says, “It is too early to say anything. I am just going to the site…” pic.twitter.com/JCpKlWZqu5

— ANI (@ANI) November 10, 2025

উত্তৰ প্ৰদেশতো হাই এলাৰ্ট জাৰী

দিল্লীৰ লালকিল্লা মেট্ৰ’ ষ্টেচনৰ গেট নং ১ৰ সমীপত সংঘটিত হোৱা বিস্ফোৰণৰ পৰিপ্ৰেক্ষিতত সতৰ্ক হৈ পৰিছে উত্তৰ প্ৰদেশ আৰক্ষী। এএনআইৰ সৈতে হোৱা এক সাক্ষাৎকাৰত উত্তৰ প্ৰদেশৰ এডিজি (আইন শৃংখলা) অমিতাভ যশে কয় যে ডিজিপিয়ে উত্তৰ প্ৰদেশৰ সকলো উচ্চপদস্থ বিষয়াক স্পৰ্শকাতৰ ধৰ্মীয় স্থান, স্পৰ্শকাতৰ জিলা, আৰু সীমান্ত অঞ্চলত নিৰাপত্তা বৃদ্ধিৰ বাবে নিৰ্দেশনা জাৰি কৰিছে। সকলো নিৰাপত্তা সংস্থাকো সতৰ্ক কৰি দিয়া হৈছে। উত্তৰ প্ৰদেশৰ সকলো জিলাৰ আৰক্ষীক সতৰ্ক কৰি দিয়া হৈছে। লক্ষ্ণৌৰ পৰা স্পৰ্শকাতৰ অঞ্চলত টহল আৰু চেক পোষ্টৰ সংখ্যা বৃদ্ধিৰ নিৰ্দেশ জাৰি কৰা হয়।

Uttar Pradesh has been put on alert in the wake of a blast near Gate no 1 of the Red Fort Metro station in Delhi

Speaking to ANI, Uttar Pradesh ADG Law and Order Amitabh Yash said that the DGP has issued instructions to all senior officials in Uttar Pradesh to increase security… pic.twitter.com/qX1vba6biE

— ANI (@ANI) November 10, 2025

বৰ্তমানলৈকে আঠজনৰ মৃত্যু

লালকিল্লাৰ সমীপত সংঘটিত  বিস্ফোৰণৰ ঘটনাত বৰ্তমানলৈকে ৮ জন লোকে প্ৰাণ হেৰুৱাইছে। বিস্ফোৰণথলীৰ পৰা ১৫ জন লোকক লোকনায়ক জয়প্ৰকাশ নাৰায়ণ হাস্পতাললৈ লৈ যোৱা হৈছিল যদিও তাতেই ৮ জনে প্ৰাণ হেৰুৱায়।

Blast near Gate 1 of Red Fort Metro station | Fifteen people have been brought to Lok Nayak Hospital. Eight of them died before reaching the hospital. Three are seriously injured. One is in stable condition: Medical Superintendent, Lok Nayak Jai Prakash Narayan (LNJP) Hospital to… pic.twitter.com/EXQfiqxfNR

— ANI (@ANI) November 10, 2025

সমগ্ৰ দিল্লীত হাই এলাৰ্ট জাৰী

এই বিস্ফোৰণৰ পাচতেই সমগ্ৰ দিল্লীত হাই এলাৰ্ট জাৰী কৰা হৈছে। আজি আৰক্ষীয়ে জম্মু-কাশ্মীৰত বুজন পৰিমাণৰ বিস্ফোৰক আৰু অস্ত্ৰ-শস্ত্ৰ জব্দ কৰাৰ লগতে গ্ৰেপ্তাৰ কৰিছিল দুজন চিকিৎসকক। পাক সমৰ্থিত সন্ত্ৰাসবাদীয়ে ভাৰতত কূটাঘাত সংঘটিত কৰাৰ পৰিকল্পনা কৰা বুলি চোৰাংচোৱাই তথ্য লাভ কৰিছিল। তাৰ পাছতেই অভিযানত জব্দ হয় এই বিস্ফোৰকসমূহ। কিন্তু তাৰ পাছতো অতি  সুৰক্ষিত লালকিল্লাৰ সমীপত এই বিস্ফোৰণ সংঘটিত হোৱা ঘটনাই উদ্বেগ সৃষ্টি কৰিছে।

মুহূৰ্ততে জ্বলিল কেবাখনো বাহন

বিস্ফোৰণৰ পাছতেই কেবাখনো বাহনত জুই লাগে। তথ্য অনুসৰি লালাকিল্লা মেট্ৰ’ৰ ১ নং গেটৰ সমীপত সংঘটিত হৈছে এই বিস্ফোৰণৰ ঘটনা। সংবাদ সংস্থা এএনআইৰ তথ্য অনুসৰি বিস্ফোৰণৰ কিছু সময় পূৰ্বে আহিছিল এটা ফোনকল। য’ত এই বিস্ফোৰণৰ কথা কোৱা হৈছিল।

A call was received regarding an explosion in a car near Gate No. 1 of the Red Fort Metro Station, after which three to four vehicles also caught fire and sustained damage: Delhi Fire Department.

— ANI (@ANI) November 10, 2025

সন্ধিয়া প্ৰায় বহু সংখ্যক লোকে অঞ্চলটোত ভিৰ কৰে। গাড়ীখনত চিএনজি লিক হোৱাৰ ফলত নে আন কিবা কাৰণত বিস্ফোৰণ ঘটিছে সেয়া এতিয়াও স্পষ্ট হোৱা নাই। ঘটনাস্থলীত উপস্থিত হৈছে আৰক্ষীৰ বিষয়াসকল। সকলো দিশৰ পৰা তদন্ত চলি আছে বুলি জানিব পৰা গৈছে।