শেহতীয়া খবৰঅসমভাৰতমনোৰঞ্জনব্যৱসায়শিক্ষাখেলজীৱনশৈলীবিশ্বপ্ৰযুক্তিৱেব ষ্ট'ৰীফটোVideos

হঠাৎ গৃহমন্ত্ৰী অমিত শ্বাহৰ বিমানত কাৰিকৰী বিজুতি, তাৰ পিছত…

কেন্দ্ৰীয় গৃহমন্ত্ৰী অমিত শ্বাহৰ বিমানত মুম্বাইত কাৰিকৰী দোষৰ সৃষ্টি হয়। দুদিনীয়া মুম্বাই ভ্ৰমণৰ অন্তত গুজৰাটলৈ উভতি অহাৰ সময়ত এই ঘটনা সংঘটিত হয়। মহাৰাষ্ট্ৰৰ উপ-মুখ্যমন্ত্ৰী একনাথ শিণ্ডে ততাতৈয়াকৈ সহায় আগবঢ়াই নিজৰ বিমানখন যোগান ধৰে। শ্বাহ আৰু তেওঁৰ পৰিয়াল শিন্দেৰ বিমানত গুজৰাট অভিমুখে ৰাওনা হয়।

হঠাৎ গৃহমন্ত্ৰী অমিত শ্বাহৰ বিমানত কাৰিকৰী বিজুতি, তাৰ পিছত…
Amit Shah 1 1
trishna-kalita
Trishna Kalita | Published: 30 Aug 2025 20:00 PM

এইবাৰ যাত্ৰীবাহী নহয়, কেন্দ্ৰীয় গৃহমন্ত্ৰী অমিত শ্বাহৰ বিমানত কাৰিকৰী বিজুতি। শনিবাৰে হঠাতে গৃহমন্ত্ৰী শ্বাহে দুদিনীয়া মুম্বাই ভ্ৰমণ সম্পূৰ্ণ কৰি গুজৰাটলৈ ৰাওনা হোৱাৰ সময়তে এই ঘটনা সংঘটিত হয়। সূত্ৰৰ পৰা জানিব পৰা মতে বিমানখনৰ কাৰিকৰী বিজুতিৰ খবৰ পোৱাৰ লগে লগে মহাৰাষ্ট্ৰৰ উপ-মুখ্যমন্ত্ৰী একনাথ সিন্দেই ততাতৈয়াকৈ গৃহমন্ত্ৰী আৰু তেওঁৰ পৰিয়ালক নিজৰ বিমানখনত যাত্ৰা কৰিবলৈ দিয়ে। তাৰ পিছত শ্বাহে সিন্দেৰ বিমানত গুজৰাটলৈ ৰাওনা হয়।

ইয়াৰ পূৰ্বে গৃহমন্ত্ৰী অমিত শ্বাহে শনিবাৰে মুখ্যমন্ত্ৰী দেৱেন্দ্ৰ ফাদনবিছৰ বাসগৃহলৈ গৈ গণেশ উৎসৱ কাৰ্যসূচীত অংশগ্ৰহণ কৰে। ইয়াৰ পিছতে তেওঁ পৰিয়ালসহ বিখ্যাত লালবাউগছা ৰাজা গণপতি দৰ্শন কৰে। উপ-মুখ্যমন্ত্ৰী একনাথ সিন্দেৰ লগতে ৰাজ্যৰ দলীয় নেতাসকলৰ সৈতে বৈঠকত মিলিত হয়।

শুকুৰবাৰে নিশা মহাৰাষ্ট্ৰত উপস্থিত হয় অমিত শ্বাহ

শুকুৰবাৰে নিশা মহাৰাষ্ট্ৰত উপস্থিত হয় কেন্দ্ৰীয় গৃহমন্ত্ৰী অমিত শ্বাহ। আজি পুৱা তেওঁ ৰাজ্য চৰকাৰৰ সহ্যাদ্ৰী অতিথিশালাত সিন্দে আৰু আৰ এছ এছৰ যুটীয়া সাধাৰণ সম্পাদক অতুল লিমায়ে, মহাৰাষ্ট্ৰ বিজেপিৰ সভাপতি ৰবীন্দ্ৰ চাৱন আৰু নৱনিযুক্ত মুম্বাই বিজেপিৰ মুৰব্বী অমিত সতমৰ সৈতেও আলোচনাত মিলিত হয়।

দুদিনীয়া ভ্ৰমণৰ সময়ত বিজেপিৰ ৰাষ্ট্ৰীয় সাধাৰণ সম্পাদক বিনোদ তাৱডেই সহ্যাদ্ৰী অতিথিশালাত গৃহমন্ত্ৰী অমিত শ্বাহক সাক্ষাৎ কৰে। অনুমান কৰা হৈছে যে দুয়োগৰাকী নেতাৰ এই বৈঠকৰ সময়ত আগন্তুক উপ-ৰাষ্ট্ৰপতি নিৰ্বাচন, বিহাৰ বিধানসভা নিৰ্বাচন আৰু সাংগঠনিক বিষয়সমূহৰ ওপৰত আলোচনা কৰা হয়। মাৰাঠা সংৰক্ষণ আন্দোলন সন্দৰ্ভত অমিত শ্বাহে মুখ্যমন্ত্ৰী ফাদনবিছৰ আৰু মন্ত্ৰী আশীষ শ্বেলাৰৰ পৰা তথ্য লোৱা বুলিও সূত্ৰই প্ৰকাশ কৰিছে।