National Film Awards: মালয়ালম ছবি আট্টমলৈ শ্ৰেষ্ঠ চিনেমাৰ বঁটা, অসমীয়া ভাষাৰ শ্ৰেষ্ঠ ছবি এমুঠি পুঠি

আজি ঘোষণা কৰা ৭০ সংখ্যক ৰাষ্ট্ৰীয় চলচ্চিত্ৰ বঁটাত শ্ৰেষ্ঠ ছবিৰ বঁটা লাভ কৰিছে মালয়ালম ভাষাৰ ছবি আট্টমে। অসমীয়া ভাষাৰ শ্ৰেষ্ঠ ছবি হিচাপে সন্মান লাভ কৰে এমুঠি পুঠিয়ে। ইফালে ঋষৱ শ্বেট্টীয়ে কান্তাৰাত কৰা অভিনয়ৰ বাবে শ্ৰেষ্ঠ অভিনেতা আৰু উচাঈৰ বাবে সূৰজ বৰজাত্যই শ্ৰেষ্ঠ পৰচালকৰ বঁটা লাভ কৰে।

ৰাষ্ট্ৰীয় চলচ্চিত্ৰ বঁটা ঘোষণা

Monjit Dutta | Published: 16 Aug 2024 17:12 PM

আজি ঘোষণা কৰা হৈছে ৭০ সংখ্যক ৰাষ্ট্ৰীয় চলচ্চিত্ৰ বঁটা। নতুন দিল্লীৰ ৰাষ্ট্ৰীয় মিডিয়া চেণ্টাৰত ভাৰত চৰকাৰৰ তথ্য আৰু সম্প্ৰচাৰ মন্ত্ৰণালয়ে ৰাষ্ট্ৰীয় চলচ্চিত্ৰ বঁটাৰ বিভিন্ন শিতানৰ বিজয়ীসকলৰ নাম ঘোষণা কৰে। মালয়ালম ভাষাৰ চিনেমা আট্টমে শ্ৰেষ্ঠ ছবিৰ বঁটা লাভ কৰাৰ বিপৰীতে ঋষৱ শ্বেট্টীয়ে কান্তাৰাত কৰা অভিনয়ৰ বাবে শ্ৰেষ্ঠ অভিনেতাৰ সন্মান লাভ কৰে। আনহাতে শ্ৰেষ্ঠ অভিনেত্ৰীৰ সন্মান লাভ কৰে ক্ৰমে তিৰুচিত্ৰবালামৰ বাবে নিত্যা মেনেন আৰু কুচ এক্সপ্ৰেছৰ বাবে মানসী পাৰেখে লাভ। হিন্দী ভাষাৰ শ্ৰেষ্ঠ চিনেমাৰ বঁটা লাভ কৰে গুলমোহৰে। ইফালে অসমীয়া ভাষাৰ শ্ৰেষ্ঠ ছবি হিচাপে বিবেচিত হয় এমুঠি পুঠি। ৭০ সংখ্যক ৰাষ্ট্ৰীয় চলচ্চিত্ৰ বঁটাত সৰ্বাধিক পনিয়িন চেলভান: ১ ছবিয়ে চাৰিটা বঁটা লাভ কৰে।

৭০ সংখ্যক ৰাষ্ট্ৰীয় চলচ্চিত্ৰ বঁটা বিজয়ীৰ তালিকা-

ফিচাৰ শাখাঃ

শ্ৰেষ্ঠ ফিচাৰ ছবিঃ আট্টম

শ্ৰেষ্ঠ অভিনেতাঃ ঋষৱ শ্বেট্টী, কান্তাৰা

শ্ৰেষ্ঠ অভিনেত্ৰীঃ নিত্যা মেনন (তিৰুচিত্ৰবালাম), মানসী পাৰেখ (কুচ এক্সপ্ৰেছ)

শ্ৰেষ্ঠ পৰিচালকঃ সূৰজ বৰজাত্য, উচাঈ

শ্ৰেষ্ঠ সহ-অভিনেত্ৰীঃ নীনা গুপ্তা, উচাঈ

শ্ৰেষ্ঠ সহ-অভিনেতাঃ পৱন মালহোত্ৰা, ফৌজা

শ্ৰেষ্ঠ মনোৰঞ্জনধৰ্মী ফিচাৰ ছবিঃ কান্তাৰা

শ্ৰেষ্ঠ নৱাগত অভিনেতাঃ প্ৰমোদ কুমাৰ, ফৌজা

শ্ৰেষ্ঠ তেলেগু ছবিঃ কাৰ্তিকেয়া ২

শ্ৰেষ্ঠ তামিল ছবিঃ পনিয়িন চেলভান– ১