টুইংকল খান্না ঋষি কাপুৰৰ অবৈধ কন্যা নেকি? পোহৰলৈ আহিছে আচৰিত তথ্য

শেহতীয়াকৈ লেখিকা তথা অভিনেত্ৰী টুইংকল খান্নাই এটা হাস্যকৰ আৰু অদ্ভুত কাহিনী শ্বেয়াৰ কৰিছে, যিটো কাহিনী প্ৰয়াত প্ৰবীণ অভিনেতা ঋষি কাপুৰক কেন্দ্ৰ কৰি। কাহিনীটোৱে এসময়ত অনলাইনত বিভ্ৰান্তিৰ সৃষ্টি কৰিছিল। এই হাস্যকৰ ঘটনা পোহৰলৈ আহে টুইংকল আৰু কাজোলৰ নতুন টক শ্ব’ “টু মাচ উইথ কাজল এণ্ড টুইংকল”ৰ এটা খণ্ডত, য’ত আলিয়া ভাট আৰু বৰুণ ধাৱন অতিথি আছিল।

টুইংকলে কয়, “মোৰ জন্মদিনত সকলোৱে মোক ঋষি কাপুৰৰ অবৈধ ছোৱালী বুলি ভাবিছিল!”। টুইংকলে এটা ধেমেলীয়া কাণ্ডৰ বৰ্ণনা কৰিছিল, য’ত তেওঁ প্ৰকাশ কৰিছিল যে কেনেকৈ ঋষি কাপুৰৰ জন্মদিনৰ টুইটে ছ’চিয়েল মিডিয়াত উৰাবাতৰি আৰম্ভ কৰিছিল যে তেওঁ ঋষি কাপুৰৰ অবৈধ কন্যা!

ঘটনাটো আৰম্ভ হৈছিল এটা পুৰণি টুইটৰ পৰা, য’ত ঋষি কাপুৰে তেওঁৰ মাতৃ ডিম্পল কাপাডিয়াৰ গৰ্ভাৱস্থাৰ কথা মনত কৰি লিখিছিল, “যেতিয়া তোমাৰ মা গৰ্ভৱতী আছিল, মই প্ৰেমৰ গীত গাইছিলো।” এই মন্তব্যই ছ’চিয়েল মিডিয়াত জল্পনা-কল্পনাৰ সৃষ্টি কৰিছিল, বহুতে ভাবিছিল যে টুইংকল খান্না হয়তো ঋষি কাপুৰৰ কন্যা! টুইংকলে ধেমালিতে ক’লে, “আলিয়াৰ শহুৰেকৰ বাবেই মই প্ৰায় ‘কাপুৰ’ হৈ পৰিছিলো।

এই ভুল বুজাবুজি ইমানেই বেছি হৈ পৰিছিল যে ঋষি কাপুৰে নিজেই টুইট কৰি বিষয়টো স্পষ্ট কৰিবলৈ বাধ্য হয়। পিছত তেওঁ লিখিছিল, “জন্মদিনৰ শুভেচ্ছা থাকিল, প্ৰিয় টুইংকল! তেতিয়া তুমি মাৰ গৰ্ভত আছিলা, আৰু মই ১৯৭৩ চনত ‘ববি’ ছবিখনত তেওঁৰ বাবে গান গাই আছিলো।”

তেনেতে আলিয়া ভাট্টৰ মুখখন দেখি সকলোৱে হাঁহিত ফাটি পৰিল। শ্ব’টোৰ সময়ত যেতিয়া টুইংকলে এই কাহিনীটো শ্বেয়াৰ কৰি আছিল, তেতিয়া আলিয়া ভাটে অলপ অস্বস্তিকৰ মুখ এখন দেখুৱাইছিল। সেই কথা লক্ষ্য কৰি কাজোলে ক’লে, “আলিয়াই বৰ অদ্ভুত মুখ এখন বনাইছে!” টুইংকলে হাঁহি হাঁহি উত্তৰ দিলে, “এয়া ভুল বুজাবুজি আছিল!” এই কথাত বৰুণ ধাৱনে ক’লে, “তাই কেনেকৈ প্ৰতিক্ৰিয়া প্ৰকাশ কৰিব নাজানে।”