ৰোমাঞ্চ, কমেডি, ড্ৰামাৰে ভৰপূৰ হ’ব ২০২৫ বৰ্ষটো! মুক্তি লাভ কৰিব এইসমূহ শ্ৰেষ্ঠ ছবিয়ে…
২০২৪ বৰ্ষটো বক্স অফিচৰ বাবে যথেষ্ট ভাল আছিল। কিছুদিনৰ পাছতে আৰম্ভ হ'ব ২০২৫ বৰ্ষ। ইয়াৰ লগে লগে বক্স অফিচত মুক্তিৰ বাবে সাজু হৈছে বহুতো ডাঙৰ ছবি। নতুন বছৰত কোনবোৰছবিয়ে মুক্তি লাভ কৰিব? জানিবলৈ পঢ়ক এই প্ৰতিবেদন ..
২০২৪ চনত বহুতো ছবি মুক্তি লাভ কৰিছিল। ইয়াৰ ভিতৰত কিছুমান ফ্লপ আৰু বহুতো হিট আছিল। এতিয়া সকলোৱে অপেক্ষা কৰিছে ২০২৫ৰ বাবে। নতুন বছৰত বহু ডাঙৰ ছবি মুক্তি পাব। বহুতো চলচ্চিত্ৰৰ মুক্তিৰ তাৰিখও প্ৰকাশ কৰা হৈছে। ২০২৫ত এক্সন, ৰোমাঞ্চ, হৰৰ আৰু নাটকশৈলীৰ ওপৰত আধাৰিত ছবি দৰ্শকৰ মাজলৈ আহিব। যদি আপুনি ৰোমাণ্টিক-কমেডি ছবি পছন্দ কৰে, তেন্তে ২০২৫ চনটো আপোনাৰ বাবে যথেষ্ট ভাল হ’ব। অহা বছৰ কোনবোৰ ৰোমাণ্টিক-কমেডি ছবি ছবিগৃহত প্ৰদৰ্শিত হ’ব সেয়া জানো আহক।
২০২৫ চনত আহিবলগীয়া শ্ৰেষ্ঠ ৰোমাণ্টিক কমেডি ছবি
অজয় দেৱগন আৰু অক্ষয় কুমাৰৰ চুপাৰহিট ছবিৰ চিকুৱেল ২০২৫ চনত আহি আছে। ইয়াৰ উপৰিও, কিছুমান হৰৰ-কমেডি ছবিকো এই তাৰকাসকলৰ আহিবলগীয়া ছবিৰ তালিকাত অন্তৰ্ভুক্ত কৰা হৈছে।
‘নখৰেৱালী’
ৰাহুল শংকল্যৰ দ্বাৰা পৰিচালিত এই ছবিখনত অংশ দুগ্গল আৰু প্ৰগতি শ্ৰীবাস্তৱে অভিনয় কৰিব। এই ছবিখনত প্ৰেম কাহিনী দেখুওৱা হ’ব। ২০২৫ চনৰ ১৪ ফেব্ৰুৱাৰীত মুক্তি পাব ছবিখনে।
View this post on Instagram
‘ছানী সংস্কাৰী কী তুলসী কুমাৰী’
কৰণ জোহৰৰ প্ৰযোজনা আৰু শশাংক খৈতানৰ পৰিচালনাত ‘ছানী সংস্কাৰী কী তুলসী কুমাৰী’ ছবিখনৰ ঘোষণা ২০২৪ত কৰা হৈছে। জাহ্নৱী কাপুৰ আৰু বৰুণ ধাৱান অভিনীত চলচ্চিত্ৰখন পাৰিবাৰিক নাটক, ৰোমাণ্টিক আৰু কমেডিৰ ওপৰত আধাৰিত হ’ব।
ছবিখন ২০২৫ চনৰ ১৮ এপ্ৰিলত মুক্তি লাভ কৰিব।
‘হাউচফুল ৫’
চাজিদ নাদিয়াদৱালাৰ ‘হাউচফুল’ ফ্ৰেঞ্চাইজিৰ পঞ্চমখন ছবি ২০২৫ চনৰ ৬ জুনত মুক্তি পাব। ছবিখনত অক্ষয় কুমাৰ, ৰিতেশ দেশমুখ, ফাৰদিন খান, সোনম বাজৱা, জেকলিন ফাৰ্ণাণ্ডেজ আৰু অভিষেক বচ্চন আদিয়ে অভিনয় কৰিছে।
View this post on Instagram
‘দে দে প্যায়াৰ দে ২’
২০১৯ চনত অহা অজয় দেৱগন আৰু ৰকুল প্ৰীত সিঙৰ ৰোমাণ্টিক-কমেডি ছবি ‘দে দে প্যায়াৰ দে ২’ চিকুৱেল ২০২৫ চনৰ ১৪ নৱেম্বৰত মুক্তি পাব। চলচ্চিত্ৰখনৰ দৃশ্যগ্ৰহণ ইতিমধ্যে আৰম্ভ হৈছে। ছবিখনত অজয় আৰু ৰকুলক আকৌ এবাৰ একেলগে কাম কৰা দেখা যাব।
View this post on Instagram
আন ছবিসমূহ
কেৱল এয়াই নহয়, ২০২৫ চনত মুক্তি পাবলগীয়া চলচ্চিত্ৰৰ তালিকাত ‘থামা’, ‘ধড়ক ২’ আৰু ‘চান্দ মেৰা দিল’ৰ দৰে নাম অন্তৰ্ভুক্ত আছে। অৱশ্যে, এই চলচ্চিত্ৰসমূহৰ মুক্তিৰ তাৰিখ এতিয়াও ঘোষণা কৰা হোৱা নাই।
